¹ Farasi tamol ta imade, i nian Nikodemus i Judia nadin gaten. ² Tidom ta, Nikodemus Jesus inasiwoi izinen ise, eginipai ibol," tamol uya, am along o gazek mangau, Anut i o nuog use, am along abangabang o naug dangan ditase, tamol isiben so inaup itasawoi, Anut i ilon made tap itasawoi. ³ Jesus Nikodemus awan yabi egin ipai ibol, "malik nga o ngapau, tamol ta i faun so inaumuglak i Anut inan kingdom lon so idulawoi". ⁴ Nikodemus egin sodoz inau, "tamol i dodinpa faun inaumugoi?" ⁵ Jesus egin ipai ibol, "malik mok,tamol nazlon Uz inan yalon faun so inaumug lak i Anut inan kingdom lon so idulawoi" ⁶ Abangte me tinin inan inaulak me tinin inan, abangte me Uzgun lon me uz inan. ⁷ O so uzut mon azu nga ngepau lak mewoi, 'ang faun nuang mug oi.' ⁸ Tim i poali ime, aben domten ilanen megin ilaime. O tim inan lingan mon ulong oi ge domten iseg ilaimelak o so nasiwoi. Megin mon tamol itei i faun uzlon inau muglak. ⁹ Nikodemus azu awan egin yabi, " Abang me dodin mok i tasawoi?" ¹⁰ Jesus awan yabig ibol, "O Israel nadin gazek mangau, dodin ge azu ngapaulak me O so ulong?" ¹¹ Malik nga o ngapau, am abang alonglak mewoi ikibiaiame, ge am abang anasiamelak mewoi abol ame. Ge ang lami lon so malik am abangte ikibiaiame. ¹² Tan inan abang abang oi apaiag lak ang lamilon so malik, megin tap didnen inan abol pa ang lamilon so malik oi? ¹³ Tamol ta i didlon so ile lak, Tamol ite i didlak ge idulak imon i Tamol Nanun. ¹⁴ Get Moses i fatu udau lon mot bise itaselak egin, kagin i fun taimon. Tamol ai megin dibisap itasawoi. ¹⁵ Tamolpain dangan i ladinlon malik map, i bas dedenganeknen dengalewoi. ¹⁶ Anut i panupanu wain oi gaug mok imatlak, mewoi inan ai taimon mok ipinidinlak, tamolpain iladinlon malik map iso dipadaloi ge i putidin isap sansan pe bas dingalewoi. ¹⁷ Anut inan Ai Jesus Kristus inaug idu iselak i tamolpain alan so pinidinoi tea tetazpa ingaloi. 8 Tamol ta i Anut ai ilon lon malik ime, i so padaloi ge tamol i me ilon lon so malik, i gazop dadaloi funm me, Anut ai taimon mok nian me ilon lon so malik. ¹⁹ Kot inan fun me megin lelaman i tanfatu elon ise. Ge tamolpain i mafuzoi ladin ibol lelaman me dimoi. ²⁰ Tamol ta tan e lak so tauz, dangan aupasek wain. Lelaman dimoige i lelaman izinen so dise. Mewoi ge i dimoi nadin aupasek me bengten itasawoi. ²¹ Ge tamolpain kagin malik mon duzidimelak i lelamanlon demadowoi, tamolpain ainta i deil pa dilongoi Anut inan ilon ibol me duzi depanidime. ²² Abang me so nasimeg, Jesus megalaumgaz mai Judia nen dile.Melak dimade meg tamolpain flaneknen gun dengale. ²³ Sain me Johanes mai tamolpain flanalak panu Ainon Salim izinen, fun me naz gauz mok melak. Tamolpain izinen diseg iflana. ²⁴ Sain melon Johanes i nimapauk abenlon so ilemeg lon. ²⁵ Sain me lon azu buzun ta itase Johanes inan megalaum langadin lon meg Juda wain ta nadin kaginlon siben isug ge tinin ikibine. ²⁶ Dimais ge dileg Johanes dipai, Gazek mangau, tamol o mai Jodan naz aintanen amadelak me o i woi am payamalak me tamolpain flanaime, tamolpain kuzum mok izinen diladime. ²⁷ Johanes awan yabek egin ipinidin, tamol ta abang se so ingale woi tea, abang didnen pinidin. ²⁸ Ang sibemi along azu ngepaing, nga ngamug ge ngase. ²⁹ Tamol ite pain ngaleime, imon me e pain me inan tamol, ge tamol tizan me tiuz ge i pain ngelaknen azu me ilong ge buben yaun isa. Me inug inag bubeg yaun dangan. ³⁰ Nian me bengten naup itasa nga niag me paze idu. ³¹ Tamol ite me didlak ge idulak, i tamol dangan nenazalak. Ge tamol ite tan e wain, i tan wain. Mewoi i tan inan kanginoi dikibiai oi. Tamol i didlak idulak i tamolpain fodinlak madowoi. ³² I gazop abang ilonglak inasilak me kibiaioi, ge tamol i azu ibol lak me ladin lon so malikoi. ³³ Tamol Anut azu ilon lon malik i ibol oi Anut malik mok ibol. ³⁴ Tamol me Anut inaug iselak, Anut azu flale.Anut i inan uz me ilon fofoklak. ³⁵ Anut inan ai taimon oi gauz mok imat ge i abang dangan nimanlak idizi. ³⁶ Tamolpain i Anut oi ilon lon malikime, i gazop bas dedenganeknen dengalewoi ge tamol i Anut ai inan azu miz panitap, i gazop bas dedenganeknen so ngalewoi tea. Anut inan buzun me i mai sansan pe.