¹ Dispela em ol nem bilong ol lain manmeri husait bai kisim graun. Ol lain bilong Dan bai kisim hap graun long hap not bilong Israel i stap long rot bilong Hetlon na Lebo Hamat. Mak bilong em bai i go long Hasa Enan i go inap long Damaskus na i go antap long hap not na i go long Hamat. Graun bilong lain Dan bai stat long hap san kamap i go inap long bikpela solwara. ² Asa bai kisim wanpela hap graun klostu long mak long graun bilong Dan long hap sankamap i go inap long hap san i go daun. ³ Naptali bai kisim wanpela hap graun klostu long mak long graun bilong Asa long hap sankamap i go inap long hap san i go daun. ⁴ Manase bai kisim wanpela hap graun klostu long mak long graun bilong Naptali long hap sankamap i go inap long hap san i go daun. . ⁵ Ifraim bai kisim wanpela hap graun klostu long mak long graun bilong Manase long hap sankamap i go inap long hap san i go daun. ⁶ Ruben bai kisim wanpela hap graun klostu long mak long graun bilong Ifraim long hap sankamap i go inap long hap san i go daun. ⁷ Juda bai kisim wanpela hap graun klostu long mak long graun bilong Ruben long hap sankamap i go inap long hap san i go daun. ⁸ Ol ofa bilong graun yupela bai mekim i bai kamap long graun bilong Juda long hap sankamap i go inap long hap san i go daun. Bikpela bilong em bai olsem 12,000 mita na longpela bilong em bai wankain olsem mak bilong hap graun i stap olsem long hap sankamap i go inap long hap san i go daun na tempel bai i stap namel long hap. ⁹ Dispela graun bai yupela i givim olsem ofa i go long God Yawe, longpela bilong en bai olsem 12,000 mita na bikpela bilong en bai olsem 5,000 mita. ¹⁰ Dispela hap graun ol i makim olsem holi graun. Ol pris bai kisim graun mak bilong en, longpela bilong en i olsem 12,000 mita i go olsem long hap not na bikpela bilong en i olsem 5,000 mita i go olsem long hap san i go daun. Long hap saut, longpela bilong en i olsem 12,000 mita na bikpela bilong en i olsem 5,000 mita long hap sankamap na holi graun bilong God Yawe bai i stap long namel. ¹¹ Ol bai makim dispela hap graun long stap em yet olsem graun bilong ol pris long lain tumbuna bilong Jadok. Taim ol manmeri bilong Israel i mekim pasin nogut, ol dispela lain manmeri i bin mekim stretpela pasin na i no wankain olsem ol lain Livai. ¹² Olsem na bai mi givim dispela hap bilong holi graun i go inap long mak long graun bilong ol lain Livai olsem ofa i go long ol. ¹³ Mak long graun bilong ol lain Livai i go inap long graun bilong ol pris bai longpela olsem 12,000 mita na bikpela olsem 5,000 mita. Bungim mak bilong tupela hap graun wantaim bai olsem 12,000 mita long longpela na 9,000 mita long bikpela. ¹⁴ Ol i mas noken salim o senisim dispela hap graun na noken kisim namba wan kaikai bilong graun bilong Israel i go long narapela graun, long wanem olgeta dispela samting i stap i olsem holi long ai bilong God Yawe. ¹⁵ Ol sampela graun i stap yet i mak olsem 2,000 mita long bikpela na longpela olsem 12,000 mita. Dispela hap graun bai i kamap ples bilong mekim biktaun wantaim ol haus na gutpela gras bai i kamap bilong lukautim bulmakau na biktaun i stap namel long hap. ¹⁶ Ol mak bilong biktaun bai longpela olsem 2,000 mita long hap not na 2,000 mita long hap saut na longpela bilong en long hap san i kamap i olsem 2,000 mita na longpela bilong en long hap san go daun i olsem 2,000 mita. ¹⁷ Bai i gat gutpela gras i stap i go olsem long hap not bilong biktaun, i mak olsem 115 mita na mak