¹ Abang dangan wadan longe, Jesus i Galilia fatulon tazeng yabi. I Judia fatulon ilanen imoi fun melon iletap dufunip imatoi. ² Juda gaz nadin ubou sain ujan itase, ladin isounen Israelgaz ,get jaeng nauk ab melon tazeng diabilak. ³ Inan taingaz Jesus depai,"Aben me binip Juda fatulon ula, oina megelaumgaz i o abang gauai naup itasap denasiwoi. ⁴ Tamolta i abangta kukum pa inaup so itasawoi, ge tamolpain dangan i dilongoitap, i gazop maladinlak bengten inaup itasawoi. Ge o abang me naup itasawoi map, O sibe me o bengten nuop utasa tamolpain tan fatu danganlon denasowoi. ⁵ Ge me taintawangaz i Jesusoi, ladinlon so malik. ⁶ Meginge Jesus ipidin, "Ngainag sain so iduime,ge angnami sain me sansan idume. ⁷ Tamolpain i tan e inan me o mai agez so amadowai, ge gazop ngamai agez amadowoi, fun me nga inadin saladin me bengten nganaug itase. ⁸ Segauz nami ubou sain ujan melon ala.Nga gazop nami ubou sain ujan melon so ngalawoi,fun aitawoi inag sain so iduime." ⁹ Jesus iazu me dangan ibol binig, Galilianen melak made. ¹⁰ Ge alouge Jesus taingaz dangan dile dibinimeg, Jesus mai langadinlon ile, ge i mingianeklon ile. ¹¹ Ubou sain ujan melon Judagaz i Jesus dabazanig dibol, "Tamol me domten madoime?" ¹² Tamolpain me langadinlon i Jesusoi azu kin gauzmok dibol. Ainta idibol,"I tamol gauai." Ainta dibol, " tea, i tamolpain se se wizidinime." ¹³ Ge, tamolta i so Jesus oi bengten mok ibol itase, fun aitawoi i Judagazoi dizez. ¹⁴ Sain ubou ujan inan nal ileg lilunglilung meg, Jesus tempel lon iduleg fun inaug tamolpain petengana. ¹⁵ Judagaz i komkom gauzmok denaumeg dibol, " Dodin mokge tamol e i abang dangan mok ilong? I skul lon ta so ile." ¹⁶ Jesus nadin auadin jabig pidin, " Ang azu e ngapaianglak,me ngainag azu tea, tamol i nga nuagge ngaselak inan azu." ¹⁷ Getamolta ilon ibol mok tap, Anut inan ilon ibol me uziwoitap, i gazop azu e fun ilong gauai mokoi. Me Anut izinenge ise, o, nga sibeg inag iloglon tat ngikibiai ngame. ¹⁸ Tamol ite i sibenoi ibolime, i sansan siben bingan bisaime.Getamol ite i tamol inaug iduiselak me bingan bisaime, tamol me i tauzmok ge kagin sekaukta ilon tea. ¹⁹ Ge Moses i kibeing ang so tat panang? Ge, tamolta anglon kibeing me so tat uzime? Abangte funoi nga funagpa ngamatoi? ²⁰ Tamolpain i auan diabig egin depai, " O uz salanta tinilon ijenime. Tamol it i funop umatoi?" ²¹ Jesus auadin jabig megin pidin, " Nga azuta ngabol, ge ang azu gauz mok abol. ²² Ge Moses i mulung nasek kagin me panang (kagin me Moses izinen so iselak, me tubumigaz nadin) ge nal sabat lon aikamo tamol me tinidin taleame. ²³ Ge tamolta i mulung kagin sabat nal lon inauime, i Moses inan kibeing so nanazi ime, ge abangtewoi ang ngawoi buzumi isa sabatnal lon majaitamol ngikibineg gauai? ²⁴ Ang tamol nasip so atanaemon, ge kagin tauzlon tamol tanaep anasi." ²⁵ Tamolpain aenta Jerusalem nen dibol, " Itozlap tamol taimon memontat dufunip imatoi dabazani, ne? ²⁶ Nasi, azu bengten