¹ Ari abeb kam giger le tihiqiyid teq Juda gigo lotu akaman ayahta anan Pasova haqayta na teq bret yis haiqmo neqayta na akaman tugwahtiqdaq. Sa mataw tamaz emayta na teq mataw Moses ago gunun hurit kemiyta na in mataw gime titonim Yesus wazeq wol emid moqdaqta ago adan teqin tinagun yaqay. ² Na ezaqgo in bilaqiy, i Pasova akamnib Yesus ulalabmo ahi wazam haqiy. Luweq mataw biyahta na gigem meqniysa bab araq ayahta wazid eraqdaq haqiy. ³ Ari Yesus uliq Betaniy-ib mat araq kwaziqmo aholib moq lepra usim tihiqiyta anan Saimon haqayta ago bitab os. Osad in didaq neqsa aw araq tubol. Aw na Kagoh araq amikta gig anan Alabasta haqayta na sisoqim emiyta nab in masil ahuran dimunta anan Nad haqayta anawun ayahmota tenim teq in wazim abol. A bolim in aqez orqayim Yesus afaqinib waz balan tuwom. ⁴ Waz balan woqsa mataw asor nab osiyta na gigem timeqniysa in ginadibmo bilaqiy, nagaqgo aw ko masil dimunta ko abu ulumaq? haqiy. ⁵ I masil ko mat araq inaq zayeq 300 nazq waq nagta haqiy. Waqeq i mataw ginaghan haiqmo osayta na neg nagta haqiy. Haqad in aw na tuwad yaqay. ⁶ Wadsa Yesus bilam, ne hulosiy ham. Nagaqgo ne aw na afaqan ugay? ham. In ya ilowan tonad yaqmen daq dimun diqta tiqem yag ham. ⁷ Tutimmo mataw ginaghan haiqta nenaq osaqta ham. Ossa ne gilumsih daqayta akaman kabemmo ham. Ari ya nenaq tuteq moq a hi osdaiqta ham. ⁸ Aw ka ya inadin emim in yaqmen emdaqta na kawa tiqem yag ham. In masil ya iholib amta ka isan wastitayeq hodhodab ka in kawa tiqam ham. ⁹ Ya helmo ne gibilenaiq ham. Mataw edob leheq ya iwagamun dimunta bilaqad in daq kazaq amta ka awagamun tubilaq daqay ham. Bilaqsa mataw huritad teq in aw ka anadin tiqem daqay ham. ¹⁰ Ari kam nab disaipel 12 na gigo araq anan Judas uliq Kariyot haqayta na in mataw tamaz emayta gigo aseseqta gigerab lehim gibilan, ya Yesus waqeq ne gibenab tiqemdaiq ham. ¹¹ In nazaq bilaqan mataw aseseqta na na huritim ginad tidimniyiy. Ginad dimniysa in Judas naw uggo tubuloniy. Bulonan Judas huritin in ezaq Yesus waqeq mataw na gibenab emdaqta na adanteq araq dimunta tinagunyaq. ¹² Ari bret yis haiqmo na akaman tugwahtim. Kam nab in Pasova ayon sipsip wol emayta. Nazaq iyan disaipel in Yesus tisusumun ugiy, ni ninad i bit edob leheq ni Pasova adidaqin neqqyta abanan wsatitayam? haqiy. ¹³ Haqan Yesus in ago disaipel gigermo gibilan, ne giger le uliq kob gwahtiqeq teq mat araq nab ayuwun inaqta soreq abo lehad in ne danib tigibiydaq ham. Mat naqmo ne muzeq inaq lehiy ham. ¹⁴ Leheq mat na bit edob gwahtiqdaqta nab ne loqeq bit na anamren kazaq susumun ugiy ham. Tisa bilam, yaqgo disaipel nenaq Pasova adidaqan neqamta na ago bit adugan edowa? haqad ne buloniy ham. ¹⁵ Ne nazaq bulonid teq in bit adugan araq ayahta ulilib usaqta na tgisihundaq ham. Bit adugan nab didaq neqayta anaghan bunmo usaqta