13 ¹ Long 23 yia bilong Joas pikinini man bilong Ahasia king bilong ol Juda, Jehoas pikinini man bilong Jehu stat long kamap lida bilong ol Israel long Samaria, em i stap 17 yia long kamap lida bilong ol. ² Em i mekim ol pasin doti long ai bilong God Yawe na bihainim ol sin bilong Jeroboam pikinini man bilong Nebat, husait i mekim ol Israel i wokim sin, na Jehoahas em i no lusim pasin i doti na i kam bek long ol. ³ Bel hat bilong God Yawe i kamap bikpela olsem paia i lait antap long ol Israel, na em i givim bikpela hevi i go yet long han bilong Hasael king bilong Aram na long han bilong Ben Hadat pikinini man bilong Hasael. ⁴ Olsem na Jeohas i prea na askim God Yawe long pasim, na God Yawe i harim prea bilong em, long wanem strong bilong ol Israel i go daun pinis, king bilong Aram i wok long bagarapim na daunim strong bilong ol. ⁵ Olsem na God Yawe i givim strongpela man long helpim ol Israel, na ol i kam aut long han bilong ol Aram, na ol manmeri bilong Israel i stap long haus bilong ol nau olsem ol i bin i stap bipo. ⁶ Ol i stap olsem yet, na ol i no kam aut long pasin nogut bilong ol lain bilong Jeroboam, husat i mekim ol Israel i pundaun long sin, na ol i mekim yet i stap na god giaman bilong Asera nau yet i stap long Samaria. ⁷ Ol Aram i lusim Jeohas wantaim 50 man wantaim hos, 10 pela man wantaim karis na 10,000 man bilong wokabaut wantaim, king bilong Aram i bin bagarapim ol na wokabaut antap long ol olsem ol i wokabaut long graun. ⁸ Na long ol narapela samting i toktok long Jeoahas, olgeta samting em i mekim taim em i stap wantaim strong, ating ol i no raitim long buk long ol samting i kamap long taim bilong ol king bilong Israel? ⁹ Olsem na Jeoahas i dai na i stap wantaim ol tumbuna bilong em, na ol i planim em long Samaria. Johoas pikinini man bilong em i kisim ples bilong em na i kamap king. ¹⁰ Insait long 37 yia bilong Joas king bilong Juda, long dispela taim Jehoas pikinini man bilong Jehohas stat i kamap lida bilong ol Israel long Samaria, em i bin i stap lida bilong ol inap16 pela yia. ¹¹ Em i mekim ol pasin doti long ai bilong God Yawe. Em i no lusim ol sin bilong Jeroboam pikinini man bilong Nebat, em i mekim ol Israel i wokim planti sin na em i mekim sin i go bikpela. ¹² Long ol narapela samting tu i toktok long Jehoas na ol samting em i mekim, wantaim bikpela strong bilong em long pait na winim ami bilong Amasiah king bilong Juda, ating ol i no bin raitim ol dispela samting long buk bilong ol king bilong Israel? ¹³ Jehoas i dai na stap wantaim ol tumbuna bilong em, na Jeroboam i sindaun long sia king bilong em. Na ol i planim Jehoas long Samaria wantaim ol king bilong ol Israel. ¹⁴ Nau sik painim Elisa na skin bilong em i go bakarap na bihain em i dai, olsem na king Jehoas bilong Israel i kam daun na krai long em. Na em i tok, "Papa bilong mi, papa bilong mi, ol karis bilong ol Israel na ol man bilong karim i kisim yu i go pinis!" ¹⁵ Elisa i tokim em, "Kisim bunara na ol sampela spia," olsem na Joas i kisim bunara na ol sampela spia. ¹⁶ Elisa i tokim king bilong Israel, "Putim han bilong yu long bunara," olsem na em i putim han antap. Na Elisa i putim tupela han bilong em long han bilong king. ¹⁷ Elisa i tok, "Opim windua i stap long san kamap," na em i opim. Na Elisa i tok, "Sutim," na em i sutim, "Dispela em i spia bilong God Yawe bilong winim pait, em i spia bilong winim Aram long pait, bai yu kilim ol Aram long Afek inap long yu bai daunim ol olgeta." ¹⁸ Na Elisa i tok, "Kisim ol spia," na Joas i kisim. Em i tok long king bilong ol Israel, "Paitim graun wantaim ol spia," na em i paitim graun tripela taim tasol. ¹⁹ Tasol wokman na profet bilong God Yawe i belhat long em na i tok, "Yu inap long pairapim graun long 5 pela taim o 6 pela taim. Olsem na yu bai daunim Aram inap long yu pinisim em olgeta, tasol nau yu bai daunim Aram 3 pela taim tasol." ²⁰ Elisa i dai na ol i planim em. Nau ol Moap i bung na kam wantaim strong na kam kisim graun long stat bilong nupela yia. ²¹ Taim ol i planim wanpela man, ol i lukim ol Moap i bung na i kam, olsem na ol i tromoi dispela man i go insait long matmat bilong Elisa. Taim dispela man i go tasim ol bun bilong Elisa, em i kisim laip bek na sanap long tupela leg bilong em. ²² Asael king bilong Aram i save mekim nogut long ol Israel long olgeta dei long taim bilong Jehoas. ²³ Tasol God Yawe i mekim gut long ol Israel, na em i gat bel sori long ol na tingim ol long tok promis em i mekim long Abraham, Aisak na Jekop. Na God Yawe i no bagarapim ol, na em i no rausim ol i go longwe long em. ²⁴ Hasael king bilong Aram i dai, na Ben Adad pikinini man bilong em i kisim ples bilong em na kamap king. ²⁵ Jehoas pikinini man bilong Jehohahas kisim bek long Ben Adad pikinini man bilong Hasael long biktaun em i bin kisim long Jehoas papa bilong em taim em i winim em long pait. Jehoas i daunimem tripela pela taim, na em i kisim bek olgeta biktaun bilong Israel.