12 ¹ numba 7- pela yia bilong Jehu, Joas kamap king bilong Juda na i lukautim Jeruselem i nap 40 yia. Siba em mama bilong em na em bilong ples Bersiba. ² Joas i mekim ol gutpela pasin olgeta taim long ai bilong God Yawe, long wanem pris Jeoada i save givim stia tok long em. ³ Tasol ples ol i save mekim ofa, ol i no bagarapim. Olsem na ol manmeri i save go mekim ol ofa long dispela hap. ⁴ Joas i tokim ol pris, "Olgeta mani ol i kisim i kam olsem ofa long haus bilong God Yawe, ol dispela mani ol i kisim i kam ol i makim long ol bai peim, o mani ol kisim kam taim ol man i tok promis, o mani ol kisim i kam taim God Yawe i kirapim bel bilong ol long givim, ⁵ ol pris i mas kisim ol dispela mani ol i givim na ol bai i stretim ol samting i bagarap insait long tempol." ⁶ Tasol, taim Joas i stap king long 23 yia, ol pris i no mekim wanpela wok insait long tempol. ⁷ Na king Joas i singautim pris Jeoada na ol narapela pris na i tokim ol olsem, "Bilong wanem yupela i no mekim wanpela wok long stretim tempol? Nau yupela i noken kisim moni long ol lain i save peim takis, tasol kisim ol mani na givim i go long ol man husait inap long stretim tempol. ⁸ Olsem na ol pris i no kisim moa ol mani bilong ol manmeri na ol yet i no stretim tempol. ⁹ Tasol, pris Jeoada kisim bokis, na mekim hul long maus na em i putim klostu long alta, long han sut kona long haus lotu bilong God Yawe. Dispela pris husait i was long dua bilong tempol bai putim olgeta mani i go insait taim ol i kisim i kam long haus bilong God Yawe. ¹⁰ Taim ol i lukim olsem i gat planti mani insait long bokis, kuskus bilong king na hetpris i save kam putim mani insait long bek na kauntim ol mani i stap long tempol bilong God Yawe. ¹¹ Ol givim moni i go long ol wasman husait i save lukautim tempol bilong God Yawe. na ol i peim ol kapenta na ol i stretim tempol bilong God Yawe, ¹² Na ol man i save wokim brik na ol man i save katim ston, ol i givim mani bilong baim palan na ston na ol narapela samting tu ol inap kisim long stretim tempol bilong God Yawe. ¹³ Tasol moni ol i kisim i kam long haus bilong God Yawe, ol i no givim long baim ol man i mekim ol silvia kap, lam, dis, trampet na ol samting ol i wokim long gol na silva. ¹⁴ Ol i givim dispela moni i go long ol man husait i wok long stretim haus lotu bilong God Yawe. ¹⁵ Na antap long en, mani ol i peim long wokim haus ol i no save askim long ripot long wanem, ol dispela man i save mekim wok stret. ¹⁶ Tasol ol mani ol kisim i kam long ol rong na sin ol mekim em ol i no kisim i go long tempol bilong God Yawe, long wanem em bilong ol pris. ¹⁷ Bihain king Hasel bilong Aram i kam pait wantaim Gat na kisim olgeta samting, Na bihain Hasel i tanim bek na pait wantaim Jerusalem. ¹⁸ King Joas bilong Juda i kisim olgeta samting bilong Jeosapet na Jeoram na Ahasia ol papa bilong em, ol king bilong Juda i putim long en na olgeta gol i stap insait long haus lotu bilong God Yawe na em i salim i go long king Hasel bilong ples Aram. Na Hasel i lusimJeruselem na i go. ¹⁹ Ol samting i toktok moa long Joas, na ol samting em i mekim, ating ol i no raitim insait long buk bilong ol king bilong Juda a? ²⁰ Ol wokman bilong em i kirap wantaim na pait wantaim Joas long Bet Milo, long rot i go daun long Sila. ²¹ Josabed pikinini man bilong Simet na Jeosabad pikinini man bilong Shoma, ol wokman bilong em i pait wantaim em na kilim em na kilim em i dai. Ol planim Joas wantaim tumbuna bilong em insait long biktaun bilong Devit. Na Amasia pikinini man bilong em i kamap king na kisim ples bilong em.