¹ Mwiva mwi mwatara kyero nai mwaatani vuvata, mwia nraaginra nramwuvanto mwia vata vura. ² Qua mwaanra varaa giharava nrumwu ntovaro, Iutaa mwatanahua qua mwaanra nraamwugi Iesusiva viqetero nraakye qora qua mwaanra timwa mwunra. Nraakye gora vaaqaravanto mwi qua mwaanra rieta, nrihanramwa vita. Mwihua tiqata, Mwiva mwi qua mwaanranra taisairo varataire hiho? Naataamwakyero vai kepukyarave nai Kyauquqitai varaiho? ³ Qiya mwi vaisira nraamwu qutuaara haa ntapihikyaivave. Mariara mwaaqu vata mwia qataapakya nramwu Iemisivave, Iosivave, Iutaavave, Saimonivave? Qiya mwia mwaanraata nramwu haave tivata variavo? Iesusira vata nronra qamwakye vikyokya mwuaanra ntora. ⁴ Iesusiva qaiqa nraakye qora timwa mwinro tiqaro, Kotira vuqaana vaisivanto mpo mwaatasai nrutu nronra varevariara. Nkyairi mwaata qisaivata, kua okyara qisaivata haimwu nrutu nronra varevarave. ⁵ Nronra qamwakye vahiani kyaiqara mwiva hamwa qio qutuananro.Nraakye qora nriqaqua huaqa qiomwa nai kyauqu mwihuaqa vatero mwihua qioqama kyananro. ⁶ Mwiva nrihanramwa vura, mpo naaqamave, haa mwia quara mwihua qutaave tura. Ekya mwaatani qaiqa nrohintero ekyaa nraakye qoraqi Kotira qua mwaanra timwa nyunia. ⁷ Nai nraaqinra 12 - nramwu nraanramwakyero taaratana qamwa kyeqaro titovata vura. Kotira qua timwa mwinre nrata vura. Qorahi mwanraqunranra raaqute yaakueravata mwihua mwunra. ⁸ Mwihua timwamwinro tiqaro, haimwu munimwa tuaa, mpereti, tuaa taarivata vare viraitita Kurupi kyauru mwia nraahu vare quata. ⁹ Kyugu nraamwu mwia nraahu qututeta haimwu vaqara mpuruqa taaramwa taaramwa qutuate ¹⁰ Iesusiva mwihua timwanyro tiqaro, Tananive viqata nraamwu varira mwigi qio miqi nraahu variqivita nteta quaate. ¹¹ Mwaata mwigi naahua haimwu nkyi vitetave hiho nkyi qua mwaakyakya riararera hivata qiove, virera hiqatamwa mwata mwumu nkyeta vivaro mwiva mwihuara mwakyaakya qama vahiarive. ¹² Mwihua nraakye qoraaqi iro qua mwaanra timwa mwivata qorakyaiqa vaare variara mwoqa mwiate. ¹³ Mwihua qorahi mwanraqunranra vaaqara raaqutakye nriqaru nraakye qora hua qiataqa vahamwenra qutovara mwi nriqavirava. ¹⁴ Mwatukya ntaqakyuva Herotiva mwi mwaakyakyara riovaro,Iesusira nrutu vanto qoqa qovaramwa vura. Mpo huhua mwianra tiqata, nramanri nyivaruva. Ioniva mwatapiaqi sai qaiqa siviho mwitaama vaiharo mwiva yaakua hira qotairo mpo kyiaqa mpo kyaiqa varaiho. ¹⁵ Mpo huhua tiqata Eraisa vave, mpo huha mporata tiqata, mwiva Kotira vuqaana vaisive. ¹⁶ Herotiva mwi quara riero, tiqaro, nte anruni ionira nrunta toqa toqa kyauva ena mwataqipisai siviho. ¹⁷ Nramwanri mwivaaru vaisira mwia Herotiva tito vaisi nramwuhua tukye vahita mwia vitaqita qiro karavu ramwuqi kyora. piripira, nai ata nraata mwia nnita herodiasira nraata varantera hiqaro mwitahura. ¹⁸ Herotira mia Ioniva timwa mwinro tiqaro, ena qata nraata varaarava hama kyuema vaiho. ¹⁹ Herodiasiva nronra qamakyeroIoninra vata vuraa qorahiro mwia rukyaankyera utivarura, mwiva kyai nte mwita hiankye tiro aqovaro haa qioqa hura. ²⁰ Hrotiva Ioninranra qatu hiro. Mwiva ntapihi kyero, Ioniva mwiva qavu qavu mwakyero takyuqu kyero vani vaisi varura. Mwita huvaro Herotiva kyuema