¹ "Malik mok nga ang ngapaing ngame, tamol ta i dal auan lon bililek nadin azlon so iduletap, ge dal ta lon susup idulatap, me i panau tamol. ² Ge i bililek nadin az dalauan lon idulatap me i bililek tizinek tamol. ³ Dalauan inan i tizinek tamol iwoi dalauan fue oi. Pa bililek i auan dilong oi, i bililek niadin blanimap idauzip bengten diduwoi. ⁴ Sain ingal pa bengten didup, i imug meg inan bililek duzidime, funme inan klagun oi dilong gauai. ⁵ I tamol ainta so duziwoi itei iwoi po soibol lak, funme i disunuziwoi funme i tamol aenta klagun oi po so dibol." ⁶ Jesus azu matalain egin ibol, i azu me inan funflalek oi po sodibol inan azulon. ⁷ Jesus faun egin ipidin,"Nga azu malik oi ngapaiang, nga sibeg mon dalauan bililek nadin. ⁸ Tamol itei gaz i dimug ge diselak i panau tamol, i tamolpain nadin abangabang dezai dime, ge bililek mai auadin painlon so dimadelak. ⁹ Nga sibeg nga dalauan. Ge tamol ta inga izignen isop dalauan me lon idulatap, nga i niman ngabiwoi. Pa ilonen idulap ge i bengten idutap i tan gauailak ifumalaun ingalep janiwoi. Panau tamol iselak me mangau funekoi, pitingineknen oi mon i ngaleg ise. ¹¹ Nga sibeg tizinek gauai.Tizinek gauai i inan bas bililek oi sibinig idu. Ge uzat tamol i didadlak mewoi ge i uzat inoulak, i so bililek tamangaz, i tizinanen so ilong.Sain i malan ileg dazuk ujan ujan disemeg i izez ge bililek binag ijau ime.Dazuk salasala i bililek panoudinau mai meg dikudualak. ¹³ Abangte funoi i ijaulak, i uzat tamol mon oi i didadlak, mewoi ge i bililek oi so dabinou. ¹⁴ Nga sibeg mon nga bililek nadin tizinek gauai, nga inag bililek gaz oi ngalong meg i mai ngawoi dilong. ¹⁵ Mam Anut i ngawoi ilong meg nga mai iwoi ngalong lak, mewoige nga inan kankan uzig nga bililek gaz oi ngamat. ¹⁶ Ngainag bililek aenta mai i bengten dimadodime i az elon so didulelak. Imai nga nguduzawoi, pa i nga auag duzidipaniwoi, pa i ngainag bililek az taimon lon dimadowoi map nga inadin mam eginoi. ¹⁷ Me fun oi, Mam Anut i nga oi gauz mok imat lak, nga ngamat lak ge faun bas ngmais oi. ¹⁸ Tamol ta i nga nimaglak so iwiziagoi, ge nga sibeg inag basnen me Anut i wiziaglak. Nga sibeg bagoz dangan nga ngamatlak ge bas ngamaislak.Anut siben i azu e i nga ipanaglak. ¹⁹ Judagaz i azu e dilong ge, i patataleg ileg wozou azugen lon. ²⁰ Gauz mok egin dibol," I uz salan dangan meg i tamol gadagadlak. Abanagte funoi ang i auan along ame?" ²¹ Aenta dibol,"Me so uz salan inan azu ilon ge ikibiai ime. Tamol uz salan dangan i tamol malan itaulak,inoup malan po ibolnen iduse, a?" ²² Ge Jerusalemnen nal ujan ubou inan itaselak. ²³ Sain melon fatu jezun meg Jesus itoz ge Solomon inan dalauan gazangenmon iseg itoz ge temple lon idule. ²⁴ Judagaz dikudig meg egin dipai,"Sangeptep mok o azu malik am paiama woi? O sibe o Kristus tap o tiduk ubol pa am along" ²⁵ Jesus auadin egin jabi,"Nga get ngapaiang ge ang lamilon so malik. Uzat nga Mam nian lon nganou lak me i fug iblani. ²⁶ Ang ngainag bililek egin tea, mewoi ge ang lamilon so malik. ²⁷ Nga inag bililek oi ngalong, i ngainag auag dilongdime, meg i duzidepanidime. ²⁸ Nga sibeg madoknen gauai ngepana mewoi ge i so depadal oi, tamol ta i nga nimaglak so dipas oi. ²⁹ Ngainag Mam inga ipanaglak, i Ujanzen abang dangan tiwon inanazi, mewoi ge tamol ta i Mam niman lak so pasiwoi. ³⁰ "Nga inag Mam mai am taimon."I nga lon imadelak meg nga mai i lon madelak. ³¹ Juda gaz faun mug pat denagleg i dufni oi denou. ³² Jesus faun mug ipidin,"Nga abang gauz ngangapaianglak me uzat gauai Anut izinen iselak. Uzat gamun mewoi ang nga patlon funag oi. ³³ Judaghaz faun mug depai,"Am o patlon so ufunowoi uzat gauai oi, tea o Anut oi mesalanek azu kibiai. O tan inan tamol ge O sibe nuog Anut ukol oi." ³⁴ Jesus ibol,"Azu ta melak get gazek ge ijen ime Moses inan kibeinglon,'Nga ngabol' Ang sebami, ang sebami nuog ge Anut egin?" ³⁵ Ge i ang Anut egin i blanang tap, wozoi Anut azu izidinen isetap,(mewoi ge Anut megin ijen, iso poaleknen oi.) ³⁶ Mam Anut i siben i nga plenag ge inaug ge ngadulak ge ang ngawoi abol,'Nga Anut inan Ai.' ³⁷ Ge nga Mam inan uzat so ngenou tap, ang nga lamilon so malikmon. ³⁸ Ge nga ngenoup ang lamilon so malik tap, ang nga uzat ngenoulak melon along oi pa lamilon malik, Mam i nga lingag lon mai meg nga ilonen ngemadelak. ³⁹ I bibatanai Jesus diabioi dinoulak, ge Jesus i nimadinlak itapas. ⁴⁰ Jesus faun imul ge Jodan nazlon ile, aben Johanes flaneknen tamol imug ge tamolpain flaneknen lon inaulak, ge i melak imade. ⁴¹ Tamolpain dangan Jesus izinen diseg i dibol,"Malik mok, Johanes i tamol ta so ikibinelak, ge abang dangan Johanes tamol e inan sigianek inoulak me malikmok," ⁴² Sain melon Jesus ladin lon malik.