¹ Sain Jesus ilong Farisia gaz i azu dilong tamolpain gugup malan uyan ingal ge inan megalaum ditase,flaneknen gun dengale Johanes inan megalaum mai nanaza. ² (Ge Jesus i siben so tamolpain so flanalak, inan megalaum gaz i tamolpain deflanalak), ³ I Judia fatu binig Galilia fatu lon itoz ge ile. ⁴ Adun itozge Samaria aten mon ile. ⁵ Ileg Samaria fatulon itase, fatu me nian Sika, i ileg Jakob nanun Josef tan panilak izinen made. ⁶ Jakob inan lof naz melak sazelak, Jesus tazeng yabig isemeg tiwon ngan binig, ileg naz me fun lon matal. Sain me ad lilung. ⁷ Samaria pain ta i naz me siziwoi iseg, jesus i megin ipai,"Naz kin panagpa ngimili." ⁸ Inan megalaum me get dile fatu melon anang didadoi. ⁹ Samaria pain me Jesus megin ipai, "dodin ge o Juda tamol nga Samaria pain naz kin ngepanop miliwoi payag?" ¹⁰ Jesus awan yabig ibol, "Ge o Anut inan zaeng gun me ulong pe ge o tamol ite ipaulak mewoi ulongpe, 'Naz kin panagpa ngimili,' O Gazop i sodoz panip basnen naz me panop miliwoi." ¹¹ Pain awan yabig ipai, "Tamol Uya, o naz yasek nabud tea, lof naz me tig mok. O gazop basnen naz me domten ngalewoi? ¹² O ulonglak me Tamol Uya nama mam Jakob mai nanazi lak, i lof naz e am panamalak i siben nanun gaz mai inan bulmakau dazuk gaz dangan mai naz e dimililak?" ¹³ Jesus awan yabig ipai, " Tamol dangan it gaz i lof elon naz e dimilidime i kulugudin kaza iboloi nazoi dimatoi, ¹⁴ ge ite i naz nga ngapanig imili ime i gazop nazoi faun so imat oi kalagun so kaza iboloi. Ge naz nga ngapanig mili ime me gazop lof naz bubenlon bubuai oi, naz me i sansan bubuai oi ge bas dedenganeknen ngalewoi." ¹⁵ Pain awan yabig ipai, "Tamol Uya, naz me kin panag pa ngimili, faunn nga naz oi so ngamatoi klagug faun so kaza iboloi faun so ngasop naz ngayasiwoi." ¹⁶ Jesus i pain ipai," Ulap uwogpa ina tamol paip elak aso." ¹⁷ Pain awan yabig ipai, "Nga tamol tea." Jesus pain awan yabig ipai, o tiduk ubol o tamol tea. ¹⁸ O tamol 5 mon ngale ge tamol gazo e ngaleg madoume me oina tea, pai ibol oina azu me malik." ¹⁹ Pain Jesus ipai, "Tamol uya, gazo ngalong o profet ta. ²⁰ Am nama mamgaz me did alak ubou denasidime, ge ang abolame Jerusalem panu me i tamolpain dangan imelak ubou denasiwoi. Ite mok i azu malik ibol?" ²¹ Jesus pain ipai, " Pain, o nga ilo lon malik, sain ta isowoi, ang gazop faun so tamamigaz mai bubun alak meg Jerusalem ubou anasiwoi. ²² Ang abang so alonglak mewoi ale meg ubou anasiame. Am me abang alonglak mewoi ubou anasiame. Abangte funoi, tetazek ngalek uzat me Judea fatu lon funinauoi. ²³ Mewoi sain me ise ge sain me get itase, tamolpain dangan i kagin malik Mamlon Uz Gun tiwonlon ubou danasiwoi. Mam i tamolpain menenoi langai ime kagin maliknenoi ubou danasiwoi. ²⁴ Anut i Uz tamolpain dangan i malik ubou danasiwoi, kagin malik Uz Gun tiwon lon. ²⁵ Pain ipai, "Ngalong Mesias isowoi( i Kristus dibol). Sain idu i gazop abang dangan bengten inaup itasawoi." ²⁶ Jesus pain ipai, "Me nga sibegg mon o mai tikibiaitame." ²⁷ Sain me lon mok, inan megalaum gaz dimulge dise. Dangan i kankan gauz ifu abangte funoi i pain me mai dikibiai, ge ta i sodoz so pani, " O