¹ Nal tol binimeg, ngalek ngalek inan nal uyan ta kana nen Galilia fatu lon idu, ge jesus tinan mai melak demade. ² Ya fun i Jesus inan megalaum gaz mai wigidin imai ngalek ngalek melon disowoi. ³ Saen wain ibimeg, Jesus tinan ipai, " Ya fun inan wain ibini." ⁴ Jesus tinan ipai," me nga inag uzat tea, nga inag uzat sain gazogime." ⁵ Jesus tinan, uzat tamol pidin, "abangte azu piangime ang megin uzip anau". ⁶ Naz yasek nabud six mon dien, me Juda nadin kagin lon me disugdimelak, nabud taitai lon naz me 120 lita ienime. ⁷ Jesus uzat tamol pidin nabud me dangan naz ajasi, ge auan duzig nabud me diasig auanen. ⁸ Jesus uzat tamol pidin kin jasip alap ya fun apanip batanai, ge i kitek ta dingale dile. ⁹ Ya fun i naz me ibetanaig bulig wain itselak me , ge ya fun i so ilong wain me domten ge ise, uzat tamol i dilong i naz bas diasi ngalek ngalek gaten wagig. ¹⁰ I egin ipai, " Tamol i wain gauai me imug meg lo diwai dime, wain gauai me gat dimilip, aloupa wain salan me pinidin oi. Ge o wain gauai me fanatig ien, gazo e mok o wain gauai me naug ise." ¹¹ E me Jesus inan mangau fun inau Kana Galilia nen, meg siben nian inaug bengten itase, megalaum gaz mai ladin lon malik. ¹² Me uzig Jesus inan tinan inan tain gaz meg megalaum mai Kapernam nen melak didug nal aenta melak dimade. ¹³ Nal uyan Juda nadin Pasa ngalek nal me siziz mewoi Jesus i Jerusalem nen ile. ¹⁴ Jesus temple lon iduleg tamolpain abang abang didad ile ise meg il, dazuk ma abang meg gangmalan pualek tamol gaz mai il dimatal. ¹⁵ Jesus i waz ta ingaleg melon mol titui inaug tamolpain dangan kudua temple lon nadin ma dazuk mai gangmalan tebol mai potoloanig bengten didu. ¹⁶ Ma dadeng tamol pidin abang abang me elak apas nga inag mam inan ab me dadeng so anau mon. ¹⁷ Inan megalaum gaz, gazek ta buk lon ien ime lak, me ladin isou Anut sai lon egin ibol, "Nga oina ab ilog mok ibol."Ab me ien gauai oi nga uzat gauz ngenau. ¹⁸ Juda gaten gaz azu me dilong ge , i sadazek ta depanig dibol, " O bagoz abangte mok naup, me am alongoi me malik, Anut o nuog use uzat me nau oi?" ¹⁹ Jesus awadin yabig megin pidin,"Temple me pitinginip idup nga nal tolgen lon faun ngesase mug oi." ²⁰ Juda gaten gaz dibol,"A temple me umaz 46 lon asase, ge o ubol, o gazop nal tolgen lon faun mug sasewoi?" ²¹ Jesus i Jerusalem temple oi so ibol, tea me siben tinin oi ibol. ²² Alouge inan mateng lon bas imais ge, inan megalaum gaz ladin isou Jesus inan azuoi, ge Anut oi ladin lon malik, Kristus Jesus oi mai ladin lon malik, i mangau mangau inau lak mewoi. ²³ Jesus i Jerusalem nen made pas nal uyan lon, tamol pain gauz Kristus nian oi ladin lon malik, inan uzat mangau mangau inau lak mewoi. ²⁴ Ge Kristus Jesus iwoi ilon lon so malik, aitoi i get nadin kankan me ilong. ²⁵ I siben kankan fun, ta i kankan paninen tea, i nadin kankan me dangan get ilong.