18 ¹ Nau long namba tri yia bilong Hosea pikinini man bilong Ela, king bilong Israel, Hesekia pikinini man bilong Ahas, king bilong Juda i stat long kisim strong na pawa. ² Em i gat 25 krismas taim em i kamap king, em i stap king inap 29 yia long Jerusalem. Nem bilong mama bilong em Abisa, em pikinini meri bilong Sekaria. ³ Em i mekim ol samting i stret long ai bilong God Yawe, bihainim ol piksa olsem tumbuna bilong em, king Devit i bin mekim. ⁴ Olsem na em i rausim ol ples antap, bagarapim olgeta ston ol i bin bungim na katim pos piksa bilong god meri Asera. Em i brukim bras snek Moses i bin mekim i go liklik tru, bilong wanem long dispela taim ol lain manmeri bilong Israel i bin kukim smok smel long en, ol i kolim ''Nehustan.'' ⁵ Hesekia i bilip long God Yawe, God biong Israel, orait na bihain long em i no gat wanpela man olsem em namel long ol king bilong Juda, o namel long ol king husait i kamap paslain long em. ⁶ Long wanem em i holim pas tru God Yawe. Em i no stop long bihainim em, tasol lukautim ol lo bilong em, wanem God Yawe i bin tokim Moses. ⁷ Olsem na God Yawe i stap wantaim Hesekia na wanem olgeta hap em i go em i stap gut tru. Em i kros pait wantaim king bilong Asiria na i no harim tok bilong em. ⁸ Em i kirapim pait wantaim ol Filistia long Gasa na long ol boda, stat long tawa bilong wasman i go long strongpela biktaun. ⁹ Long namba 4 yia bilong king Hesekia, em namba 7 yia bilong Hosea pikinini man bilong Ela king bilong Israel, Salmaneser king bilong Asiria i kam antap strong tru long Samaria na raunim em. ¹⁰ Long pinis bilong 3-pela yia ol i kisim bek, long namba 6 yia bilong Hesekia, em i namba 9 yia bilong Hosea king bilong Israel, long dispela rot Samaria i stap kalabus. ¹¹ Olsem na king bilong Asiria i kisim ol Israel i go long Asiria na putim ol long Hala na long Wara Habor long Gosan na long biktaun bilong Medes. ¹² Em i mekim olsem bilong wanem ol i no harim na bihainim tok bilong God Yawe, God bilong ol, tasol ol i bagarapim ol pasin bilong lo bilong em, ol dispela lo Moses wokman bilong God Yawe i tokim ol. Ol i no laik long harim o mekim olsem lo i tok. ¹³ Olsem na long namba 14 yia bilong king Hesekia, Senakerib king bilong Asiria i go pait long ol strongpela biktaun bilong Juda na kalabusim ol. ¹⁴ Orait Hesekia king bilong Juda i salim tok long king bilong Asiria, husait i stap long Lakis na tok, ''Mi bin bagarapim bel bilong yu. Pul aut long me. Wanem hevi yu putim antap long mi bai mi karim. ''Na king bilong Asiria i askim Hesekia king bilong Juda long baim 300 gutpela silva na 30 gutpela gol. ¹⁵ Orait Hesekia i givim em olgeta silva ol i painim long haus bilong God Yawe na insait long rum mani long ples bilong king. ¹⁶ Na Hesekia i katim ol gol long dua bilong haus bilong God Yawe na long ol longpela pos em i bin putim antap na em givim ol gol long king bilong Asiria. ¹⁷ Tasol king bilong Asiria i bung na i kam wantaim bikpela lain ami, salim Tartan na Rabsaris na hetman bilong soldia bilong Lakis i go long king Hesekia long Jerusalem. Ol i kam antap long rot na kamap autsait long Jerusalem. Ol i go klostu long wara paip bilong liklik raun wara antap, long hai wei bilong graun man i save wok bisnis na sanap long en. ¹⁸ Taim ol i singautim pinis king Hesekia, Eliakim pikinini man bilong Hilkia, husait i lukautim haus samting na Sebna saveman bilong lo na Joa pikinini man bilong Asap, man bilong mekim musik, i go aut long bungim ol. ¹⁹ Olsem na hetman bilong soldia i tokim ol long tokim Hesekia wanem strongpela king, king bilong Asiria i tok, ''Wanem em i as bilong strongpela tingting bilong yu? ²⁰ Olgeta tok yu mekim em i no gutpela tok, ol tok yu mekim em