¹ Parisi vaisi vanto Yesusiravata kuaira hitaa ntapihi paahihia vaisihua vuni vahi quaara raahua vatamwa kyeta Ierusaremini nrita. ² Mwihua Yesusira nrinra nramwumpo nramwu taqaavata, mwihua qainamwa kyauqiqitai mpereti nretaa , Mwiva mwatamwamwa vairo, Mwihua ntairi kyaquqo nrante hintuakyeta ntairi kyauqu haa hintuqaraiqata mwa kyarareta. ³ Parisi vantovata qekyia suvisi vantovata kyara hamwa qioqamwa nranrai qataa, Mwihua ntairi kyauqu nraante hintuakyeta ntairi nraqu nronra vaisi mwihua qua mwanrave. ⁴ Mwinranrunra Parisi vanto mwaketi mwataqa nrumwu nteta mwihua haqioqamwa kyara nranraiqata mwihua nramwanri ntita, mpohi okyarava mponrammwu haa ntuvura qirai tita mwihua qatinrahu vataqi quara, mwa mwi okyarava mwiva vahirero, kina kaapu vatamwakye tainta mwataqa variaravata qututara. ⁵ Parisi vantovata qua mwanra raa vaisihuavata Yesusira kyaparahi mwaatamwa tita. Natamwa vaihatave qi nraaqinra nramwu mwihua haimwu ntairi nraquhua okyara ntapihi vateta naqamwaqitave kyiara nreta ntairi kyauqu haa hintoqeta? ⁶ Mwiva mwihua timwamwinro tiqaaro," Asaiava vaa vune qua mpo mwatamwa timwatera tiro, nkye qunra qia vaisihuave mwiva raatero tiro, mwa nraakye qorahua mwahua nroqataiqata qua qiahuave, mwihua vura vunrato mwiva ni nyanra tanarani vaiho. ⁷ Mwihua nianra qumwina tananra rotu qiahuave, ntai vaisivanto qua timwatara mwia vara Kotira qua naani vara veta vateta. ⁸ Kotira qua vara mwatanane qamwa kyera mwi qenaa nraqunra quamwanra okyiara ntavaqavu kyera tutaananrave. ⁹ Mwiva mwitamwatiro, nkye nraakye qora mpohua qoramwa mwatahua Kotira qua mwanra ntumwo kyamwakye vatetaa. Mwita hiata mwia nkyeta nraquhua qua mwanra mwia tutavaro qatinrahu vahiro. ¹⁰ Mosesiva tiro, ntevanto nteta qohua nrohua qua rieta mwihua mwemwaniqahiate, tavaisivave nai qohua nrohuara qorahi quara qiariva, mwihua qutuvivarave. ¹¹ E tiqara, vaisi mpovanto nai nrohua qohuara mwatamwa tiro, naa kyiahoqa hira niqisaira vararere hio, mwia Kotiva qofa qamwa qimwinro. Mwiva mwatamwa vairo, Kotira naivata mwiante. ¹² Mwitahirara e kyairaro mpo inraikya mpo inraikya qohua nrohua qutuare. ¹³ E nronra Kotira qua qutukera vatera qenaa nraaquhua qua mwia vara mwatanani qamwa kyeta, vaqara mpohi okyaravata qutuananra. ¹⁴ Mwiva vaqara nraakye qora qakyara ntamwakyero mwihua timwamwinro tiaro, " Ni qua mwa kyuemwakyeta riate, qua mwa varakyeta nte qiataqi vatate. ¹⁵ Haa mpo inraikya mpovanto mwaqani vaiho, vaisi mpovanto nai varakyero qainamwa ntamwakyero qaiqa mwiva nai nronra vuraqi quananrove mwia naa inraikya vantove mwatira qutaqi vahiro qena qakyiro qaqini nrinro qaiqa mwia qainamwa qamwa kyananrove, kyue okyara hanruanave nrinro raqukyaira. ¹⁷ Yesusiva nraakye qora kyero nramwuqi viro, mwia nraqinra nramwuvanto mwianra kyaparahita mwiva mpo inraikyaqa ntumwakyero qua mpo tura. ¹⁸ Yesusiva tiro, ntevanto varirera vaisi haimwu kyuqe vunratovata hiahua votimwa kyeta variavo? Haave nkye taqeta naa inraikya vantove mwaqani vairo, vaisi mpovanto mwiqi