ham. Nab ne leheq i bunmo Pasova adidaqan neqamta abanan wastitayiy ham. Haqad Yesus in gibilenan tilehiy. ¹⁶ Lehim uliq nab gwahtiqim in Yesus nagah bunmo ginan gibilanta nazaqmo ahol tuwaqiy. ¹⁷ An imisor diq tiqiyan Yesus ago disaipel 12 na nenaq didaq neqnan tilehiy. ¹⁸ Lehim in banab didaq neqad ossa Yesus bilam, ya helmo ne gibilenaiq ham. Ne gilik manib teq mat araq ya iwaqeq bab gibenab iqemdaq ham. Mat ya inaq araqib didaq neqayta naqmo ham. ¹⁹ Haqan disaipel gihol afaqan tiqiysamo in amulik-amulikmo Yesus tususumun ug yaqay, yaqmo e? haq yaqay. ²⁰ Haqsa Yesus gibilan, ne disaipel 12 gilikmanib mat ya inaq degib aben woqaq naqmo ham. ²¹ Helmo diq ham . God ago mar Mat Atatin anan bilamta nazaqmo diq in dan muzeq tilehdaq ham. Teq mat in Mat Atatin waqeq bab gibenab emdaqta na timeqniy hasdaq ham. Mat na anen a hi em nagta in am ham. ²² Ari in didaq nagan neqad osad Yesus bret asor waqim god esey ugim in orqayim ago disaipel tinag. Negad in gibilan, ne bret ka waqeq neqiy ham. Ka ya inon ham. ²³ Haqad in wain agogin inaq waqim God esey ugim teq in negan in bunmo tuquluwiy. ²⁴ Uluwsa Yesus gibilan, Ka ya inedan God ago maror muturta na zaway ugdaqta ham. Ya ned ka on mataw kabemmo giwastitaynan haqad wazbaldaiqta ham. ²⁵ Ya ne helmo gibilenaiq ham. Ya wain ayun ka a ta hi uluw daiq ham. Abeb ya God ago maror muturta aduganib osad teq ya wain ayun ka ta uluwdaiq ham. ²⁶ Admo in lotu ago bar araq wazim hulosadmo in uliq hulosim garah Oliv-ub tilehiy. ²⁷ Lehad Yesus in ago disaipel gibilan, ne bunmo ginad ya inan helmo haqayta na hulosad gileh yag daqay ham. Na ezaqgo God ago mar-ib gamuk araq kazaq bilam ham. Ya mat sipsip giwamzaiqta na wol emsa in ago sipsip haresmo tukeq tileq daqay haqad in bilam ham. ²⁸ Ari ya hodhodab eraqeq teq ya ameb saw Galiliy-ib tileh daiq ham. ²⁹ Haqan Pita bulon, mataw ka bunmo in ginad helta na hulosad gileh nigsa ya haiq ham. ³⁰ Haqan Yesus bulon, ya helmo ni nibilenaiq ham. Tarom ka kurek ame gigerta a hi gayonsamo nio nimeq ezeqmanmo gileh tiyag daq ham. ³¹ Haqan Pita atoranmo bilam, nab iyan ham. Mataw ya inol emnan bolsa ya gileh a hi nigdaiq ham. Hikidik ham. Haqan disaipel bunmo gamuk nazaqmo bilaqiy. ³² Ari Yesus ago disaipel nenaq le og araq awaqan dimunta anan Getsemaniy haqayta nab tugwahtiqiy. Gwahtiqim Yesus in ago disaipel gibilan, ne kab osiy ham. Sa ya leheq God inaq gamuk emnan ham. ³³ Haqad in Pita, Jems teq Jon giwaqim nenaq tilah. Lehad in ahol afaqan diq iysa ahol meqin diq tiloyinyaq. ³⁴ Ad in gibilan, ya ihol afaqan diq iysa ya tumoqnan tonaiq ham. Ne kab saw waqad osiy ham. ³⁵ Haqad in asitmo ta leh nog iyim in ogib woqim usad God tubulonyaq. God anad bilaqid in afaqan ka ya iholib walemdaq haqyaq. ³⁶ In bilaqyaq. O kabay haqyaq, ni ya imam haqyaq. Ni nagah araq