¹ Jesus i azu me ibol binig i malan biseg tim tain lon ile meg ibol, "Mam sain mug ise. O bingan Nanu Ai paniwoi map nanuai i o bingan panowoi. ² Megin o tiwon dangan pani i tamolpain dangan tizinawoi, melon i bas dedenganeknen sansan tamolpain gaz dangan pinidin oi o i panilak. ³ Bas dedaganeknen sansan me egin, i o woi dilong oi megin o mon o Anut mok, meg o Kristus Jesus naug ise. ⁴ Nga tan elak o bingan ngepano, meg uzat ngenounen o panaglak me dangan ngenoug ibini. ⁵ Gazo, Mam, bingan panag o nga mai izinen, megin bingan o nga mai lak ien sain abang dangan get so dien meg ⁶ Nga o nia tamolpain e ngepatangana, O nga tan e panilak . E me oina tamolpain, meg o i nga tan e panilak i oina azu diabi gegaun. ⁷ Gazo i get dilong megin, O abang dangan nga panaglak me o izinen ge ise. ⁸ Azu o panaglak me, nga i ngipinidin, i azu e dengaleg ladin lon malik mok, mewoi i dilong nga o mai temadego nuag ge ngase. ⁹ Nga i woi ngagod. Nga so tannen tamol oi ngagod, ge nga tamolpain o panaglak mewoi ngagod, me i oina tamolpain gaz mok. ¹⁰ Nga inag abang dangan me oina, meg oina abang dangan, me nga inag, mewoi nga ilon bingan ngengale. ¹¹ Nga tan elak so ngemado malain oi, ge tamolpain e tanlak dimadowoi meg nga o izinen ngasowoi. Mam, O Gun, tizina o nialon, nian me o nga panaglak mewoi i wozou taimon egin demade woi egin id taimon temade. ¹² Sain i mai ngemade meg, nga i ngitizina nian o panaglak me tiwon lon, nga i ngitizinag inadin ta so ipadal. Ge ai kitek ta iduse alan lon idunen, i mon ipadal gazop azu Anut inan gazeklon me malik oi. ¹³ Mewoi nga gazo o izinen ngase, ge nga azu e tanlak ngabol abangtewoi, nga bubeg gauai me ilon uyan. ¹⁴ Nga oina azu ngipidin, mewoi tannen tamolpain i woi agez, abangtewoi i tan e inan tea, megin nga mai, nga tan e inan tea. ¹⁵ Nga so o ngisidizio i tan elak upas oi, ge nga o izinen ngagod i tizinawoi megin tamol salan i so pitiginawoi. ¹⁶ I tan e inan tea, megin nga mai,nga so tan e inan . ¹⁷ unaup ikok ditasa megin o ina tamolpain egin oina azu malik lon, abangtewoi oina azu me malikmok. ¹⁸ Funtaimon megin mon onga nouag ge tan lak ngadu, megin mon nga i ngenau dilap tan e inan tamolpain mai demadowoi. ¹⁹ I dineknen oi, nga inag bas dangan o ngepano gazop i oina tamolpain mok ditasawoi. ²⁰ Nga tamol e woi mon so ngagod. Tea, nga ngagod tamolpain ainta gaz oi i ngawoi ladin lon malik oi sain i azu auadin lon dilong pa. ²¹ I segauz tamolpain gaz taimon egin ditasawoi, egin o Mam nga ilonnen , meg nga o lon. Meg nga egin ngagod, i id lon dimadowoi, mewoi tannen tamolpain i ladin lon malik oi megin o nga nouag ge ngase. ²² Bingan o mug nga panag, me nga i ngipinidin, gazop i tamolpain taimon gaz egin demadowoi, egin id taimon temade. ²³ Nga i lon ngemade, meg o ngalon made, map i wuzou taimon mon ditasawoi. Dal e lon tannen tamolpain i dilong oi o nga noug ge ngase, meg o i woi umat megin o nga woi umat. ²⁴ Mam, wuzo e o nga panaglak, me egin ilog ibol, i segauz nga mai demadowoi, aben domtenlon nga ngemado ngame melak, map i segauz ngainag tiwog o panaglak me i denasiwoi. Abangte woi, O ngawoi umat sain abang dangantan elak so ditase meg. ²⁵ Mam gauai, tamolpain tan inan o woi so dilong, ge nga awoi ngalong meg nga inag wuzou e i dilong o nga noug ge ngase. ²⁶ nga mug o nia ilon bengten ngenau, mewoi nga mug gauz ngenou oi, megin pa i kagin tawoi umat me dingalewoi egin o ngawoi umat, map nga imai segauz amadowoi.