viqetero hamwa qainamwa ntaaninra. ¹⁹ Naqamwave, mwi qainaamwava mwiva haqio mwatira mwia vuraqi vahianinra, qainamwa mwiva qaiqa mwia vuraqi viro qaiqa tomwani qua qanranraqatai tumuananrove, mwi quara Yesusiva timwakyero kyara ntapihi vairata nrata. ²⁰ Mwiva Mwitamwa tiro, mwia qati inraikyavanto vaisi vuraqi tairo mwia qainamwa qamwa kyero vahira. ²¹ Mwita hiraro mwi vaisihua mwiva naa inraikyavanto mwia vuraqi vahiva qaqini tumwinro, mwiva qorahi vu nratoramwa tutero, qara qokyarara, mpuara vaisi, vaisi rukyavata qutuara. ²² Qapi nrohia qokyarava, vaisi vanto mpora nratr vitaqiro nrohiharo nraakye vanto mpora vaisi vitaqiro nrohihanro, mpo vanto inraikyarara vuu hamwenra qutiharo, qua ntuvuraqita, qunra tita, mwoqanya vuu nrato tira, qoraqi quara tira, qenaa nrutu tuaherera, wera qokyara utiraa. ²³ Ekya mwi qokyarava varakyero vaisi qainamwa qamwa kyaira. ²⁴ Mwiva mwiaqa tairo qaqira kyero Taire nivata Saitoni mwatani vura. Mwiva nramwu mpo qi vietero, mwiva haa mwia mwutukya vaiva mpo vaisivanto mwia ntapihiarive qiva mwiqi variho qiate. Mwitaa hiharo quqetariva haqoqa hiraa. ²⁵ Qamwanramwa tananra nraakye mpo vanto qiatara nraqira qorahi mwanraqura hira mwia Yesusiva mwakyakya riero, nraakye mwiva Yesusira kyuquqi tumwantiro toritari ntapusaqiro. ²⁶ Mwi nraakyeva mwiva Kirikini viro, mwiva Ponisia qinavave. Mwiva Yesusira kyapara hiraro qoraqi mwanraqunranra qiaatara nraaqinra mwiaqisai raqutakyaarive. ²⁷ Yesusiva mwitaatiro, " kyairata nraqinra mwihua nranteta kyara nraate. Naqamwave mwia hamwa kyuqemwa vairo, nraaqinra mpereti varaakyero vairi mwinro. ²⁸ Mwi nraakyeva Yesusira qua hiniqa hiro tiqaro, " qeo," Nronraqo, vairivanto taivori mwemwaqi variqata qorahi kyarava tumwu ntira nravaro nraqinra kyaravanto taivori mwemwaqi tumwu ntiro. ²⁹ Mwia nainra mwitamwa tiro," e qiaara ntemwakye, qio quante. Mwanraqunra qorahiva qiatara nraaqinra tutakyero viho. ³⁰ Mwiva nramwuni qiro taqaiharo qiaatara nraaqinra mwiva nai tariqa vaitero, qorahi mwanraqunrava haimwu mwiaqi variro. ³¹ Yesusiva qena Taire mwatani vuva mwitairo Saitoni nramwanri Karirini Ntekaporisi mwaatani nrunra. ³² Vaisi mpo nrato ntamwunra qiharo nro ntamwunraqinra viteta Yesusiva hinani nriavaro mwi vaisira mwiaqaa kyauqu vataira. ³³ Yesusiva mwiavata vitavarero nraakye qora vaqaara huvaro , Yesusiva mwia vitavaro kyokyaqitana varita , nai hopu mwiaqo nraato quta mwiqi vataira , mwia kyaqua kuanu vihikyero mwia mwaqa nriqa qakya hiro. ³⁴ Yesusiva nyamwuni tuaherakyero vuru taqero ,mwiva yakue nraqiho varero , mwatamwa tiro," qokyiara qua mwiva mwaatamwa vairo ,"e hatuaa ! ³⁵ Yesusiva nraato hatua kyaiharo qio qua riaaira,mwia mwaaqanri tutova rauruvaro mwiva ntapihikye qua tura. ³⁶ Yesusiva kyepukya qua vatero mwihuara tiqaro . Mwihua timwa mwuvatavata , mwiihua qatinraahu mwi quaara timwaa mwivarura . ³⁷ Mwihua nronra qamwakye nrihanramwa vita, tiqata,"Mwiva ekyaa kyaiqa kyuqemwakyero varaiho.Mwiva nraatora huhuavata nro titohua vata qioqamwa vura."