13 ¹ Orait bihain God Yawe i toktok long Moses olsem, ² "Dispela graun Kenan mi givim pinis long ol lain manmeri bilong Israel, salim sampela man i go luk stil long dispela ples. Salim wanwan man long wanwan lain tumbuna bilong ol. Ol hetman tasol long wanwan lain. ³ Long ples nating bilong Paran Moses i salim ol igo, inap ol i ken bihainim wanem tok God i givim. Olgeta dispela man em ol hetman bilong wanwan lain tumbuna long ol manmeri bilong Israel. ⁴ Dispela em ol nem bilong ol. Samua pikinini man bilong Saku long lain tumbuna bilong Ruben. ⁵ Sapat pikinini man bilong Hori long lain tumbuna bilong Simion, ⁶ Kalep pikinini man bilong Jepune long lain tumbuna bilong Juda, ⁷ Igal pikinini man bilong Josep long lain tumbuna bilong Isaka, ⁸ Hosia pikinini man bilong Nun long lain tumbuna bilong Iprem, ⁹ Palti pikinini man bilong Ropu long lain tumbuna bilong Benjamin, ¹⁰ Gadiel pikinini man bilong Sodi long lain tumbuna bilong Zebulun ¹¹ Gadi pikinini man bilong Susi long lain bilong Josep(i kamap long lain tumbuna bilong Manase), ¹² Amiel pikinini man bilong Gemali long lain tumbuna bilong Dan, ¹³ Setu pikinini man bilong Maikel long lain tumbuna bilong Asa, ¹⁴ Nabi pikinini man bilong Vopsi long lain tumbuna bilong Naptali, ¹⁵ Geuel pikinini man bilong Maki long lain tumbuna bilong Gat. ¹⁶ Dispela em ol nem bilong ol man Moses i salim bilong go luk stil long dispela hap graun, Moses i givim nem long Hosia pikinini man bilong Nun olsem Josua na salim em i go. ¹⁷ Moses i salim ol long go luk stil long Kenan. Em i tokim ol, "Yupela i go olsem long Negev na i go antap long ol ples mountain. ¹⁸ Sekim dispela graun na lukim graun i luk olsem wonem, lukim na skelim ol manmeri bilong dispela hap, ol i gat strong o nogat, na igat planti man i stap long dispela hap o nogat. ¹⁹ Long wonem hap ol i stap long em, sekim na lukim graun i gutpela o nogat, ol wonem taun istap long dispela ples, ol i wokim haus sel na stap o ol i stap insait long taun i gat strongpela banis. ²⁰ Lukim graun i olsem wanem, i gutpela long planim kaikai o nogat, na i gat diwai tu long dispela hap o nogat. Sanap strong na kisim sampela kaikai samting i redi pinis long graun bilong ol i kam bilong mipela i lukim. Nau em i taim bilong namba wan pikinini bilong wain i karim. ²¹ Orait ol man i go antap na luk stil long dispela graun, stat long ples nating bilong Sin i go kamap long Rehop klostu long Lebo Hamat. ²² Long Negev ol i go antap na kamap long Hebron, Ahiman, Sesai na Talmai em ol lain tumbuna bilong Anak i stap long dispela hap. Ol i wokim taun Hebron pastaim na bihain long 7pela krismas ol i wokim taun Soan long Isip. ²³ Taim ol i kamap long ples daun bilong Eskol, ol i katim wanpela han bilong diwai wain i pulap long ol pikinini bilong wain. Ol i putim long stik na tupela man i karim. Ol i kisim pikinini bilong pomegrenet na fik tu i kam. ²⁴ Dispela ples ol i kolim ples daun bilong Eskol, long wanem, ol manmeri bilong Israel i katim han bilong diwai wain long dispela hap. ²⁵ Ol i go luk stil pinis na bihain long 40-pela dei ol i kam bek. ²⁶ Ol i kam bek long Moses na Aron na olgeta lain manmeri bilong Israel long ples drai bilong Paran long Kades. Ol i bringim toktok ikam wantaim ol kaikai samting ol i kisim long dispela graun. ²⁷ Ol i tokim Moses olsem, ''Dispela graun yu salim mipela i go long en i pulap long milk na hani. Dispela em ol sampela pikinini kaikai mipela i kisim i kam long dispela hap. ²⁸ Tasol, ol strongpela manmeri istap long dispela ples, taun bilong ol i bikpela tumas na i gat strongpela banis i stap raunim ol dispela taun. Na tu mipela i lukim ol lain tumbuna bilong Anak i stap long hap. ²⁹ Ol Amelek istap long taun Negev. Ol lain Hitait na ol lain Jebu na ol lain Amon i stap long ol ples mounten. Ol lain Kenan istap arere long wara Jodan na klostu long solwara." ³⁰ Bihain Kalep i pasim maus bilong ol lain i stap klostu long Moses na i tok, "Kaman, yumi go antap na kisim dispela graun, long wanem mipela inap long winim pait na kisim dispela graun." ³¹ Tasol ol sampela man husait i bin go wantaim em i tok, "Mipela i nogat strong inap long pait wantaim ol dispela manmeri, ol i gat bikpela strong i winim strong bilong mipela." ³² Orait ol i go raun na givim ripot i daunim strong bilong ol manmeri bilong Israel, na tokim ol long wanem samting ol i lukim, "Dispela graun mipela i go long en, i luk olsem em i save daunim olgeta samting i stap antap long en. Ol longpela na bikpela manmeri istap long dispela ples. ³³ Mipela i lukim ol traipel man husait i kamap long lain tumbuna bilong Anak, em ol traipela traipela man. Long lukluk bilong mipela, mipela i olsem grasopa natin, na long ai bilong ol tu mipela i olsem grasopa tasol."