¹ Na dispela man i kisim mi i go bek long rot i go long tempel we wara i save ron na kam aut ananit long dua bilong tempel i go long hap sankamap. Tempel i lukluk i go long hap sankamap na wara i ron i go long san i go daun arere long tempel, long han sut bilong alta. ² Em i kism mi i go autsait long geit i stap long hap san kamap, long dispela hap we wara i save ron long geit na i ron i go daun long hap saut. ³ Taim em i wakabaut i go pesim sankamap, rop bilong makim i stap long han bilong em. Em i makim 46 mita na mak bilong wara i stap aninit long lek bilong mi. ⁴ Nau em i makim gen 46 mita na kisim mi i go long wara mak antap long lek soket bilong mi. Na em i makim narapela 46 mita na kisim mi i go long mak bilong wara i stap long namel mak bilong bodi bilong mi. ⁵ Bihain em i makim narapela 46 mita, tasol em i kamap olsem bikpela wara tru we mi no inap long brukim i go long wanem wara i tait na kam antap na abrusim mak bilong brukim. Em i kamap olsem bikpela wara yu no inap brukim. ⁶ Dispela man i tokim mi olsem, "pikinini bilong man, yu lukim dispela?" na em i kisim mi i kam aut na larim mi i wokabaut i go bek arere long wara. ⁷ Taim mi wokabaut i go bek , mi lukim planti diwai i sanap long tupela sait bilong wara. ⁸ Dispela man i tokim mi olsem,"dispela wara i go aut long graun bilong hap sankamap na i go long karis na i go daun olgeta long wara i gat sol na mekim i kamap gutpela. ⁹ Em bai olsem olgeta samting i gat laip i save bung i stap long ples we wara i ron i go, bai i gat planti pis isait long dispela wara. Em bai mekim solwara i kamap gutpela. We wara i go long en olgeta samting bai i stap. ¹⁰ Na em bai kamap olsem ol man bilong kisim pis bilong En Gedi i sanap arere long wara na bai i gat wanpela ples long putim ol umben bilong ol long san arere long En Eglaim. Bai i gat planti kainkain pis insait long Wara i gat Sol, planti i wankain olsem ol i save kisim long Bikpela Sol Wara. ¹¹ Tasol ol tais na ol liklik raunwara bilong Solwara bai i no inap kamap gutpela na ol bai givim sol. ¹² Arere long dispela wara, long tupela sait ol kainkain frut diwai bai i kamap bilong kaikai. Lip bilong ol bai i no inap dry na frut bilong ol bai i karim olgeta taim. Olgeta mun dispela diwai bai karim frut long wanem wara i kam aut long ples holi long givim wara long ol. Frut bilong ol bai bilong kaikai na lip bilong ol bai bilong marasin. ¹³ God Yawe i tok olsem, dispela em bai rot yu bai tilim graun namel long ol 12-pela lain bilong Israel; Josep bai i kisim tupela hap graun. ¹⁴ Yu mas tilim gut graun na givim i go long ol lain tumbuna bilong yu antap long strongpela tok promis mi mekim long en. Dispela graun bai i kamap olsem graun bilong ol Israel. ¹⁵ Dispela bai i mak bilong graun long hap not long Bikpela sol wara long Hetlon na i go olgeta long Zeded. ¹⁶ Na mak bilong graun bai i go inap long Berota, Sibraim namel long kantri Damaskas na Hamat na i go long Hazer Hatikon arere long graun bilong Hauran. ¹⁷ Mak bilong graun bai i stat long bikpela solwara i go long Hazar Enan bilong kisim mak wantaim kantri Damaskas na Hamat long hap not. ¹⁸ Long hap san kamap mak bai i go namel long Hauran na Damaskas, arere long wara Jodan namel long Giliat na graun bilong Israel.Yu bai makim long mak bilong Israel i go long bikpela solwara bilong hap san kamap. ¹⁹ Na long hap not graun mak bai i stat long Tamar na i go inap long wara bilong Meriba Kades, arere long ol liklik wara bilong Isip i go long Bikpela Solwara. Dispela em graun mak bilong hap saut. ²⁰ Graun mak long hap san i go daun em bai Bikpela Solwara i go long mak hapsait long Lebo Hamat. Dispela em bai long hap san i go daun. ²¹ Long dispela rot tasol bai yupela i tilim graun namel long yupela na olgeta lain pikinini bilong Israel. ²² Olsem na yupela bai skelim graun long yupela yet na bilong man long narapela hap i stap namel long yupela na husait i stap wantaim yupela olsem pikinini i kamap long Israel. Yupela bai givim planti graun namel long ol lain bilong Israel. ²³ Na ol man bilong narapela kantri bai i stap wantaim ol lain manmeri bilong Israel. Yupela i mas givim hap graun long ol bilong inapim tok bilong Mi God Yawe."