kyero mwia ntaqakyura. Ionunra qua, Herotiva riero nronra qama vuramwuaranra ntero vata Ionira qua qamwateqaro riora. ²¹ Herotira mwaato qiharava nrumwu ntovaro,nai kyaiqa vaisire ntaqua vaisihua ntaqakyu huavata qiata vaisi Kariri mwata ntaqikyu huavata nronra qamwakyero Kyara tera hura. ²² Herotiasira nraamwunra mwiva nai qamwa nrumwa Kyara nrehua mwihua tavaaraaqa qihi ntora. Mwiva Herotiravata tahuave mwiavata kyara nrohua mwihua vata qamatamwaatora. Herotiva mwia timwa mwinro tiqaro. E ni mpo inraikyyaraena mwutukya vahianinra ni tiraqena nte e mwianinrave. ²³ Herotiva kyepukya qua vatero mwianra tiqaro ,nte e mwianinrave naa inraikyara e mwutukya vanto vahianinra ni timwa mpiante .Mwata mpohira nte ntaqakyura mwianravata qati ni kyapara hirana nte qiomwa e mwianinrave. ²⁴ Herotiva mwita tuvaro yatara mwiva vevantero qamwanramwa tananra nai nroqa kyapara hiqaro tiro. Nto,nte naa inraikyarave ntena qora kyapara hianinra?Ioninra nramwanri mwi varivaisira qiata mwia ni mpia nte tiro,mwia nrova mwia timwamwiro. ²⁵ Mwia nrova mwita tuvaro qamwanramwa tananra nai qora nronra vaisi Herotira kyapara hiro tiqaro ,nte ni mwutukya vaiva nramwanri mwi varivaisira Ioninra nrunta hipemwakyera kyatari kohita tanunraqa vatera mwaa mwia vaqi nrumwu ni mpiante. ²⁶ Herotiva nai qua timwa tora vaatora,mpo naaqamwaqive ,Herotiva nai nranramwato vasihua vuqa vuni kyepukya qua timwa taqautorara tiro. ²⁷ Mwiva nai ntaqua vaisihua qitai mpo titero ,tiqaro qiro nramwanri mwi varu vaisira Ioninra qiaata vare ni haini nriante.Mwita tuvaro mwiva qiro nramwanri mwi vari vaisira Ioninra nrunta hipemwa karavu nramwuqi kyora. ²⁸ Kyatari vauru to tanunra qaa nramwanri mwi vari vaisira Ioninra qiata vaatero varero qiro Herotiasira nramwunra mwuvaro mwiva vaqi qiro nai nronra mwunra. ²⁹ Nramwanri mwivari vaisira Ioninra nraaqinra nramwu mwimwakyakyara rietamwihua Ioninra mwamwanta nrumwu vaaqita mwatapiqi quntamwa tora. ³⁰ Yesusiva nronra qamwa kyo vaisihua nramwuhua qiro ntanteta nrumwu ekyana kyaiqa qutu quaa mwanranra nrakye qora timwa mwunravata Yesusira timwa mwunra. ³¹ Yesusiva qaiqa tiqaro qumwina qamwakye vahu mwatarani vaaraivaqe qiro pataqia hohiare. Naaqamwave vaaqara nraakye qora vitate nritate hivariave haamwu hohuro. ³² Mwita huvata mpotuqi mwanrinteta qumwina qamwakye vahu mwatarani vura. ³³ Vuvata vaqara nrakye qora vanto taqeta mwihua virerahu mwaatarani qamwanramwakye ntapihi kyeta. Ekyaa mwaataqita nkyai kyuquqa vita mwihua nraante mwiva virera hunani qironte varura. ³⁴ Nramwanri kyaarera kyokyani nrumwu nteta Yesusiva taqovata vaaqara nrakye qora vanto vaakya kuaira hita mwia vekya varura.Yesusiva mwihua taqovaro mwia vuravanto nronra qamwa poqahura.Naa qamwave?Yesusiva mwihua taqarero,sipisipi qaara haimwu ntaqakyia rivavata hihata qapi nrohi variavo tiro,mwiva toharero qua mwaakyakya qairi nraakye qoraqi timwa mwunra. ³⁵ Yesusiva timwa mwivaruvaro huairi mpuani tumwi vuvaro qenrovaro Yesusira nraqinra nramwu vanto mwianra tiqata ,mwaa mwatara mwaqa haa qoramwa nraakye qora variavaro qupi hirera hivariho. ³⁶ Titairata mwatukya kyokyani nramwu mwaata vainani qiro