¹ Jesus itoz ile meg, i malan ileg tamolta i malan itaulak ta inasi. I megin tinan iduzi. ² Sain melon meglaum sodoz depani,"Gazek Mangau, ite i au ipaslak inan nenmam gaz o i siben ge i megin itase?" ³ Jesus auadin yabig egin ipidin,"So nenmam gaz o aitamol me ge Anut inan uzat me bengten itasawoi ilon. ⁴ Id inad sain gauailon id inan bingan tepaniwoi, i mewoi nga nuag ngase. Tidom isomap id uzat tenaunen so idusawoi. ⁵ Ge nga tan elak ngamadongame nga tan inan lelaman. ⁶ Alouge Jesus azu e dangan ibol binig, i jasug tanlak ge tanatan ikubilig geu itase, geu me ingaleg malan itaulak inau. ⁷ Ipai," ulap Siloamnen bililuk lon usug(fun: naug iselakme)." Mewoi ge tamol malan itaulak me ileg naz melon isug, ge faun imul iseg malan fatu inasi. ⁸ Ge inan tizangaz meg tamol itei gaz i danasilak i tamolpain gangmalanoi godowanek inouime, megin sodoz denau,"Me tat tamol sansan matalimelak meg tamolpain godowanaime gangmalanoi?" ⁹ Aenta debol,"I mon."Meg aenta debol,"Tea, me inan naun matalain." Ge i siben ibol,"me nga mon." ¹⁰ Iwoi egin debol,"Ge oina mala dodin naug o fatu nasi?" ¹¹ Ge i egin auadin jabig pidin,"Tamol nean deblanig debol Jesus, i tan inaug geu itaseg ge ingaleg malaglak inaug ipaiag ge ngadug Siloam Naz ta melak desazelak melon ngasug. Mewoi ge nga ngaleg ngasug ge gazo nga fatu nganasingame. ¹² Egin depai,"I domten imadoime?"Ge auadin jabig egin ipidin," Nga so ngalong." ¹³ Ge i duduzig Fariasia gaz izidinen dile. ¹⁴ Me i nadin ubou nal ge Jesus tan inau geu itaseg tamol malan itaulak me mala inaug poibol. ¹⁵ Farisia gaz faun mug sodoz depani dal dodinlon i malan denaug poibol ge i fatu inasi ime. I ipidin,"I geu tanlak me ingaleg malaglak inaug, ge nasug ge fatu nganasi." ¹⁶ Farisia tamol aenta debol,"Tamol e Anut izinen so iselak, funme i ubou nalgun e so uzipani. Tamolpain aenta i danasilak me i dekumukom ge debol,"Dodin ge tamol i auipasilak me i kibineknen uzat inou?" Ge i depataleg malan azugen. ¹⁷ Mewoi i faun tamol malan itaulak me sodoz depani,"O dodin ubol oi tamol mewoi,abangtefunoi i mala fue pano?"Ge malan itaulak me ibol," I profet ta." ¹⁸ Ge Judagaz i ladin lon so malik inan azu ikibiailak, iduse sain inan nenmam gaz divigidin ge dise. ¹⁹ Tinan taman egin disidizia,"E ang nami ai ibol e ang kibiailak, i tinan tengainlon megin itaselak? Dodin ge i gazo e fatu inasi ime?" ²⁰ Inan nen mam gaz egin debol,"Am auzun along i am nama aikamo i malan itaulak megin itase. ²¹ Dodin ge i faun malan poibol ge fatu inasi, am so along tamol ite i malan inoug poibol lak. Ang sebami sodozpani, i get ujan ge isiben oi ilong mewoi i siben kibiai oi." ²² Inan nenmam gaz i abangtewoi azu megin dikibiai, funme i Judagazoi dezez. Abangte funoi Judagaz i azu get depaulak, tamol ta i egin ikibiai i mon i kristus Jesus tap, i gazop ubouab lon depasiwoi. ²³ Me funoi inan nenmam gaz egin debol,"I get ujanzen, ge ang sabami sodoz apani." ²⁴ Mewoi ge sain azugen i diwagig iseg egin dipai,"Ujanzen bingan bisa. Am along i aupasek wain." ²⁵ Ge i auan jabek egin ibol,"I auipaslak o tea me nga so ngalong. Abang taimon ngalonglak, me enig. Get nga malag itau, ge gazo nga malag poibol ge nga fatu nganasingame. ²⁶ Egin depai,"I abangte o woi inou" Dodin mon i o mala inoug poibol?" ²⁷ Egin auadin jabi,"Nga get sai ngepanag ge ang lamisali azu me alongnen. Abangte funoi ang faun mug ngapaiang oi?Ang mai tat inan meglaum atasawoi, ne?" ²⁸ I auadin ujan lo depai,"O inan meglaum ta, am Moses inan meglaum gaz. ²⁹ Am along Anut i Moses mon mai dikibiai, ge tamol e am so along i domten iselak." ³⁰ Ge i azu auadin jabig egin ibol,"E azu faun mok. Ang so along i domten iselak ge i malag inoug poibol. ³¹ Id talong Anut i tamolpain audipaslak auadin so jabilak ge tamolpain i degodowanidime inan kankan duzilak mai, Anut i auadin ilongime. ³² Sain did tan mei ien meg, tamol ta iaita auan painlon so imadelak sain sain i tamol maladin i inaug poibol lak sain tinadin tengainlon itaselak. ³³ Ge tamol e so Anut izin isetap i abangta so inouoi." ³⁴ Ge i egin dipai,"O aupasek ilonen utase ge gazo o am kibiai penama oi?" Ubou ablon mai dipasi. ³⁵ Jesus ilong i ubouab lon dipasi.Ge i bazanig inasig egin ipai,"O Ujanzen Nanun ilo lon malik?" ³⁶ Ge i ibol,"Ujanzen, Tamol Nanun me itei ge nga i woi iloglon malik oi?" ³⁷ Jesus egin ipai,"O get nasi ge i tamol me gazo o mai kibiai ime." ³⁸ Tamol me egin ipai,"Ujanzen, iloglon malik,"Ge sain melon dagun sibinig idug i pezpanilak. ³⁹ Jesus ibol,"Nga tan elak ngaselak me tamolpain nitizinawoi ite i fatu so nasimelak, i ngikibinap fatu danasi map tamolpain itei i fatu danasilak i maladin itau oi. ⁴⁰ Farisia aenta i melak dimadelak i mai i azu me dilong ge i egin sodoz depani,"Am mai malama itau?" ⁴¹ Jesus ibol,"Ang malami itaup madope, ang aupasek teawoi. Ge ang gazo e egin abol,'Am fatu anasinen iduse,' mewoi ge nami aupasek me ienoi.