¹ Me uzig Juda nadin ubou ta idu, Jesus Jeruslem nen ile. ² Me Jerusalem nen belelek inan dalauan izinen wililuk ta ien ime, me hibron nadin azulon Betesda depaidime, me aenaenlon tazas damon faifdangan ien. ³ Melon sansan miliaugaz kuzum dien, tamolai malan itaulak, nien kazo ibol, tinin kezepazup mai naz benenaik malan denaudime. ⁴ Tamol dibol engel sansan idu meg naz me benenai ime. Naz benenaimeg ta i malan malan idumeg i tinin guai, maiai abangtetat funilak me pasa ibol. ⁵ Tamol ta imadoime i umaz 38 tinin miliaulak. ⁶ Jesus i tamol me ienmeg nasitag ilong maig i sain kin melaen megin made lak i ipai,"O tini guai oi ubol ume?" ⁷ Tinin miliaulak me auan yabig ibol, "Uyazen, naz benenaimap nga nazlon noagnen tamol ta tea, nga ngadumap ta i naog dal fale iduime." ⁸ Jesus i ipai,"Umais, oina taeg ngalep utoz." ⁹ Buntaimon tamol me tinin gauaige inan taeg biseg itoz. Nal me ubou. ¹⁰ Mewoi Judawain i tamol tinin gauai lak me dipai, " Gazomnen ubou o taeg so yawaze mon." ¹¹ Ge i auadin yabig ibol," Me i kibiniaglak ngan i paiag, oina taig bisap utoz." ¹² Meginge i sodoz depani,"Tamol ite o ipau, Oina taeg bisap utoz?" ¹³ Ge me i tinin gauai lak i so ilong tamol me ite.Jesus tamolai kuzum demademeg, tata dab so depani meg idu ilelak. ¹⁴ Alouge Jesus i temple lon nasig ipai,"Nasi o tini gauai! faun au so upas mon, tea map salan ta funowoi." ¹⁵ Tamol me idug ileg JUda gaz pidin, tamol i kibiniaglak me Jesus. ¹⁶ Mewoi lakoi Juda gaz Jesus dengale duzinen fun denau, i abang me ubou nal lon inau lakoi. ¹⁷ Jesus bo auadin yabig pidin, " Mam dedenganig uzat inauime, nga mai megin mon. ¹⁸ Mewoi lakoi Juda wain i gik dibolge difuniwoi denau, i ubou mon so benenailak, tea, i ibol mai Anut i inan taman, Anut maig dikol i ibol. ¹⁹ Mewoi Jesus auadin yabig pidin,"Malik mok malik, nga ang ngepaiang, Ai i siben abangta so inau oi. Taman inaugmeg nasi ime." ²⁰ Taman Ai o imat, abang i siben inau ime me dangan petengani ime, me dangan petengani ime, I nenazilak menen ta mai petengani woi, melon ang lami izutoi. ²¹ Taman i dimat lak me fungunap dimaispa basnen pinidin ime, megin mon Ai mai tata basnen pinidinoi ibol me pinidin ime. ²² Taman tamol ta so betenai ime, tea betenaeknen uzat me dangan Ai panilak. ²³ meginpe tamol ai dangan Ai bingan dibisawoi, Taman bingan dibisadime lak egin. Me i Ai bingan so bisaime i Taman me Ai inaug iselak mai bingan so bisaime. ²⁴ Malik mok, malik, nga ang ngepaiang, me i nga inag azu ilong, i nga nuag ge ngaselak mai ilonlon malik dedenganeknen bas dangan padalnen betenaek so nasiwoi, tea, matenglonge bas ningon idulelak. ²⁵ Malik mok, malik, nga ang ngepaiang, sain me iduwoi, tea, get idu, melon dimatlak me Anut Ai inan klagun dilongoi, me i dilongdime i bas demadowoi. ²⁶ Taman siben basnen tiwon dangan egin, megin Ai mai panig i mai siben dadon tiwon dangan. ²⁷ Me i ibol ge i batenaek uzat mai inauwoi, i Tamol Ai lakoi. ²⁸ Mewoi lami so bebazemon, sain me iduwoi melon dangan me fadafod lon demadodimelak inan klagun dilong pa, ²⁹ i dipazpa ditasawoi. Me i ditoz gauai lak i basnen oi ditiziauwoi, me i ditoz alanlak betenaeknenoi ditiziauwoi. ³⁰ Nga sibeg dadog abang ta ngenau nen tea, nga ngalongame egin nga ngabatanaingame. Nga betenaik tauzlon, ngebatanaingame, nga sibeg ngalong ngamelak megin so ngenau, tea, me i noag ge ngaselak i inan auan nguzi ngepani ngamelakoi. ³¹ Nga sibeg mon sigianagame tap niag sigianek me malik tea. ³² Ta mado ime i nga sigianagime, me nga ngalong, sigianek melon i nga sigianaglak me malik. ³³ Ang Johanes sodoz apaniwoi totol anauge dilelak, me i azu malikoi sigianilak. ³⁴ Ge nga tamol nadin sigianeklon mon ningog tea, tea azu e ang putimi pasiwoi ngabol ngame. ³⁵ I sul me nanig lelaman mai meg ang sain tap melon jumi isawoi so amoi mon. ³⁶ Ge inag sigianek me Johanes inan nenazi ime. Uzat me nga ngenaup biniwoi. Uzat nga ngenau ngemelak me kabe ibol itase tamolpain langadin lon, me mam i nga nuag ge ngase. ³⁷ Mam ite nga nuag ge ngase lak me ibol itase, ge o i auan so uzi pani, meg i naoun so nasi. ³⁸ Inan azu o bube lon so ien ime, o ilo lon so malik, tamol ite nga nuag ge nasi lak me. ³⁹ Nami kankan me, ang Anut inan azu abazaniwoi, melonpa ang putumi isap sansan bas amadowoi, ge azu e me nga woi ibol. ⁴⁰ Ge ang nga izignen asonen amoi, sansan pe bas madonen. ⁴¹ Nga so ngaboltamol i nga bingag dibisawoi. ⁴² Ang Anut inan ilo panek me, bubumi lon so ien ime. ⁴³ Nga inag Mam nian lon ngase, ge ang nga ingiliag. Ge tamol ta i siben nian lon ise tap me ang anglewoi. ⁴⁴ Ang gazop dodin lamilon malikoi, ge ang bingan ngalekoi tamol tata zidin nen ala ame.Ge ang Anut izinen bingan ujan angale nen me amoi ame? ⁴⁵ So abol mon nga Mam naonen ang azulon ngonoang oi. Me tamol ta i madoime i azulon nuang oi, nian me Moses, ite i gazop i o dinowoi? ⁴⁶ Ang Moses oi lamilon malik tap, ang nga oi mai lami lon malik, aitoi i nga inag azu me ngawoi kankan meg igaze. ⁴⁷ Azu i gazelak me o ilolon so malik tap, o dodin nga inag azu woi ilolon malik oi?"