kyara nrenranra uahiate . ³⁷ Mwita tuvaro Iesusiva mwihua timwa mwinro tiro, mpo hiani inraikyara nkyeta vanto mwivata nraate. Mwihua Iesusira timwa mwita tiqata, Qiove tire iro mpereti 200 - ti Siriva oriqo kyoqa mwakye vaqita nrumwu mwianrata nrevatave hiho? ³⁸ Mwita turaro Iesusiva mwihua kyapara hiro, nkye nataamwa mperetive hiavo? Nkye iro uamwakye taqate. Mwihua iro uamwa kyeta tita, tire mpereti 5 - nramwuvata hampukya taaramwavata uamwakye vatauro. ³⁹ Tuvaro mwiva ekya nraaky qora mwihuara vi kuaira hita mpoqa mpoqa karahoraqa mwataqa variate tura. ⁴⁰ Mwihua mpoqa 100 nramwu varuvatu mpoqa 50 nramwu varuvata mwitamwagi vita ekya mwataqa vanira. ⁴¹ Mwataqa vanivaro Iesusiva mpereti 5 - nramwu vata hampukya taaramwavata varakyero nyamwuni vuru taqeqaro Kotirara kyuemwa mwatante tura.Mwitakyero mpereti nteqakyero nai nraqira nramwu kyaiqa mwinro nraakye qoraqi puhahiate tiro. Hampukya tanramwa mwiavata mwita kyero - mwihua mwunra. ⁴² Qioqamwa kyeta ekya nraakye,qora vanto nrovaro mwihua vura vanto huvaiqura. ⁴³ Iesusiva nraqinra nramwu vanto kyaara nrekyora kuairamwa kyeta taa 12 nramwuqi ntumwa teta haampukya mwia vata kuaqaramwa kyeta vatora. ⁴⁴ Vaisi 5000 mwi kyarara nronra ⁴⁵ Qamwa nramwa tananra Iesusiva nai nraaqinra nramwu titovata mpotuqi veranteta mwihua nrante vutura mwatukya etesaita anianra vura. Nraakye qora titovata nkyairi mwaatani vitu nrita hura. ⁴⁶ Mwihua titamwa kyovata vuvaro mwiva taqiqa iro kyauqu varevarura. ⁴⁷ Hentamwa vuvaro, mwihua mpotuvanto nramwanri kyarera quta mwaatemwaqa vivarura. Vuvaro Iesusiva nai riaa taqiqa varura. ⁴⁸ Mwitain Iesusiva mpuamwu taaqovata mwia nraqinramwu haqioqamwa kyeta mpotu mwia nriqituvare vivarura. Mpo naqamwave toqaa vaururi nronra vanto mwihua mpotu mwia varu qupaiha kyarera qutivarura. Iesusiva entamwa kyero qata hirera huna mwiqi nramwanri mwutuqa ntamwa vara mwihua huna nianra viro mwihua vuni vitarantera vura. ⁴⁹ Mwihua taqovaro Iesusiva nramwanri mwutuqa nruvata mwihua yaakue qamwakyeta qaakyara ntevarura. ⁵⁰ Mwihua mwia taqeta nronraqamwa kyeta qaatu qutivarura. Iesusiva qamwanra mwa tananra mwihua timwa mwinro tiro, nti vura vanto tiromwakyero vahiarive. Nte niqo nkye haa qatu hiate. ⁵¹ Iesusiva nraqinra nramwu vata mpotuqi viqete varuvaro toqavauvuru nronra mwiva taiqora.Mwia nraqinra nramwu mwia nrihanramwa vura. ⁵² Mwia nraqkinra nramwu mperetive tura mwia raqaa tuqa haa ekya ntapihikyora ntapihurara tiro mwihua vura vanto yaakue qamwakyero vaura. ⁵³ Nraamwanri kyaarera qaravareta hini kyokyani qirontora. Mwi mwatara mwia nrutu nteta kenesaretive turaqa nkyairi mpotu mwia nramanri kyarera kyokyaqa vatatora. ⁵⁴ Nkiairi mpofu vateta mwiqitai vera ntovata vaqara nraakye qora vanto qamwamramwa tenanta mwihua ntapihi kyora. ⁵⁵ Mwihua utapihikyita hiante hiro ekya mwataqitai nrikavita varuhua vitavare iesusira nraini vura. ⁵⁶ Taini taini vura mwini mwataqive hiho nronra mwatukyaqive nriavi nraakye qora hua vitaqita naana kyoqamwa kyeto varevaru mwataraqa vateta Iesusira mruaqa tuvarare tita kyapara ntivamra, mpo naqamwave, vaakya nriqavu nraakye, qora hua mwita hiqata qoqamwa vura.