¹ tamol ta nian Lasarus, i majai tamol i melak imadelak. I Betani wain, Maria tain Mata mai nadin panu. ² Maria mon i Jesus gazeng lon balapanilak meg nien suaslak inan gaten zaun lon, inan tain Lasarus me majai tamol. ³ Pain azugen me Jesus oi azu dinaulak i egin dipailak,"Uyanzen,usop tamol e nasi, O iwoi gauz mok umat umelak me i majai funi." ⁴ Jesus azu me ilong ge ibol,"Majai me so funip imat oi, tea. Me gazop Anut bingan imais oi, meginpe Anut Nanun mai bingan ingalewoi. ⁵ Jesus i Maria liun mai meg Lasarus oi gauz imat ime. ⁶ Sain melon Jesus ilong Lasarus majai lak ge i nal azugen faun melak imade. ⁷ Alouge inan meglaum ipidin,"Id faun tamul pa Judianen talawoi." ⁸ Meglaum egin dipai,"Gazek Mangau, Judagaz o patlon difunowoi dinou, ge o faun mug umulpa aben melak ulawoi?" ⁹ Jesus auadin jabi," Id aua 12 mon nal taitai lon, ge tamol ta itozpa nal lalaman lon tap, i nian so tuzugusiwoi fun me i Anut inan lalaman lon ditozlak. ¹⁰ Ge tidomlon itoztap i tuzugusip nien kudep ibal iduwoi, Fun me i lalaman lon so ienime." ¹¹ Jesus megin ibol,"alouge ipidin," Id inad kadoi Lasarus ien ilon padal mewoi ge nga ngalap ngufungiwoi, ¹² Meglaum dibol,"Uyazen, i ien padal tap pasa ibolpa madowoi. ¹³ Jesus i Lasarus imatlak mewoi ibol, ge i dibol ien ilon padal. ¹⁴ Gazo e Jesus funflaleg ipidin,"Lasarus i get imatlak. ¹⁵ Nga ang oi kankan ge nga jaug ise, nga imai so ngamadelak sain melon, gazo e ang anasip lamilon malikoi. Gauai imaispa izinen talawoi. ¹⁶ Tomas me nian ainta Didimus i meglaum ainta ipidin egin,"Id talap Jesus mai tamat." ¹⁷ Jesus iseg itase, i egin dipai Lasarus imat ge nal palgen fadafod lon ienime. ¹⁸ Betani panu me inan dal mail azugen mon Jerusalem izinen. ¹⁹ Juda gaz gauz diseg Mata Maria mai ludinoi ladin dengalewoi dise. ²⁰ Gauai, sain Mata ilong Jesus iselak, pasak mok ile imai naun tazetaze, ge Maria i ablak imade. ²¹ Mata egin Jesus ipai,"Uyazen, o elak madope ngainag liug so imat oi. ²² Ge nga ngalong gazo e o Anut abangtawoi sodoz panitap, i o paniwoi." ²³ Jesus i egin ipai,"Oina liu i faun bas imais oi." ²⁴ Mata ipai," Nga ngalong sain wadanlon Anut iwog map tamolpain dimat lak i faun bas dimais oi. ²⁵ Jesus megin ipidinlak,"Nga sibeg tamolpain dimatlak ngufunganawoi nga sibeg bas dadanganeknen ngipinidin oi,Tamolta itei ngawoi ilonlon malik i imatoi, pa ibas dadanganeknen ingalewoi. ²⁶ Ge itei bas madoimelak meg i ngawoi ilonlon maliklak i so imat oi tea, imai basnen me lon imadowoi. O me ilo lon malik, ne? ²⁷ Ge ibol,"Nga ilog lon malik Kristus Jesus oi, O Mam Anut Nanun Ai me tanlak iduwoi dibol lak." ²⁸ Megi dibol lag ileg melabublon tain Mari iwagi, ibol,"Tamol Ujan iseg iwogime." ²⁹ Sain Maria i me ilong tag, pasak mok imais ge Jesus izinen ile. ³⁰ Jesus panu melon so ise meg, I panu melak Mata mai naun tazetaze lak. ³¹ Judagaz i Maria mai ab me ilonen dimadelak inan mataleng melon. Sain me lon dinasig pasakmok dipalug bengten didug kankan me ilap matmat