19 ¹ God Yawe i toktok long Moses, na tok. ² "Tokim ol lain man meri bilong Israel olsem, yupela i mas stap holi, olsem mi God Yaweh bilong yupela i holi. ³ Olgeta lain i mas aninit long mama na papa, na lukautim Sabat bilong mi. Mi God Yawe bilong yupela. ⁴ Noken bihainim god giama , o noken mekim god giaman long ol ain.. Mi God Yawe bilong yupela. ⁵ Taim yu givim ofa bilong yu long lotuim God Yawe, yu mas givim i go na em bai wanbel wantaim yu. ⁶ Yu mas kaikai long sem de yu givim ofa , o long narapela de. Sapos sampela i stap i go long namba tri de, yu mas kukim long paia. ⁷ Sapos dispela istap igo inap long namba tri de na yu kaikai,em ino gutpela abus,yu noken kaikai. ⁸ Na olgeta lain i kaikai dispela ol i mas karim hevi bilong ol yet bilong wanem ol i bagarapim samting i holi long God Yawe, olsem na ol i mas rausim dispela man i go longwe long ol lain man meri bilong em. ⁹ Sapos yu kamautim kaikai long gaden bilong yu, yu mas larim liklik istap long arere bilong gaden. Yu ino ken kamautim olgeta kaikai. ¹⁰ Yu noken kisim olgeta wain long gaden, na yu noken kisim wain i pundaun long gaden bilong yu. Dispela wain em i bilong ol tarangu lain na ol arapela lain man meri. Mi God Yawe bilong yupela. ¹¹ Noken stil. Noken giaman. Noken paulim ol man meri. ¹² Noken mekim giaman promis long nem blong mi na bagarapim nem bilong God bilong yu. Mi yet mi God Yawe. ¹³ Noken daunim wantok bilong yu na stil long em. Na noken holim pei bilong ol wokman istap long nait igo inap long moning. ¹⁴ Noken toknogut long ol iyau pas na noken putim hevi long ol ai pas. Tasol, yu mas pret long God bilong yu. Mi yet mi God Yawe. ¹⁵ Yu noken mekim giaman kot. Yu noken wansait long ol tarangu man, na yu noken wansait long ol man igat namba . Tasol, mekim stretpela kot long ol wan ples bilong yu. ¹⁶ Yu noken wokabaut i go i kam na tok baksait namel long ol man meri. Tasol, yu mas helpim ol wanples bilong yu. Mi God Yawe. ¹⁷ Yu noken holim rong bilong brata bilong yu long bel bilong yu. Yu mas tok strong long helpim man istap klostu long yu long ol pasin nogut bilong em olsem sin bilong em i no nap pas long yu. ¹⁸ Yu noken bekim bek, o yu noken holim rong bilong ol wan lain blong yu, tasol yu mas laikim ol olsem yu laikim yu yet. Mi yet mi God Yawe. ¹⁹ Yu mas lukautim lo blong mi. Yu noken lukautim wanpela animol wantaim arapela kain animol. Noken bungim tupela arapela sit wantaim taim yu planim ol long gaden. Noken werim klos ol i mekim long tupela arapela kain laplap. ²⁰ Husait i silip wantaim yangpela wok meri ol i makim pinis long maritim man, tasol ol ino baim em yet o mekim em fri, ol i mas mekim save long ol. Noken kilim ol idai bilong wanem yangpela meri ino stap nating. ²¹ Man i mas kisim ofa bilong asua igo long God Yawe long dua bilong haus sel bilong bung. Kisim wanpela yangpela meme bilong ofa bilong ausa. ²² Bihain bai pris i mekim ofa bilong baim bek man wantaim yangpela meme olsem ofa igo long God Yawe, bilong sin em i wokim pinis.Bai dispela sin em i mekim i ken pinis. ²³ Taim yu kam insait long dispela graun na planim pinis ol diwai i save karim kaikai, nau yu mas tambuim ol frut long kaikai. Ol frut i mas stap tambu i nap tripela yia. Noken kaikai dispela frut. ²⁴ Tasol long namba 4 yia olgeta frut bai holi, olsem ofa bilong litimapim nem blong God Yawe. ²⁵ Long namba 5 yia yu ken kaikai frut, olsem yu bin wet na ol diwai i karim planti moa frut. Mi God Yawe bilong yu. ²⁶ Noken kaikai ol kain mit i gat blut istap yet long en. Noken askim ol tevel long save long tumoro, na noken painim ol kain pawa long kontrolim ol arapela. ²⁷ Yu bai i no nap katim ol gras i raunim ol sait bilong het bilong yu o katim sot ol het bilong maus gras bilong yu. ²⁸ Yu noken katim bodi long makim dai o putim tatu mak long bodi bilong yu. Mi yet mi God Yawe. ²⁹ Noken bagarapim pikinini meri bilong yu olsem pamuk meri, o kantri bai i pundaun long pasin pamuk na ples bai pulap long ol pasin nogut. ³⁰ Yu mas lukautim dei Sabat bilong mi na respektim ples tambu bilong lotu long haus sel bilong mi. Mi yet mi God Yawe. ³¹ Noken bihainim ol man i save toktok wantaim ol dai man na wantaim ol tevel. Noken painim helpim long ol, o ol bai mekim yu doti. Mi God Yawe blong yu. ³² Yumi mas stap aninit long ol lapun wait gras man na respektim ol lapun man istap wantaim yumi. Mi yet mi God Yawe. ³³ Sapos man bilong narapela hap i stap long graun bilong yu, yu noken mekim nogut long em. ³⁴ Man bilong narapela hap istap wantaim yu em i wankaim olsem as ples pikinini Israel na yu mas laikim em olsem yu laikim yu yet, bilong wanem yu bin stap olsem narapela lain long ples Isip. Mi God Yawe blong yu. ³⁵ Noken usim giaman mesa long sekim longpela, hevi o namba bilong ol samting. ³⁶ Yu mas mesarim stret, skelim stret, kauntim stret. Mi God Yawe bilong yu, husait i kisim yu i kam autsait long Isip. ³⁷ Yu mas bihainim olgeta toktok na lo blong mi na mekim olsem. Mi yet mi God Yawe."