3 ¹ Insait long 18 krismas Jehosapat king bilong Juda, Jora pikinini man bilong Ahap i stat long sanap makim ol Israel long Samaria, em i stap inap 12pela krismas. ² Em i bin wokim pasin nogut long ai bilong God Yawe, tasol em i no mekim wankain pasin nogut olsem papa na mama bilong em i bin mekim, tasol em i bin rausim giaman god bal papa bilong em i bin mekim. ³ Tasol em holim yet sin bilong Jeroboam pikinini man bilong Nebat, husait i bin mekim ol Israel pundaun long sin, em i no givim baksait long mekim pasin nogut. ⁴ Nau Mesa king bilong Moap i kamapim ol sipsip. Em i mas givim 100,000 sipsip long king bilong Israel na 100,000 gras bilong man sipsip. ⁵ Bihain long Ahap i dai, king bilong Moap i kirapim pait wantaim king bilong Israel. ⁶ Olsem na king Joram i lusim Samaria long dispela taim na go bungim olgeta man bilong Israel long pait. ⁷ Em i salim tok long Jehosapat king bilong Juda na i tok, "king bilong Moap i laik pait long mi. Inap yu go wantaim mi long Moap long pait?" Jehosapat i bekim tok olsem, "Mi bai go. Mi wankain man olsem yu, ol manmeri bilong mi i wankain olsem ol manmeri bilong yu, ol hos bilong mi i wankain olsem ol hos bilong yu." ⁸ Orait em i tok, "Long wanem rot bai yumi stat pait long ol?" Jehosapat i bekim tok olsem, "Bai yumi pait long rot i go long ples nating bilong Idom." ⁹ Olsem na king bilong Israel i go wantaim king bilong Juda na king bilong Idom. Ol i stap raun inap 7pela dei, orait nogat wara bilong ol ami bilong ol i bihainim ol na ol animol bilong ol wantaim. ¹⁰ Olsem na king bilong Israel i tok, "Em wanem samting? Ating God Yawe i singautim tripela king long givim long han bilong ol Moap?" ¹¹ Tasol Jehosapat i tok, "I gat profet bilong God i stap long hia o nogat bai yumi sekim em long toktok long God Yawe?" Wanpela wokman bilong king bilong Israel bekim tok na i tok, "Elisa pikinini man bilong Safat i stap long hia, husait i bin kamap wokman bilong Elaija." ¹² Na Jehosapat i tok, "Em i wokman tru bilong God Yawe." Olsem na king bilong Israel, Jehosapat, na king bilong Idom i go daun long lukim em. ¹³ Elisa i tokim king bilong Israel olsem, "Bai mi mekim wanem long yu? Go long ol profet bilong papa na mama bilong yu," Na king bilong Israel i tokim em, "Nogat, bilong wanem God Yawe i singautim ol tripela king wantaim long givim ol long han bilong Moap." ¹⁴ Elisa i bekim tok olsem, "God Yawe bilong i stap oltaim, long nem bilong em mi sanap, tru tumas mi no inap long toktok long yu o lukluk long pes bilong yu, sapos yu no bin kam wantaim Jehosapat king bilong Juda. ¹⁵ Tasol nau kisim man bilong pilai musik i kam, "orait taim bilong pilai musik i pinis, strong bilong God Yawe i kam antap long Elisa. ¹⁶ Na em i tok, "God Yawe i tok olsem, Mekim ol baret long ples daun bipo wara i bin ran long en, tasol nau em i drai pinis. ¹⁷ God Yawe i tok olsem, yupela no inap lukim na ren tupela wantaim, tasol ples daun bai i pulap wantaim wara, na yupela bai dring long en na ol animol bilong yupela tu bai dring long en. ¹⁸ Dispela em i no bikpela samting long ai bilong God Yawe. Na tu em bai mekim yupela winim pait long ol Moap. ¹⁹ Yupela bai pait long olgeta biktaun i gat strongpela banis na olgeta gutpela biktaun, bai yupela i katim ol gutpela diwai na rausim, bai yupela pasim olgeta liklik wara i save ran na bai yupela i tromoi ston long ol gutpela hap graun bilong ol na bagarapim. ²⁰ Olsem na long moning tru, taim bilong kisim ofa bilong mekim ofa long God, wara i ran long hap bilong Idom, na wara i pulap long olgeta hap bilong kantri. ²¹ Nau taim ol Moab i harim olsem king i kam long pait wantaim ol, ol i kam bung wantaim na man husait inap long pait, ol i sanap redi long mak bilong ol. ²² Ol i kirap long moning taim tru na ol i lukim san i sut antap long wara. Taim ol Moap i lukim wara hapsait long ol, em i kamap retpela na i olsem blut. ²³ Ol i singaut, "Dispela em blut! Ol king i bagarap pinis na ol i pait i go kam na kilim ol yet! Nau, Moap, yumi go kisim samting bilong ol!" ²⁴ Taim ol i kamap long kem bilong ol Israel, ol Israel i mekim ol Moap guria na pait long ol na ol i ranawe nabaut. Ol ami bilong Israel i raunim ol Moap i go long narapela sait bilong graun na kilim ol. ²⁵ Ol i bagarapim ol biktaun bilong ol, na olgeta man i tromoi ston inap olgeta gutpela hap graun i pulap long ston. Ol i pasim olgeta liklik hul wara na katim ol gutpela diwai. Biktaun Kir Hareset i stap wantaim strongpela banis bilong en .Tasol ol soldia i sutim ston i go insait na kisim dispela dispela taun. ²⁶ Taim King Mesa bilong Moap i lukim olsem ol i lus long pait, em i kisim 7 handred man bilong pait long king bilong Idom, tasol ol i lus. ²⁷ Orait em i kisim nambawan pikinini man bilong en, husait bai kisim ples bilong em bihain na givim olsem ofa bilong kukim long paia long bikpela banis. Olsem na ol Israel i belhat nogut tru long dispela pasin na ami bilong Israel i lusim King Mesa na go bek long asples bilong ol.