i olsem 115 mita i go daun long graun long hap saut na 115 mita i go daun long graun long hap sankamap na wankain mak olsem 115 mita long hap san i go daun. ¹⁸ Dispela hap holi graun i stap yet bai mak olsem 5,000 mita i go inap long hap sankamap na 5,000 mita i go long hap san i go daun. Ol kaikai i kamap long dispela graun bai kamap olsem kaikai bilong ol lain husait i wok insait long biktaun. ¹⁹ Olgeta manmeri husait i save wok insait long biktaun na ol lain manmeri bilong Israel bai mekim gaden long dispela hap graun. ²⁰ Olgeta graun ol i givim olsem ofa bai mak olsem 12,000 mita na 12,000 mita. Olsem na bai yupela i mekim holi ofa bilong graun wantaim graun bilong biktaun. ²¹ Olgeta graun i stap long tupela sait bilong holi graun na graun i stap raunim biktaun bai go long han bilong ol pikinini man bilong king. Mak long graun bilong ol pikinini man bilong king long hap sankamap bai mak olsem 12,000 mita makim hap holi graun i go inap long hap sankamap na wankain mak olsem 12,000 mita i go olsem long hap san i go daun. Long namel long dispela hap, ol bai mekim holi ofa na em bai stap olsem holi ples bilong tempel. ²² Graun mak bilong ol Livai i go inap long graun i stap raunim biktaun i stap namel olgeta bai i go long han bilong pikinini man bilong king. Pikinini man bilong king bai kisim dispela graun i stap namel long graun bilong ol lain Juda na graun bilong ol lain Bensamin. ²³ Ol narapela lain manmeri i stap yet, hap graun bilong ol bai mak long hap sankamap i go inap long san i go daun. Ol lain Bensamin bai kisim wanpela hap bilong dispela graun. ²⁴ Mak long graun bilong Bensamin long hap sankamap i go inap long hap san i go daun, ol lain Simion bai kisim wanpela hap graun. ²⁵ Mak long graun bilong Simion long hap sankamap i go inap long hap san i go daun, ol lain Isika bai kisim wanpela hap graun. ²⁶ Mak long graun bilong Isika long hap sankamap i go inap long hap san go daun, ol lain Jebulun bai kisim wanpela hap graun. ²⁷ Mak long hap saut long graun bilong ol lain Jebulun long hap sankamap i go inap long hap san i go daun, ol lain Gad bai kisim wanpela hap graun. ²⁸ Graun bilong Gad long hap saut bai stat long hap Tama i go inap long wara Meriba Kades na i go olgeta long liklik wara long Isip na raunim i go long bikpela solwara. ²⁹ Em dispela graun tasol yu bai pilai satu long kisim moni, em bai kamap graun bilong ol lain bilong Israel. Ol bai kisim dispela hap graun. Dispela em Bikpela God Yawe i tok. ³⁰ Ol dispela hap bai i stap olsem bikpela dua bilong go autsait long biktaun. Mak long hap not bai olsem 2,000 mita longpela na ³¹ bai i gat tripela geit i makim ol lain bilong Israel. Nem bilong wanwan geit bai stap olsem geit bilong lain Ruben, wanpela bilong lain Juda na narapela bilong lain Livai. ³² Long hap sankamap, mak bilong tripela geit bai olsem 2,000 mita long longpela. Wanpela geit bilong lain Josef, wanpela bilong lain Bensamin na narapela bilong lain Dan. ³³ Long hap saut, mak bilong tripela geit bai olsem 2,000 mita long longpela. Wanpela geit bilong lain Simion, wanpela bilong lain Isaka na narapela bilong lain Jebulun. ³⁴ Long hap san i go daun, mak bilong tripela geit bai olsem 2,000 mita long longpela. Wanpela geit bilong lain Gad, wanpela bilong lain Asa na narapela bilong lain Naptali. ³⁵ Mak i raunim biktaun i olsem 9,000 mita na long dispela dei na i go olsem, ol i bai givim nem bilong dispela biktaun "God Yawe i Stap Long Hap."