1 Ari Yesus in uliq Tempel hulosim lehsa ago disaipel araq susumun ugim bolon, "Tisa, ni gig ko awaqan dimdimun diq, teq bit awaqan dimdimun ham." 2 Ari Yesus in bulon, ni bit aseseq ka gibiy ham? gig araq in gig araq amalib a hiqusata ham, gig bunmo mizizalayeq tuwoq daq ham. 3 Ari Yesus in garah Oliv-ib os, uliq tempel ago asor ban, Pita, Jems, Jon teq Andru in Yesus susumnun ugiy. 4 I gibilen haqiy nagah kamnib teq daq na gwahtiqdaq? haqiy. Nagah daqin diq gwahtiqadteq i gisihun daq, nagah tugwatiqgo iyaq? haqiy. 5 Ad Yesus in tigibilen ya, ne gihol awasin emiy ham. Luweq mat araq giwaqeq danteq araqab giwaqad a leh daq ham. 6 Mataw kabemmo boleq ya inanib ne kat neg daqay, 'ya Krais,' ad teq in mataw kat negad giqad dan asor ban leh daqay ham. 7 Teq ne wagam an wolayta gwahtiqsa huritad ne ginad hi meqniyan ham. Nagah nagan gwahtiqdaq teq in hidmo a hi hiqiydaq ham. 8 Teq mataw asor in asor nenaq an wol daqay teq kantri araq in kantri inaq an wol daqay ham. Teq uliq bunmo oq ayahta ahol wolsa teq ad teq zarow ayahta gwahtiq daq ham. Nagah nagan bilaqne santitiy on amun emad loyinay nazaq ham. 9 Ne gihol awasin diq emiy ham. In ne giqemid ne kaunsel gigo banab lehid teq lotu abitan amuganib daqay ham. 10 Teq nagah na gwahtiqgo God ago gamuk danmeb leh ogkab mataw on bunmmo gigo hib lehan ham. 11 Teq in ne giwazeq giqemid ne leheq ginad meqniysa ginad kabemmo hi emiy ham. Teq zeq dulan naqmo in naga gamukin na God in tinigdaq ham. 12 Maq bab in gimo an waqeq bab teb emdaqay ham. Teq onmin eraqeq ginen gimam ginol em daqay ham. 13 Mataw on bunmo ne ginan ginad a hi bilaq daqay na ago ne ya inanhelmo a hi haq daqay ham. Teq on mataw nog atoranmo turad in gigo ginad awaz meqinta na im og kab os dimunta ahol tuwaq daqay ham. 14 Teq ne naga meqinta gimeqin tondaqta na turaqta na in nab a hi turan ham. hulosid mataw aholaqid ginad emhas daqay, mataw nog judiya-ib osayta na tukeq garahab tilehiy. 15 Hulosid mat nog bit ahunib turaqta na woq an bit amugan ban wolehan teq in nagah araq waqeq bit asanib gatiqeq hilehan. 16 Teq mat in kabiyab turaqta na muleqeq ago tubusan ta hi waqan. 17 Teq in anad meqniysa on gingan amun sus negayta kaman. 18 Teq ne nagah na anan sorsa in hi gwahtiqan, urom teq mididi agahta ago kamnib. 19 In nagah ago bab teq afaqan usaqta teq on mataw neg daqay. Afaqan nazaqta a hi gwahtimta. Kwaziqmo God in og ka amta na bo muran. Teq afaqan nazaq ta hi gwahtiq daq abeqban. 20 Teq ayahta in kam samanta emta iyid on mataw bunmo haiq iynag. Teq iyahta ago on mataw gitowun amta na ginad emad kam eman sinsin tiqiy. 21 Teq mat araq in gibileneq bilaq ahol waqiy kraist in kab osaq ta ahol waqiy kob osaq haqid, ne gamuk na anan helta hi haq qiy. 22 Nagago Krais katiy ta profet katiyta tugwahtiq daqay, ad in tow asor teq daq azawayin inaqta mataw on kat negad teq in gituran iyad God ago mataw on gitowan tiqam ta tikat neg daqay ham. 23 Ne gihl awasin emiy. Abeq ban teq nagah nagan gwahtiq daq ta ago muran ya ne gibilenay ham. 24 Teq afaqan nagan abun ban, teq zeq ahol biliyeq tarow iysa ta kalam in saw anuwan a hi ugdaq ham. 25 Teq ulig milheseq kaitib woqsa, zaway bunmo heven-ib usay ta na ahol tuwol daqmo ham. 26 An gilehun ban in mat atatin onas inaq zaway iyah ta inaq bolsa ahol tuwaq daqay ham. 27 Teq in ago ensel giqemid leheq mataw on bunmo og ka ago 4 nazaq in sawub osay ta na gihumab titon daqay ham. 28 Ne ay fik ago ginad em hasiy, ari aben kayeq ta na in anan mutur ta emaq ta ham. Ad ne ginad emay in zeq ago kam dimun ta tugwah tiqaq haqay ham. 29 Nazaqmo ne nagah gwahtiqaq na ahol waqiy ham. Ne ginad emiy in sinsin diq mo bo dan ezab diq mo tiqiy haqay ham. 30 Hel diqmo ya ne gibilenay ham, mataw on muran osay ta na a hi moq samo nagah na bunmo tugwah tiq daq ham. 31 Heven teq og ka tihiqiy daq ham, teq yago gamuk in a hiqiy daq ham. 32 Teq mat araq in a hi hurit, naga kam nib diq Mat Atatin boldaq ta na ham. Teq Heven-ib Angelo, teq mat atatin a hi hurit daq mo nagah kamin diq. God amomo in hurit ham. 33 Ne gihol awasin emiy ham, nagaqgo ne a hi huritiy ham, naga kamnib diq nagah gwahtiq daq ham. 34 Na bileq ne mat araq pesanmo lehnan haqad ago bit holoseq kabibiy mataw gibenab emid awasin em daqay. Teq in kabiy amulik-amulikmo matw na negad teq gamuk atoranta bit awasin emgo ta neg daq. 35 naqgo ne gihol asawan waqiy, na ago naga kam nib bit amam boldaq na ne a hi huritiy ham. Luweq in imisisor o tarom alih hanib kurek gayonsa o taromo diq ham. 36 In hidmo diq boleq, ni ustutsa hi nibiyan ham. 37 Naga gamukin ya ne gibilenaiq na in mataw bunmo tumoq daqay ham. Ne gihol awasin diq emiy ham.