i giaman tok na i gat strong bilong kamapim pait. Long husait yu bilip, olsem na bai yu kros pait long mi? ²¹ Lukim, yu bilip long Isip long helpim yu, ol i olsem stik pitpit bilong wakabaut, tasol sapos wanpela man i pas tumas wantaim em, em bai olsem pitpit i bruk na i sutim han bilong en. Em wanem Fero king bilong Isip i save mekim long ol man i save bilip long em. ²² Tasol sapos yu tok long mi, 'Mipela i bilip long God Yawe , God bilong mipela,' Ating em i no dispela man em Hesekia i bin rausim ples antap na alta na tokim ol Juda na ol Jerusalem, 'Yu mas lotu long pes bilong dispela alta long Jerusalem'? ²³ Nau olsem na mi laik mekim long yu gutpela ofa long masta bilong mi, king bilong Asiria. Mi bai givim yu 2000 hos, sapos yu inap long painim ol hosman bilong ol. ²⁴ Olsem wanem na yu inap pait na winim wanpela liklik lain soldia bilong wokman bilong masta bilong mi? Yu mas putim bilip long Isip long ol karis na ol hosman! ²⁵ Ating mi bin wokabaut i kam antap long hia, i no wantaim God Yawe long pait long dispela graun na bagarapim? God Yawe i tokim mi, 'Kirapim pait long dispela gaun na bagarapim.''' ²⁶ Orait Eliakim pikinini man bilong Hilkia na Sebna na Joa i tokim hetman bilong soldia, ''Plis toktok wantaim ol wokman bilong yu long tok ples Aramaik, long wanem mipela i save. Yu no ken toktok long mipela long tok ples bilong Juda long yau bilong ol manmeri husait i stap antap long banis.'' ²⁷ Tasol hetman bilong soldia i tokim ol, ''Ating masta bilong mi i salim mi i kam long masta bilong yu na yu long tokim ol dispela tok? Ating em i no salim mi long ol man i sindaun antap long banis, husait bai i kaikai pekpek bilong ol yet na dring pispis bilong ol yet wantaim yu?'' ²⁸ Orait hetman bilong soldia i sanap na singaut bikmaus long tok ples Juda na i tok, ''Harim tok bilong strongpela king, king bilong Asiria. ²⁹ Na king i tok, yupela i noken larim Hesekia i grisim yupela, long wanem em bai i no inap helpim na rausim yupela long pawa bilong mi. ³⁰ Yupela i noken larim Hesekia i mekim yupela i bilip long God Yawe na tok, ''God Yawe bai i kisim bek mipela na dispela biktaun bai i no inap givim i go bek long han bilong king bilong Asiria.''' ³¹ King bilong Asiria i tokim ol olsem, noken harim tok bilong Hesekia, 'Mekim wanbel pasin wantaim mi na kam aut long mi. Orait olgeta manmeri bai i kaikai long wain na long diwai fik bilong em yet na dring long hul wara bilong em yet. ³² Yupela bai mekim olsem inap long taim mi kam na kisim yupela i go long narapela graun i wankain olsem graun bilong yupela, graun i pulap long wit na nupela wain, graun bilong bret na gaden wain, graun bilong diwai oliv na hani, olsem na bai yu stap laip na i no dai. 'Olsem na yupela i no ken harim tok bilong Hesekia taim em i traim long grisim yupela na tok, God Yawe bai i kisim bek mipela.' ³³ Ating i gat narapela ol god bilong ol manmeri i kisim bek ol long han bilong ol king bilong Asiria? ³⁴ We i stap ol god bilong Amat na Apad? We i stap god bilong Sefavaim, Hena na Iva? Ol i bin kisim bek ol Samaria aut long han bilong mi? ³⁵ Namel long olgeta god bilong graun, i gat narapela god husait i bin kisim bek graun bilong em yet long pawa bilong mi? Olsem wanem bai God Yawe i helpim Jerusalem long strong bilong mi?'' ³⁶ Tasol ol manmeri i no mekim nois, ol stap isi tru na i no bekim, long wanem king i givim strongpela tok, ''Noken bekim askim bilong em.'' ³⁷ Orait Eliakim pikinini man bilong Hilkia, husait i lukautim ol haus samting, Sebna saveman bilong lo na Joa pikinini man bilong Asap, man bilong mekim musik i kam long Hesekia wantaim bruk klos na ripot long em wantaim ol tok hetman bilong soldia i bin mekim.