¹ Taim yu pilai satu long brukim na skelim graun bilong ol tumbuna lain bilong yu, yu mas givim ofa long God Yawe. Dispela ofa em bai holipela hap bilong graun, longpela bilong en i 12 na hap mita na bikpela bilong en i 1o kilomita, olgeta hap i raunim dispela graun bai i holi. ² Long hap bilong dispela holipela graun bai 250 mita raunim holipela graun, wantaim mak i raunim bikpela bilong en i 25 mita ³ Long hap bilong dispela holipela graun bai yu makim hap graun, longpela bilong en i 250 mita na bikpela bilong en i 12 na hap mita, en bai i stap olsem haus i holi tru. ⁴ Em bai kamap ples holi long graun bilong ol pris husait i mekim wok bilong God Yawe, husait i kam klostu long God Yawe long mekim wok bilong em. Em bai kamap olsem haus bilong ol pris na ples holi bilong God. ⁵ Longpela bilong en bai 250 mita na bikpela bilong en bai i 12 na hap mita, em bai kamap taun bilong ol lain bilong Livai, husait i mekim wok long haus bilong God. ⁶ Yu bai kisim wokmak long wokim wanpela hap graun long biktaun, bikpela bilong en i 2 na hap mita na longpela bilong en i 12 na hap mita, dispela en bai kamap narapela hap graun i redi tasol bilong haus bilong God na dispela biktaun bai bilong olgeta manmeri bilong Israel. ⁷ Graun bilong piknini man bilong king bai i stap redi tasol long tupela hap olsem haus bilong God na biktaun. Em bai i stap long hap graun bilong ol long san i go daun na san i kamap. Longpela bilong en bai wankain olsem longpela bilong wanpela hap graun ol makim long san i go daun na san i kamap. ⁸ Dispela graun, em bilong pikinini man bilong king bilong Israel. Ol pikninin man bilong king bilong mi bai i no inap mekim nogut long ol manmeri bilong mi, tasol ol bai givim graun long ol manmeri bilong Israel long lain tumbuna bilong ol. ⁹ Bikpela God Yawe i tok olsem, em inap long yu, ol pikinini man bilong king bilong Israel! Lusim bikhet pasin na bel hevi, mekim wanem em i gutpela na stretpela pasin bilong yupela! Stopim pasin bilong yupela long rausim ol manmeri bilong mi long graun bilong ol! Bikpela God Yawe i tokaut olsem. ¹⁰ Yu mas i gat wankain skel long olgeta samting, wankain skel bilong efa na wankain skel bilong bat. ¹¹ Efa em i skel bilong skelim samting i drai ,bat em i skel bilong skelim wara samting na skel bilong efa na bat i mas wankain tasol, olsem na wanpela bat i wankain long 10 pela homa na efa i wankain long 10 pela homa.Olgeta skel bilong ol i wankain long homa. ¹² Sekel em bai 2o pela gera na sekels em bai 60 pela long mekim wanpela mina bilong yu. ¹³ Dispela em i bung kaikai yu mas givim, yu mas givim 60 pela efa bilong olgeta sais bilong wit na 60 pela efa bilong sais bilong bali. ¹⁴ Lo bilong givim ofa bilong wel em bai 100 pela bat long olgeta kor (dispela em i10 pela bat) o bilong olgeta sais,wanpela sais i olsem 10 pela bat. ¹⁵ Wanpela sipsip o meme long bung ples bilong olgeta 200 animols long ol ples bilong kaikai gras long Israel, bai yu yusim long kukim ofa long paia o bel isi ofa bilong pasin nogut ol i mekim long em.,Dispela God Yawe i tokaut olsem. ¹⁶ Olgeta manmeri bilong graun bai bringim olgeta samting long pikinini man bilong king long Israel. ¹⁷ Em i wok mak bilong pikinini man bilong king long givim ol animol long ofa bilong kukim long paia, ofa bilong wit na ofa bilong wara bilong dringim long taim bilong amamas na nupela mun bilong ol amamas dei, long ol sabat dei na olgeta amamas taim ol i makim bilong ol manmeri bilong Israel. Em bai givim ofa bilong sin bilong ol manmeri, ofa bilong wit, ofa bilong kukim paia bilong kamapim wanbel long makim maus bilong ol manmeri bilong Israel. ¹⁸ God Yawe i tok olsem, long namba wan mun long namba wan dei bilong mun, yu bai kisim wanpela yangpela bulmakau i no gat asua long en long banis bilong bulmakau na givim olsem ofa long sin bilong ol long klinim haus bilong God. ¹⁹ Ol pris bai kisim sampela blut bilong ol animol long givim ofa long sin bilong ol manmeri na makim long ol pos bilong dua ol, long 4-pela kona long mak bilong alta na long dua pos bilong bikpela dua bilong banis insait long rum. ²⁰ Yu bai mekim dispela long namba 7 dei bilong dispela namba wan mun, long wanwan man husait i no ting bai kamap o i no save olsem ol i mekim sin, orait dispela pasin bai yu mekim haus bilong God i klin. ²¹ Long namba wan mun long 14 dei bilong mun, bai i gat amamas taim bilong yu, em bai 7-pela dei bilong amamas.Yu bai kaikai bret i nogat yis long en. ²² Long dispela dei pikinini man bilong king bai redim em yet na olgeta manmeri bilong graun i mas givim wanpela bulmakau bilong ofa long pasin nogut ol i mekim long en. ²³ Inap long 7-pela dei bilong amamas, piknini man bilong king bai redim ofa bilong kukim long God Yawe. 7-pela bulmakau, 7-pela sipsip i nogat bagarap long en long wanwan dei long 7-pela dei na wanpela meme man long wanwan dei bilong ofa long pasin nogut bilong ol manmeri. ²⁴ Na pikinini man bilong king bai givim kaikai bilong ofa long skel bilong efa long wanwan bulmakau na skel bilong efa long wanwan sipsip wankain skel bilong hin bilong wel long wanwan efa. ²⁵ Long 7 mun long 15 dei bilong mun long bikdei bilong amamas ,pikinini man bilong king bai givim ofa long dispela 7 pela dei bilong rausim pasin nogut ,ofa bilong kukim paia,ofa bilong ol kaikai na ofa bilong wel.