abangtewoi ilo ibol?" o " fun dodin ge o pain mai kibiai?" ²⁸ Meginge pain me inan naz yasek nabud binig iyenmeg, imulge panulon ileg, tamolpainn dangan mok pidin dilong. ²⁹ " Asop tamol ta anasi, i abang dangan mok nga nganaulak me sai yanig ibol. Itoz lap tamol e i Kristus tat?" ³⁰ Dangan mok panu fatu me dibinig lol depasig izinen dise. ³¹ Sain me lon mok megalaum gaz i megin depai tamol uya, " Petenganek tamol, o anang wani?" ³² Ge i megin pidin, "Nga anang dangan me ang so alonglak." ³³ Megalaum gaz sebadin mon dukumukom ge dibol, " Itozlap tamol ta anang ngaleg iseg pani?" ³⁴ Ge Jesus pidin, " Inag anang me itei i nga noag ge ngaselak inan ilon ibol me nguzip uzat e pasak wadan ngafanatiwoi. ³⁵ Ang so ikibiaimon, 'Fulei palgen-diyendime anang melaun sain'? Nga megin ang ngapayang, dangan getami bisap melami ilap um anasi, anang ngan malaun. ³⁶ Tamol itei i anang ngaleime , inan naun me ngaleime badlon temani ime, bas dedeangeknen sansan ngalewoi, mewoi tamol i anang ipai imetamol i malaun sain lon anang ngaleime, auzun segoz yaudin isowoi. ³⁷ Mewoi azu me i malik, mewoi ta i ipainen ta i malaun ngalenen. ³⁸ Nga ngunuangpa alap um me lon anang anglewoi, um melon ang uzat so anau. Wozou ta i umm melon uzat danau ge ang alap um melon anang angale." ³⁹ Kuzum mok Samaria fatulon pain me inan azu ladin lon malik, " Azu ngabol lak me ileg ibol itseg dangan dilong. ⁴⁰ Mewoi Samaria tamolpain izinen diseg sodoz dipanig dibol o gazop am mai nal azugen tamadowoi. ⁴¹ Tamolpain gugup malan uyan mok inan azu dilong ge ladin lon malik. ⁴² Painn me megin depai, "Am oina azu me along ge lamalon so malik, tea, am inan azu me along ge am along, tamol e mok tan fatu danganlon tamolpain tatazpa ingaloi." ⁴³ Nal azugen bini meg, aben me binig Galilia fatu lon ile. ⁴⁴ (Ge Jesus siben megin ibol, profet inan fun panulon aben tea.) ⁴⁵ Sain i Galilia fatu lon itaseg, tamolpain Galilianen me yudin mok isa. Fun abangtewoi imai ubou sain uyan Jerusalemnen danasiwoi dileg abang uyan uyan Jerusalemnen inaug iteseg danasi. ⁴⁶ Jesus i faun fatu Kana Galilianen itase, aben melak kubel mangau inaug naz ibulig wain itase. King inan uzat gaten ta inan aikamo majai dangan Kapernam fatulon. ⁴⁷ Tamol me ilong Jesus i Judia fatu binig Galilia fatulon ile, ileg Jesus izinen itaseg ipai ilap inan aikitek kibinewoi kitektamaip imatoi. ⁴⁸ Jesus i tamol me ipai, " O kubel mangau me so nasitap, o gazop ilolon so malik oi." ⁴⁹ King inan uzat gaten ipai, " Tamol uya, usop inag aikitek nasi, tea map imatoi." ⁵⁰ Jesus ipai, " Ula oina ai gazop bas imaisoi." I Jesus azu ibol lak me ilon lon malikge imulge ile. ⁵¹ Sai i itoz ge ilemeg, inan uzatai bagabeg diseg mai naun tazetazeg egin depai, " Oina Ai mug bas imais." ⁵² I sodoz pinidin, "sain pitelon mok aikamo i gauai?" ge awan diabig dibol, noznen sain ad matalain wanlon mayai me ibini." ⁵³ Aikamo taman me ilong sain me lon mok Jesus ipai, "Oina aikamo bas imaisoi." Mewoi ge i Jesus oi ilon lon malik inan tain tawan gaz mai Jesus oi ladin lon malik. ⁵⁴ Sain me lon me Jesus i kubelmangau azugen inau Judia fatu binig Galilia fatu lon ile.