¹ Mwihua kyarera hini kyokyani vihante mwi mwatara nrutu Kerasenisini. ² Yesusiva mpotu qitairo mpiamwi ntero mwi mwaataqi vaisi mpo mwitura mwaranqura qorahuva vahura kintoramwa kyora. ³ Mwi vaisiva mwiva vaisi qutu hua mwatahiriqi variva. Haimwu qio vaisi mpovanto mwia huvai quaninra, haimwu qio kyaanta vanto mwia tutaninra. ⁴ Mwihua mwia tutara, qairi nranruqama kyeta qainiqovata seniqo saivata. Mwita huvaro mwiva seni kyanta ntakyema ntuvaro mpoqi mpoqi qaini mwiva vuvaro karapukya nraamwu mwiva pataqahira. Haimwu qio vaisi mpovanta mwi yakuera vara mwataa naniqama kyaninrave. ⁵ Ekyana henta ihera mwata hiriqivata taqi sairovata, mwiva ntateqaro aakyara nteqaro nia mwamwanta mwia qori vaihairaqo toqero. ⁶ Mwiva Yesusira mwia nkyianrani taqero, hintamwa kyero iro Yesusira kyuquqi nai vara mwatananiqa hira. ⁷ Mwiva ntateqaro nronraqama aakyara ntero," Nte naa inraikyave i utuaninra hiho, Yesusio, Nronra Kotira Mwaaqu nkyaamwuni variarao? Kotira nai mwia nrutuqa i kyaapara huqo, haimwu ni mwuanra mpiante . ⁸ Mwita tiqaro, Yesusiva mwia timwa mwiqanro e mwi vaisira mwiqitai qaqirakye tumwuante, e mwanraqunra qorahiaravave . ⁹ Yesusiva mwia kyapara hiqaro, e nrutu mwia tavave hiho? Vaisiqiva mwatamwa tiro ni nrutu mwia ntaqira vaisi, mwi ntaqira vaisimwia tere qoramwa vantove. ¹⁰ Vaisi mwiva Yesusiva vaqaranani qamwakyero mwia kyapara ntira, Yesusiva haimwu mwihua titairata mwia mwatarani quate. ¹¹ Mwamwia,qoramwa quaravanto kyara nreta taaqini varivo. ¹² Mwanraqunra qorahuva Yesusira kyapara hiqata tita, timwa tiri vera quaraqi kyiante, tiri kyairaqe mwiqi quare qio qihua qua ntapihirara mwihua mwunra. ¹³ Mwanraqunra qorahuhua mwihua vaisi mwiqitaita ekyaa quaraqi nrahu quara, quara mwihua hiantamwakye taqiqa vita nramwanrini quara, mwia 2,000 quara vanto kyareraqi ntumwavita qutuara. ¹⁴ Mwitai quara kyara mwu vaisihua qua varakyovaro nronra mwatukya tai pata mwatukyiani ekya viro nrinro huvaro naanraikya vanto qovara hura,mwita huvata nraakye qoravanto qiro taqovaro naa inraikya vanto qovara hura. Mwateni Yesusira haini nruvaro, mwihua taovaro vaisi mwia mwitura mwanraqunra qora hiva mwiavata vahira. ¹⁵ Mwi vaisira ntaqira vaisivanto mwia ntaqakiharo vari nraahuqa varira,qiva qena tuavaqa qututero kyue vunrato ena hiro,mwihua qatuhiravata hiara. ¹⁶ Tahuave mwi inraikyara taqovaro vaisi mwia qovarahira mwanraqunra qorahiva mwia ntaqakira,mwihua ekya inraikya mwia ekya timwa qovaramwa kyiora,mwihua timwa mwi naa inraikya vanto quara qivata qovara hura. ¹⁷ Mwaateni mwihua kyaparanti qaira mwihua mwaata mwia qaqirakyante. ¹⁸ Yesusiva mpotuqi mwanrinte vura, mwia vaisira mwia mwanraqunra qorahuva mwia ntaqakira, mwiva Yesusira kyapara hiro mwiavata virera tura. ¹⁹ Yesusiva mwianra haimwu qeho tura, Yesusiva mwianra mwaata tiqaro, ena nraamwuni virava ena vatahua timwamwiante naa inraikya Nronra vanto e qovara hura, naaqitairo Nronra vanto nai kyuqehira e taravitaira. ²⁰ Vaisi mwiva mwanraqunra qora huva ntaqakiva toharero nronra vanto naa inraikya mwia qutirara tiro,mwatukya nronra nivata nraakye qora mihua vuvanto hatua vuvata nronra qamwakye qamwatara,naa inraikya vanto qovara hurara. ²¹ Yesusiva kyarera hini, kyiokyani enaa mpotuqi vuvata nraakye qora qoramwa vanto kuaira hita mwia taaqara,mwiva kyarera kyokyaqi varura. ²² Iutaa mwihua qiata vaisi ,mwia nrutu Sairusiva,mwiva nrumwu Yesusira taqero mwia kyuquni tumwantiro varira. ²³ Mwiva Yesusira enaa kyapara hiqaro tiro, ni nramwunra vanto qaumwa, qutuaninraqa variho. ²⁴ Yesusiva mwiavata vuvata nraakye qora qoramwa vanto mwia vatavare vura. ²⁵ Nraakye mpovanto varirero 12-qihiara qiaukyaqi vu nraakyeva varuramwa. ²⁶ Nraakye mwiva nriqavira taqero ekya nranruqamwa kyero Totaa taqora, mwi inraikyava ekyaa mwiaaqa tairo taiqavira,haimwu mwiva qio variqaro mwia nriqavuva mwiva enaa nronraqa hura. ²⁷ Nraakye mwiva Yesusira qua riero, mwia vatavarero qoramwa nraakye qora tavaaraqi mwia mpuruqaqa qakyia hura. ²⁸ Nraakye mwiva mwataamwa tiro,nte mwia mpuruqaqa qakyiahi qioqamwa hianinra. ²⁹ Nraakye mwiva Yesusira qaakyia huvaro, haimwu mwiaqi tairo qiau vanto tumwunra, mwiva vunraato tuva rieqaro ni nriqavuva qiva taiqaiho tura. ³⁰ Qamwanramwa Yesusiva nai puhamwakye taqovaro mwia yaakyue vanto mwia tutakyero vura.Mwiva nraakye qora tavaraqitairo mwataamwa tiro," Tavave ni mpuruqaqa qaakya hiho?" ³¹ Yesusira nraaqinra nramwu vanto mwataamwa tita,e taqarata nraakye qoravanto qiqaa vintante nrintante mwakye variavara e mwita qiananra, tavave ni qaakya hiho? ³² Yesusiva varaututu hiqaro tavave mwia qakyia hura mwianra taqora. ³³ Nraakye mwiva ntapihitananra naa inraikya vanto qovarahira taqaira, mwiva nrihara hiro qoramwa qatuhura. Mwiva Yesusira vuqa tumwa ntiro tiqaro,ekyaa qi quavanto qovaramwa kyora. ³⁴ Yesusiva mwia timwamwinro tiro, nraakye mwaavaqo,e qutave qiarava qio qi kyahaqa hiarive. Qe vura tiremwa vahiravata varera quante. ³⁵ Yesusiva qua tivaruvaro , mpohu vaisihua rotu nraamwuqi ntaqakyu hua titohua nrumwu ,tita,qi nramwunra vanto qutuviho.Naaqamwave qumwinaaqamwa timwamwi vaisira nrihanra mwa mwaatante ? ³⁶ Yesusiva mwihua tura vaa riora,rotu nramwu qanra ntaaqakyu vaisira timwa mwinro tiro, "Haa qaatu hiante .Qutaave qiante." ³⁷ Mwiva haa mpohihua ni vatate ,qio Pitavavata,Yemisivavata,Ionivavata ,mwihua Yemisira qata nramwu. ³⁸ Mwihua rotu nraamwuqanra ntaqaki vaisira nramwuni vuva taaqo vata nraakye qora mwihua vaaqara qua tita;mwihua ntatova nyamwuqa vura.