¹ Bomonmon nal wan inan wiklon, sian mafuz ijemeg, Maria madgalena fadafodlon iseg malan ileg pat dalauan fadafanalilak me so ijen meg nasi. ² Mewoi palug imul ileg Simon Petrus meg Meglaum Jesus iwoi gauz mok imatime, Maria megin pidin, "Tamol ujan get fodafodlon depasi id so talong dengaleg aben domtenlon dile." ³ Petrus i Meglaum me mai bengten didug dapaleg fodafodlon dile. ⁴ Auzen dapalu taimon ge, Meglaum ta i palug Petrus nanazig fodafoglon itase. ⁵ I gaten bini idug malan ilonnen iduleg jamel tinin dupuzilak me mon nasi, ge ilonnen so idule. ⁶ Simon Petrus alouge iseg nanazig fodafog ilonnen idule. Jamel Jesus tinin dupuzilak me mon ijen meg nasi. ⁷ Jamel boita gaten dapaug ijenlak. Jamel boime jamel aenta mai dienmeg so inasi, Jamel me siben ipuzig kabe mok meg ijen. ⁸ Meglaum ta iget palug imul ge fodafoglon ile lak me, imai idule. Malan abang me nasig ilonlon malik mok. ⁹ Sain melon, i azu gazek buklon ijenlak me inan fun me so dilong Jesus igazop matenglon idup faun imaisoi. ¹⁰ Mewoi Megelaum faun dimulge ablak dile. ¹¹ Ge, Maria i fadafog izinen i tameg made. Sainitameg, ibini idug malan fadafoglon idule. ¹² I engel azugen jamel kabazan dangan dematalmeg i l, ta i gaten fun tainien fun get Jesus sasanun ijenlak megin mok demade meg i l. ¹³ I egin depai, "Pain, abang tewoi utaume?" Ge i egin engel pidin,"Ta diseg ngainag Ujanzen dangaleg ile, na so ngalong dangaleg aben domten denau." ¹⁴ Sain i azu me ibol binig, idangseg Jesus tiuzmeg inasi. Ge i so ilong me Jesus. ¹⁵ Jesus ipai, "Pain, abangtewoi? O it bazaniume? "Maria i ilon se ilonle ium tizinek tamol tat, Mewoige megin ipai, "Tamol Ujan, O ngalep uletap, pajag ngalong aben domten naulak, nga gazop ngalep ngalawoi. ¹⁶ Jesus idangseg ipai, "Maria " Ge Maria i idangseg Hebrea azulon ipai "(me fun, "Petenganek"). ¹⁷ Jesusipai, O nga so biagmon, nga mam izinen so ngalangame, ge o ulap nga taig gaz megin pidin, nga gazop latnen Mam izinen ngalawoi ge me angnami Mam mai, i ngainag Anut ge i angnami Anut mai. ¹⁸ Maria Magdalena imul ileg megelaum gaz sai pinidin, "Nga Ujanzen get nganasi," ge i Jesus azu ipailak saipinid. ¹⁹ Yuza, sain melon nal wan inan wikwanlon, meglaumgaz i abdalauan dafanati gagaun mok fun me Juda woi dizez. Sain melon Jesus iseg langadinlon itiuz ge megin pidin, "Bubumi mazoz dangan amado. ²⁰ sain i azume ibol binig, i niman tituilon dazailak me petengana meg gazangen julon dasailak me mai petenganag danasi. Sain Magalaum gaz i inadin Ujanzen malik denasig i judin gauz mok isa. ²¹ Jesus faun mug egin pidin, "Bubumi mazoz dangan amado, Mam inga noagge ngase, megin mon, nga ang ngunoangpa alawoi." ²² Sain Jesus i azu me ibol binig, Uz wipinidin ge ibol, "Ang Uzgun angale. ²³ Ge ang tata nadin aupasek pasitap, Anut i nadin aupasek pasiwoi,ge ang aupasek me so pasitap, nadin aupasek me ijenoi." ²⁴ Tomas, nian ta me Didimus, i meglaum 12 me ilonnen , i mai so demademeg Jesus zidinen itase. ²⁵ Alouge megelaum aenta dapai, "Am Ujanzen anasi." Tomas pidin, "Ge nga titui aben nimanlak so ngenasitap, niman tikun titui abenlon so nganau tap, nimag gazangenlak so nganautap, ilon lon so malikoi." ²⁶ Nal 8 binimeg Jesus imai megelaum faun abilonnen demade, ge Tomas mai demade Jesus mitian iseg langadinlon itiuz ge imade sain dalauan fanatig itauge ijen meglon." ²⁷ Ge Tomas egin ipai, "nima tikun watep isop nimag sai nasipe, nima watep isop,gazangeg sai nasipe O so ilo se ilole mon, ge ilolon malik. ²⁸ Ge i Tamas auan jabi ibol, "O ngainag Ujanzen Anut." ²⁹ Jesus ipai, "Gazo o nga nasagge ilolon malik tamol i nga so danasaglak me i ladinlon malik, tamol menen me segauz i judinisa. ³⁰ Jesus i kubel mangau kubel kubel inau sain i inan meg laumgaz mai demademeg i denasi, ³¹ ge azu e dangan dagazelak me ang Jesus Kristus lamilon malikoi i Anut Nanun Ai. Mewoi ang lamilon malikime, ang ilon bas dedenganneknen ang alawoi i nianlon.