lon itawoi mewoi ge i duzig dile. ³² Maria iseg panu Jesus imadelaklon malan ileg ibalidug Jesus nian funlon ge ipai ibol,"Uyanzen sain melon O elak madope me nga inag liug Lasarus so imat oi." ³³ Sain Jesus inasig ita meg Juda gaz i mai diselak mai dita, buben alan meg iwoi ilon gauz mok ipinidin lak. ³⁴ I ibol," Ang domten i mengani?" Auan diabig dipai,"Ujanzen usop talap o nasiwoi." ³⁵ Ge Jesus ita. ³⁶ Juda gaz dibol,"Anasi, i Lasarus oi gauz mok imatlak. ³⁷ Tamol ainta i dibol,"Tamol me i tamol maladin itaulak me i maladin inaug po ibol lak, mewoi ge, abnangte funoi i tamol ta inaup so imat oi?" ³⁸ Jesus faun mug ilon panig ile fadafod lon.Fadafod me ipat yau lon dinou, meg pat ta dingaleg melon difanati. ³⁹ Jesus ibol," Pat me apasi."Ge Mata i Lasarus inan liun, tamol imat lak me egin Jesus ipai,"Ujanzen, inan tinin me get mok salan fidifud itaselak, fun me nal palgen fadafod lon ienlak. ⁴⁰ Jesus egin ipai," Nga azu malik mon o ngapau, O me ilo lon malik tap o Ujanzen inan kubelkubel me nasiwoi. ⁴¹ Gauai i patfonlak me dipasi meg Jesus naon biseg malan didlak ile meg ibol,"Mam nga pez ngepano o ngainag azu ulong lak oi. ⁴² Nga ngalong O ngainag azu ulong ume, nga azu e ngabol nga nuag ge ngadulak oi." ⁴³ Me wadan lon, i auan ujan ge iwog ge ibol lak,"Lasarus, mais pa bengten udu." ⁴⁴ Ge mateng tamol bengten idu nien niman noun jamel lon dupuzi. Jesus ipidin," Tinilak jamel apuolak me apasimap i se ilawoi." ⁴⁵ Juda gaz Maria duzig diselak, i abangte Jesus inaulak me dinasig ladin lon malik. ⁴⁶ Ainta dileg Farisia gaz dipidin dilong abangte Jesus inaulak me. ⁴⁷ Ge waling gaten gaz dileg panu gaten gaz ditamanagdibol, "Id abangte tanau oi?" Tamol e abang kubelkubel inaug itaselak. ⁴⁸ Id i tibini tap, tamol dangan ilon ladin malik oi map Rom gaz disop panu e map id inad fatu dipitinginiwoi," ⁴⁹ Ge tamol ta i ladin lon, nian Kaifas i waling gaten umaz melon, i meginn ipidin,"Ang abang ta so along." ⁵⁰ Ang along gauai oi tamol ta i id inad aben ingalep imai oi, pa id inad fatu e so dipitinginiwoi." ⁵¹ I inan kankan lon so kibiailak, tea. I waling gaten i madelak umaz e lon mewoi ge i profet azu i kibiai Jesus i Juda gaz oi imat oi. ⁵² ge so Juda gz mon, tea, Jesus i Anut inan nanun gaz dangan mai ditamani woi aben dangan lon. ⁵³ Nal melon ge ilelak, i dal dibazanig Jesus difuniwoi. ⁵⁴ Mewoi ge Jesus i faun so itozlak Juda langadinlon i ileg fatu ta izienen fatu udau Efraim nen made. Inan meglaumgaz mai dileg me lak dimade. ⁵⁵ Juda nadin pasa ubou sisiz, aben dangan inan tamolpain diseg Jerusalem nen ditamani pa i sabadin ikibiniawoi aloupa pasa inan nal ujan me itasawoi. ⁵⁶ Tamolpain diseg Jesus dibazani, ge i temple lon dituiz ge i sabadin azu dikibiai dle dise,"Ang dodin kankan anou? I sain ujan elon isowoi o tea?" ⁵⁷ Waling gaten gaz meg Farisia gaz azu gagaun tamolpain dipidin me egin, Tamol o pain ta i Jesus aben imadelak me ilong tap, i pidin dilong oi, pa i diabip niman dipouoi.