18 ¹ 1 God Yawe i tokim Moses, na tok. ² 2''Tokim ol manmeri bilong Isael na tok, 'mi God Yawe bilong yupela. ³ 3 Yu no ken mekim ol samting ol manmeri i bin mekim long Isip, taim yu stap bipo.Yu no ken mekim ol samting ol manmeri i bin mekim long Kenan, graun mi kisim yu i go long en. Yu no ken bihaim Kastom bilong ol. ⁴ 4 Lo bilong mi yu mas bihainim. Tok bilong mi yu mas holim, na wokabaut insait long en, long wanem mi God Yawe bilong yupela. ⁵ 5 Olsem na yu mas holim pas Lo bilong mi. sapos wanpela man i bihainim, em bai i stap laip long em. Mi God Yawe. ⁶ 6 Wanpela i no ken slip as nating wataim wanpela femali bilong em. Mi God Yawe. ⁷ 7 Yu no ken Semim papa bilong yu taim yu slip wantaim mama. Em mama bilong yu. Yu no ken Semim mama. ⁸ 8 Yu no ken slip wantaim ol meri bilong papa lain bilong yu, no ken Semim papa bilong yu olsem. ⁹ 9 Yu no ken slip wantaim ol narapela sista bilong yu, sait bilong papa, o sait bilong mama, bilong yu.Na sista long haus bilong yu o ol sista i stap long we long yu.No ken slip wantaim ol sista bilon yu stret. ¹⁰ 10 Yu no ken slip wantaim pikinini meri bilong pikinini man bilong yu.Yu no ken slip wantaim pikinini meri bilong pikinini meri bilong yu, em bai yu Sem. ¹¹ 11 Yu no ken slip wantaim pikinini meri i kamap long meri bilog papa bilong yu, husait i kamap long papa bilong yu. Em susa bilong yu, na no ken slip wantaim em. ¹² 12 Yu no ken slip wantaim sista bilong papa bilong yu, em sista tru bilong papa bilong yu. ¹³ 13 Yu no ken slip wantaim sista bilong mama bilong yu , em sista tru bilong mama bilong yu. ¹⁴ 14 No ken slip wantaim meri bilong brata bilong papa bilong yu na givim Sem long em. Na no ken i go klostu long en wantaim dispela tingting.Em anti bilong yu. ¹⁵ 15 Yu no ken slip wantaim meri bilong pikinini bilong yu. Em meri bilong pikinini bilong yu.Yu no ken slip wantaim em. ¹⁶ 16 No ken slip wantaim meri bilong brata bilong yu, na givim Sem long dispela rot. ¹⁷ 17 No ken slip wantaim mama na pikinini meri bilong em, wantaim pikinini meri bilong pikinini bilong em o piknini meri bilong pikinini bilong em. Em ol klostu lain bilong en. Sapos yu slip wantaim ol bai i Nogut tru. ¹⁸ 18 Yu no ken maritim sista bilong meri bilong yu olsem seken meri na slip wantaim taim pes meri i stap laip yet. ¹⁹ 19 No ken slip wantaim meri long taim bilong Sikmun, em i no Klin long dispela taim. ²⁰ 20 No ken slip wantaim meri bilong wantok, na mekim yu yet deti wantaim em long dispela rot. ²¹ 21 Yu no ken givim ol wanpla pikinini bilong yu long putim ol long paia, olsem Ofa bilong yu long Molek, long wanem yu no ken daunim nem bilong bikpela bilong yu God Yawe. ²² 22 Yu no ken slip wantaim narapela man olsem meri, dispela em pasin nogut tru. ²³ 23 Yu no ken slip wantaim ol animol na mekim yu yet kamap doti. Meri no ken slip wantaim ol animol. Dispela em i pasin Nogut tru. ²⁴ 24 Yo no ken bagarapim yu yet long ol dispela rot, long ol dispela rot Kantri i bakarap. Kantri inap long kisim yumi i go long en. ²⁵ 25 Graun i bin bagarap, olsem na mi panisim ol long sin bilong ol, na graun i trautim ol sating yumi kisim pinis long en. ²⁶ 26 Olsem yu mas holim Lo bilong mi na daunim, yu no ken mekim ol dispela pasin i no stret, Yu asples Isarel o yu bilong narapela hap lain kam i stap. ²⁷ 27 Dispelal pasin nogut ol manmeri bilong graun i bin mekim, em ol lain stap pipo long yu, na graun i bagarap nau. ²⁸ 28 Olsem na yu mas lukaut, graun i no inap trautim yu bihain long yu mekim ol dispela pasin ,em trautim ol manmeri i go pas long yu. ²⁹ 29 Sapos wanpela man i mekim dispela ol samting i no stret, orait yupela mas rausim em namel long ol manmeri. ³⁰ 30 Olsem na yu mas holim pasim Lo bliong mi, no ken lainim wanpela bilong ol dispela pasin tumpuna ol i bin mekim bipo, olsem na yu no ken bagarapim yu yet long dispela. Mi bikpela bilong yu God Yawe.