ibol itaseg tamolta iwoi azu ta so ibol. Tamol ujan ujan i dilong tamol e tat, i Kristus? ²⁷ Am along panu domtenlon iselak, ge sain Kristus isemap, tamolta i so ilongoi domtenge iselak." ²⁸ Jesus auan ujanlon tamolpain tempel lon azu petengana, " Au ang ngainag fugpanu me along.Megin mon nga sibeg ilog ibolnenlon so ngaselak.Mewoi ang iwoi so alonglak. ²⁹ Ge nga iwoi ngalong, Abante funoi, nga ilon ngase, i nga nuagge ngase." ³⁰ Azu melonge tamol i diabiwoi denau, tamolta i niman tininlak so inau, inan sain gazogime mewoi. ³¹ Tamolpain zen mok iwoi ladinlon malik, ge dikibiai," Sain Kristus isemap, kubel mangau gauz inauoi tamol me maip nanaziwoi? ³² Farisiagaz i dilong tamolpain i Jesusoi dibolak, waling gaten gaz i Farisiagaz mai temple inan gatengaz, i Jesus diabiwoi dile. ³³ Ge Jesus azu pidin ibol, " Sain titukmon me nga ang mai temadowoi, ge nga ngalawoi, it i nga nuagge ngaselak. ³⁴ Ang gazop nga bazanagoi ge so anasagoi, aben domten ngalangame nga gazop so asowoi. ³⁵ Judagaz sebadin dikibiai dibol, " Tamol e gazop domten mok ilemap id i faun so tenasiwoi? " Ang nga bazanag oi ge so anasagoi? Gazop ilap Grikmai demademap melak patanganawoi? ³⁶ Azu me fun dodin, "Ang nga bazanazoi ge gazop so nasagoi? Aben ngalanen me, ang gazop so asowoi?" ³⁷ Ubou nasek ujan inan nal wadanlon, Jesus itiuzge auan ujanlon iwog ge ibol, " Tamolta i nazoi klagun kaza iboltap, segauz binip izignen isop naz imili. ³⁸ Ta i nga ilonlon malik, mewoi Anut azu ibol lak, basnan naz me ibuben lon ibubuaioi. ³⁹ Jesus i azu ibol lak me Auan Uzgunlon, tamolpain i Anutoi ladinlon maliklak gazop dengalewoi. Auan Uzgun i so isoime, aitoi Jesus i bingan so ingaleime. ⁴⁰ Sain i azume dilong Jesus i kibiameg lon, tamolpain aentadibol," Malik mok e me Profet ta." ⁴¹ Wozou ta i dibol," Tamol e me i Kristus," Ge aenta i gauz dibol," Dodinge i Galilia wain? ⁴² Ge Anut azu i bengten so itase Kristus i gazop David inan dazlon itasawoi, Betlehemnen David inan fatulon?" ⁴³ Mewoige tamolpain nadin kankan itaselak me pitinginig sebadin ipatale Jesus abang inaug bengten itase. ⁴⁴ Wozou aenta i Jesus diabiwoi denau, tamol i niman Jesus tiptip jabinen so iduse. ⁴⁵ Ge opasgaz i diseg waling gatengaz Farisiagaz dipidin, " Dodin ge ang angaleg zimanen so ase?" ⁴⁶ Opas gaz i auadin diabig dibol, " Tamolta i tamol megin so ikibiaimelak." ⁴⁷ Farisiagaz i auadin diabig dibol," Gazo e ang inan sekauk melon get batanaek melon adu? ⁴⁸ Waling gatengaz ta Farisiagaz ta iwoi so mok ladinlon malik? ⁴⁹ Ge tamolpain malan ujan mok iwoi so dilonglak, i alan mok denaug damadodime. ⁵⁰ Nikodemus(Tamol me get i seg Jesus nasilak) i ipidin, ⁵¹ " Gauai, ge inad kibeing egin ibol, id segauz tamol ta kotlon tanauoi, id talong uzat abangte me inauime?" ⁵² Ge auan diabig depai, " O Galilia wain, ne? Azu suti gauai, ipau ulong Profet ta Galilianen so isouoi tea." ⁵³ Sain melon mok me tamolpain dangan i nadin ablak diledimulmeg demade.