a hi emdaqta haqyaq. Ya iholib afaqan ayahta ka ni walem haqyaq. Teq ni ya inad ka ni muz haqyaq. Naqmo ninad muz haqyaq. ³⁷ Ad in muleqim teq lehim disaipel ezeqman na ussa in gibiy, gibiyad in Pita bulon., Saimon ni nagaqgo usaq? ham. Ni asitmo saw waqad a hi usdaq e? ham. ³⁸ Ni saw waqad God inaq gamuk emad osiy ham. Gamuk emad daq gilum waqdaqta na bo giholib gwahtiqsa ne hi woqgo haqad buloniy ham. Helmo ne ya inad muznan ginad bilaqaqta ham. Teq ne gihol awaz meqin a haiq ham. ³⁹ Ad in lehim God ta bulon. Teko in God bulonta nazaqmo in a ta bulon ton. ⁴⁰ Bulonim in muleqim ta lehim disaipel gimeq rursa in gibiy. Gibiysa in kayeq ta iyim in gamuk araq bilaq daqayta haiq iyan in giqezmo hi iyim tuqosioy. ⁴¹ Sa Yesus ame ezeqmanta lehim teq ta bol. Bolim in gibilan, ne ginamur emad ustutay ye? ham. Ne dimunmo usay ham. Ahol waqiy ham. Muran i Mat Atatin waqeq mataw meqinta gibenab em daqayta akaman tihiqiy ham. ⁴² Ne eraq iysa i lehuq ham. Ahol waqiy ham. Mat ya iwaqeq bab gibenab iqemdaq na bo tugwahtim ham. ⁴³ Yesus nazaq gamuk bilaqad tursa hid naqmo disaipel 12 na gigo araq anan Judas hayqta na tubol. In bolsa mataw dauh biyahta baqir sebur wazim ad in inawq tubolaymo. Mataw tamaz emayta gigo aseseqta na teq Juda gigo mataw marorta na teq mataw Moses ago gunun hurit kamiyta na in mataw na in mataw na giqeman bolayta. ⁴⁴ Ari mat Yesus waqeq bab gibenab emdaqta na in naga daqin emmid in Yesus ahol waqad waz daqayta na ago in teko tigibilanta. In biiam, ya leheq mat nog ya wazeq ilawundaiqta naqmo ne wazeq bab mataw na gibenab emid in mat na wamuzeq ad lehiy ham. ⁴⁵ Nazaq iyan in hidmo Yesus agerab loqimmo tibilam, Tisa ham,haqadmo in wazim tiqilawun. ⁴⁶ I iawunanmo mataw na eraqim Yesus tuwaziy. ⁴⁷ Wazsa mat Yesus agenab tarta na ago baqin huneq hasim wam, waqim in tamaz matg tanmebta ago kababiy mat araq wolim adeksanmo qwaytayan ogib tuwom. ⁴⁸ An teq Yesus in bab mataw na giblan,na baqin sebar giwaqim a boliyta ka na rin tonaqta waznan boliy ya? ham. ⁴⁹ Kam kabemmo ya ni suleq negad nenaq Tempelib ossa ne ya a hi iwaziy ham.Teq daq kagen bunmo gwahtiqad in God ago mar tuwol net bugaq ham. ⁵⁰ Haqanmo disaipel bunmo Yesus hulosim titukiy. ⁵¹ Disaipel tukim le mat araq minminta ago tubusan dimunta husta amta na in Yesus muzim inaq lehsa mataw na ahol waqad tuwaziy. ⁵² Wazan haiq in giben le hadadmo ago tubusan gibenab hulosadmo in abe ahol mo tukim tilah. ⁵³ Ari mataw na Yesus wazim ad tamaz mat dammebta ago bitab tilehiy, lehim mataw tamaz emayta gigo aseseqta na teq Juda gigo mataw marorta na le mataw Moses ago gunun hurit kemiyta na in bolim humab tuwoliy. ⁵⁴ Sa Pita in Yesus muzim inaq lehad teq in pesan nog lehyaq. Lehim in tamaz mat danmebta na ago bit agelin aduganib le gwahtiqim in mataw Tempel-ib hurmey gan