¹ Abang me dangan wadanlon, naltag Jesus i siben Taiberias mas langten meglaum zidinen siben boboloanig bengten itase. ² Saimon Petrus i Tomas Didimus mai deblanidime , Natanel kanawain Galilianen, Sebedeus inan ai azugen meglaum azugen tamai detemanig demade. ³ Simon Petrus ipidin, "Nga ijoi ngauoi." Ge i dipai, "Am mai omai talawoi. I bun taimon dileg wagtalak diduse. Ge tidom me ij ta so dengale. ⁴ Sesalinen meg, Jesus langten abuzlak itiuz meglaum gaz i so dilong me Jesus. ⁵ Ge Jesus ipidin "O nanugaz ang abang ta taninen ijenime ?" Ge auan diabig dibol, "Tea" ⁶ I ipidin , "Kakang angalep wag tinin wanglon tanip, ij angalewoi."Kakang faun mug datani ij dengalenen mai tea, kakang mug ij auanen. ⁷ Meglaum me Jesus iwoi gauz mok imatime me Petrus ipai, " Me Ujanzen siben." Sain Simon Petrus ilong me Ujanzen, (inan yamel melain uzatoi pasig ienlakme) ngaleg tabub ge maslon sisug idu. ⁸ Meglaum aenta waglak demade lak, me fun daunag kakang ij dangan dazaeg dublak diduse, ilang izinen demade fut 300 mon. ⁹ Sain i langten diduseg, ya tuneklak nanameg denasi ij ta get nanag ien meg denasi, sepalang boi ta mai. ¹⁰ Jesus megin pidin, "Ij gazomnen e angaleklak, me ta angalep aso.". ¹¹ Simon Petrus iduseg kakang izailak ij ujan mon kakang auanen, ij 153 mon ge kakang kin so tetazi. ¹² Jesus pidin, " Asop anang angale." Dangan dizez meglaum ta sodoz paniwoi so inau, "O ite?" I get dilong me, Ujanzen siben. ¹³ Jesus iseg sepalong ij mai ingaleg pinidin . ¹⁴ Eme mug sain tolgen Jesus i siben meglaum gaz zidinen itase sain i malenglon ge imaislak lon. ¹⁵ Anag dianidibinig, Jesus i Simon Petrus ipai, "Simon, Jones inan ai, oi oilo panagume aenta egin tea? Petrus ipai, "Ai Ujanzen, o ulong nga owoi ngamat ngame." Jesus ipai, "Ngainag belelek nanun gaz kabe futua." ¹⁶ Jesus faun mug sodoz pani, "Simon Jones inan ai, O ngawoi umat?" petrus auan jabig ipai, "Au Ujanzen, o ulong nga owoi gauz ngamat ngame. Jesus ipai,inag belelek tizina gauai." ¹⁷ Jesus Petrus sodoz pani sain tol, "Simon Jones inan ai, o ngawoi umatume?" Petrus ilon muzuan, fun me Jesus i sodoz tolgen ipani, "ongawoi umat?" Petrus Jesus ipai, "Ujanzen abang dangan ulong, O ulong nga owoi gauz ngamat ngame Jesus Petrus ipai, "Inag belelek gaz futua gauai." ¹⁸ Malik mok nga o ngapau, sain o ai faun ge, O sibe metagiz nuleg ulawoi ubol. Sibe mais ge ulelak o dinou unaumap, O oina nima watep ai ta metagiz nula paniwoi, panu o so ulawoi ubollak nen ulawoi." ¹⁹ Jesus azu Petrus ipailak me i gazop mateng inan bazoz kubellon iduoi me Anut binganoi. Azu me ibol binig Petrus ipai, " Uzagpa uso." ²⁰ Petrus idangseg meglaum Jesus iwoi gauzmok imat imelak me uzi-imon Jesus gazanenlon ien sain i anang dianimeg, ibol, "Ujanzen, iti o agez nemadinlon nuowoi?" ²¹ Petrus nasimeg Jesus ipai, "Ujanzen , tamol me abangte inauoi?" ²² Jesus ipai, "ge nga ilon me i mademap sain nga ngamulpa ngasowoi, ge meoina abang ne? O nga uzag." ²³ Azu me segauz nga taig gaz zidinen ila megin, meglaum me gazop so imatoi. Ge ibol, "Ge ilong ibol iso imatoi mademap sain nga ngamulpa ngasowoi, ge me oina abang ne? ²⁴ Meglaum ngan e iabang e sigianig madoime igaze mai. Id talong inan sigianek me malik. ²⁵ Abang kuzum ta mai Jesus inaulak, medangan gaze map ilog ngabol buk kuzum panupanu fuamoi.