¹ Pilatus ibolge Jesus dangaleg dileg mol tituilon dupututi. ² Opasgaz i faiaglon talit dipizig gatenlak dimule dapani, meg jamel dangan dunule depani. ³ Diseg dizan dewai," O adgauai e depai, Juda nadin King!" ge dufuni alan. ⁴ Pilatus imul bengten idug pidin, "Nasi, tamol e nganaug ziminen bengten idu ang me anasi i tininlak aupasek ta so ngenasilak. ⁵ Ge Jesus mug bengten idu, faiag talit dipizig gatenlak dunuleg King inan Kitikat egin. Ge Pilatus ipidin, "Gazo e tamol e ansi!" ⁶ Sain Waling gaten gaz opasgaz mai i Jesus denasi, auadin ujanlon diwog ge dibol, "Yakebazeklak zai mok zai, Yakebazeklak zai mok zai!" Ge Pilatus ipidin, "Sabami angalep alap Yakebazek lak azai, nga inan aupasek ta so nenasi. ⁷ Judagaz i Pilatus auandiabig dibol, "Am kibeng ta dangan, kibeng me ibol gazop imatoi, fun me, i siben ibol i Anut nanun Ai." ⁸ Sain Pilatus i azu me ilong ge i gauz mok izut izez, ⁹ ge faun mug imul batanaek ablon iduleg Jesus faun sodoz pani, "O aben damtenlon use?" ge Jesus auanta so jabi. ¹⁰ Alouge Pilatus i Jesus ipai. "Abangtewoi o nga so pajag? O so ulong nga tiwog dangan ngipisiop ulawoi, nga tiwog dangan Yakabazek lak ngiziowoi?" ¹¹ Jesus auan jabig ipai, "Ge Anut i tiwon o so panotap, o nga so tizinagoi. Mewoige tamol ite i nga ngiliag ge o nimalak inaulak i tinin ya dangan, oina aupasek mai nanazilak." ¹² Jesus inan auan jabek danganlon, Pilatus ibatanae Jesus pasip ilawoi, ge Judagaz auadinlon ujanlon dibol, "O tamol pasip ile tap, O sisa inan tizan tea tamol e ibol isiben me King, i Sisa inan agez. ¹³ Sain Pilatus azu me ilong , i Jesus duduzig bengten didu. Pilatus i batanaeknen pezatiulak matal, aben me nean "Aten". Ge Hebrea azulon, me "Gabbata dibol." ¹⁴ Gazo nal e me sain ujan idunenoi Pasa inan naloi abangabang dikibinewoi, gazo sain eme ad-lilung. Pilatus i Judagaz megin pidin, "Ang anasi, ie eme ang nami King?" ¹⁵ Dangan diwog ge egin dibol, "Pasimok,pasip ilap, Yakebazeklak ngazai woi?" Waling auan diabig dibol, "Am King ta tea Sisa mok." ¹⁶ Ge Pilatus i Judagaz Jesus dazaiwoi pinidin. ¹⁷ Ngan Jesus dengaleg bengten denau, siben inan Yakebazek joazeg, itozge aben "Lasen dile," Hebrea azulon "Golgata dibol." ¹⁸ Jesus melak Yakebazeklak dazai tamol azugen ta mai, tamolta wanglon tamolta ngaslon Jesus i lilunglon. ¹⁹ Pilatus ibolge azu ta dangan gaten funlon danau. Azu dagazelak me megin, 'JESUS NASARET WAIN, JUDA NADIN KING' ²⁰ Judagaz dangan mok i azu me dusuti, oitawoi, aben Jesus dazailak me panu izinen . I azu boi dagazelak me, Hebrea azulon, Latin azulon me Grik azulon. ²¹ Alouge Juda nadin Waling gaten i Pilatus depai, "O megin so gazemon, 'Juda nadin King , 'ge o egin gaze, 'Tamol e ibol, "Nga Juda nadin King," ²² Pilatus auadin jabig ibol, abangte me ngangagze me ngagaze. ²³ Opas i Jesus dazai dibinig, inan yamel dangaleg dabasasalig boi palgen itase Opas taitai i jamel boi taitai dingal . Ge inan yamel melain me sitek tea ²⁴ sabadin langandinlon dikibiai, "Inan siket me so tabasasaliwoi, melon gangmalan egin tititip tenasiwoi. "Danaug itaselak me Anut azu ibollak me nigon inauoi. ²⁵ Ge opasgaz i kagin me denau. Sain melon Jesus tinan, meg Jesus tinan inan liun, meg Maria Kolapas inan pain me Maria Magdalena, pain wozou me Jesus inan Yakebazek funlon ditiuz. ²⁶ Sain Jesus i tinan nasig inan Meglaum iwoi gauz mok imatime me mai nasi, izinen ditiuz ge demademeg, ge tinan megin ipai, "Pain , nasi, ie eme oina, ai!" ²⁷ Alouge meglaum me ipai, Nasi, ie eme oina tina!" Sain melon Meglaum me Maria duzig ablak dileg itizini. ²⁸ Alouge, Jesus ilon uzat dangan nganaug iseg ibini, me Anut azu ta ibollak me ningon inau, megin ibol, "Klagug Kazaibol nazoingamat." ²⁹ Bod ta i naz mimin dangan melak ijen, nasi i mames toklak dasaeg dubuig auanlon denau. ³⁰ Sain Jesus i naz mames dangan me milig, egin ibol, "Ngan ibini" Gudun tagoz idug imat. ³¹ Sabat nal ujan inan sain ge abang abang dikibine, mewoi Judagaz i Jesus tinin me Yakebazeklak so ikuk pa megin ijenoi. Fun me, Sabat inan nal me ujan mok . Ge Judagaz i Pilatus sodoz dapani i gazop Yalak dikuklak me niadin ditisina idup pasak dimatpa dipas tanlak dinauoi. ³² Opas diseg tamol imuglak me nien ditisini tamol ta mai nien ditisini, auzun Jesus mai Yalak dikuk taimon. ³³ Sain Jesus izinen diseg, denasilak me i get imat, mewoi ge nien so ditisini. ³⁴ Opas ta i ju ngaleg Jesus gazangen mok isaig ibolae daz naz,mai Waling idu. ³⁵ Tamol it i abang nasilak, i ibol itase, eme malik mok i siben ilong azu ibollak me i malik mok, mewoi ang mai lamilon malik. ³⁶ Abang ditasadimelak me Anut azu me nigon inauoi, "Tinin inan dogta so mok sugewoi. ³⁷ Anut inan azu aenta mai ibollak, I gazop tamol me denasimap dasaiwoi. ³⁸ Abang me dangan ditaseg wadanlon, Josef Arimata wain, i Jesus inan megalaum, Judagazoi izez ge kukumlon mon, ileg Pilatus sodoz pani Jesus inan Sasanun me ngangalewoi. Pilatus gauai e ipai. Mewoi Jesus inan Sasanun me ngaleg ile. ³⁹ Nikodemus mai ise, get tidomlon Jesus izinen itase. I moz gazek zungan gamun inan muzuan 100 paun egin ngaleg ise. ⁴⁰ Jesus sasanun me jamel lon dupuzig moz gazeng lon bala dapani,i Juda nadin Kagin lon danau tamol imatpa dapaewoi. ⁴¹ Panu izinen Jesus i kuklaklon, um to ijen, um melon me fadafod faunta ijen tamolta imatge melon so denaulak. ⁴² Me Pasa inan sain ujan mok iduwoi juzamelon ge fadafod mai iziknen ijen . Mewoige inan sasanun iziknen melak danau.