turayta na nenaq faq iterad tuqos. ⁵⁵ Ossa mataw tamaz emayta na gigo aseseqta na yeq Juda gigo kaunsel ayahta na amatwun bunmo in mat araq Yesus ago hib nan bilaqid teq in wol emid moqgo na tinagun yaqay. Ta teq in araq amalib Yesus wol em daqayta na ahol a hi waqyaqay. ⁵⁶ Mataw kabemmo bolim Yesus amalib nan katiyta em yaqay. Teq haiq in gigo gamuk katiyta na araq-ibmo a hi iyyaq. ⁵⁷ Sa mataw asor turad in katiyim kazaq bilaq yaqay, Yesus kazaq bilaqsa i hurit haq yaqay. ⁵⁸ Yaqmo teq Tempel mataw gibenab emiyta ka wol inereq kam ezeqman aduganib ya Tempel araq wazid tiqeraqdaq haqad in bilamta haq yaqay. ⁵⁹ Teq gamuk in bilaq yaqayta na in araq-ib a hi iyaqmo. ⁶⁰ Anmo tamaz mat danmebta na eraqimliqabmo turad in Yesus tususumun ug, mataw ka bolim ni ninan gamuk bilaqayt ka in ezaq diq? ham.Ni gamuk ka araq amenin a hi emdaq e? ham. ⁶¹ Haqanmo Yesus aqez hiqiyim in mat na ago gamuk amenin araq a hi bilam. Sa tamaz mat danmebta na a ta susumun ug, Mat Iyah ulilib diqta na atatin mataw anan Krais haqayta na inmo ye? ham. ⁶² Haqan Yesus bilam, eqe ham. Na yaqmo kawa ham. Teq Mat Atatin in God Awaz Meqin Diqta aben aqabun ban ossa ne ahol tuwaq daqay ham. Ahol waqsa in ulilib onqas inaq bolsa ne ahol tuwaq daqaymo ham. ⁶³ Haqanmo tamaz mat danmebta na era inmo aholib tubusan bulsireqim bilam, mat araq in nan araq a ta hi bilaqan ham. ⁶⁴ Mat ka God bilawunsa ne tuhuritiy ham. Ne in ayon naga gamukin bilaq daqay? ham. Haqan mataw bunmo bilaqiy, na in daq meqin diq haqiy. Mat daq nazaq amta na in moq nagta haqiy. ⁶⁵ Haqan mataw na gigo asor in Yesus tukusluw ug yaqay. Ad in tubusanib ame isihim wolad teq in bulon yaqay, anan biy haq yaqay. Haqsa mataw tamaz emayta na gigo hurmey na in Yesus waqim tuwol titay yaqaymo. ⁶⁶ Ari in Yesus nazaq tonsa Pita bit asisuran-ib ossamo tamaz mat danmebta na gigo kabibiy aw araq tubol. ⁶⁷ Bolim Pita faq iterad ossa in ahol waninunadmo bulon, ni Yesu Nasaret-ibta inaq luwta ham. ⁶⁸ Haqan Pita bilam, haiq ham. Ya ni gamuk bilaqaqta na inad a hi emay ham. Ni nog diq anan bilaqaq? ham. Haqad in asanib bit aqez ban le tugwahtim. [Gwahtiqsamo kurek araq tigayon.] ⁶⁹ An kabibiy aw na in Pita nab tursa ahol waqad in mataw nab turiyta na tigibilan, mat ka in Yesus ago mat naraq kawa ham. ⁷⁰ Haqan Pita a ta bilam, na ya haiq ham. Haqan mataw in agerab turiyta na asit ta tur nog iyim bilaqiy, helmo diq haqiy, ni mat Galiliy-ib ta iyim iyan ni Yesus ago mat araq daqag haqiy. ⁷¹ Haqan Pita atoranmo bilam, God ulilibta ibiysa ya bilaqay ham. Ya mat na ago a hi huritta ne anan bilaqay ham. ⁷² Haqanmo kurek ame gigerta tigayon. Gayonamo Pita in Yesus gamuk bilamta na anadin tiqam. Yesus bilam, kurek ame gigerta a hi gayonsamo ni nime ezeqmanmo gileh tiyagdaq ham. Pita na anadin emad in anad meqniysa gaqad tuqos.