¹ "Nga azu e ang oi nganou, megin pa ang nami lamilon malik so biniwoi. ² I ang Juda nadin ubou ablon dipisiang oi. Malik mok sain itase, tamol i ang funang amat oi, kagin e woi, i kankan egin dinau, i anut inan uzat gauai dinou. ³ I kagin e nen angoi dinou oi, abangte woi, i mam so dilong meg nga oi so dilong. ⁴ Nga abang e woi ang ngepaiang, sain abang e ditasawoi ang lami isowoi azu nga ang ngipaiang lak. Nga ang get so ngapaiang abang e woi, abangtewoi nga ang mai tamade. ⁵ Ge gaze nga mam izinen ngalawoi. i tamol nga nouag ge ngase, ge angnami ta so sodoz ipanag, "O domten ulawoi?" ⁶ Ge nga abang e woi ngepaiang mewoi ang bubumialan lon mok. ⁷ mewoi ngapaiang nga ngalawoi, abangtewoi me ang nami gauainen oi . Ge so ngalaptap, Dineknen tamol ziminen so isowoi, ge nga ngalatap, nga i nganoup ziminen isowoi. ⁸ Sain dinek tamol isop, i tannen tamolpain nadin aupasek bengten inauoi, map kagin gauai petenganadoi,Anut inan pleneknen mai. ⁹ i aupasek bengten inau oi, abangtewoi, tamolpain i iwoi ladin lon so malik. ¹⁰ map i kagin gauai petenganangoi, abangtewoi nga mam izia ngalawoi ang nga faun so nasi oi. ¹¹ map i Anut inan pleneken petengangoi, abangte woi tan e inan gaten i get pleneknen lon ituz. ¹² nga abang gauz ang ngepaiang nen dangan, ge ang. ¹³ Ge sain Azu malik inan uz isop, i gazop ang nami nami ulum azu malik dangan lon, abang tewoi, i siben oi azu so ibol oi. ¹⁴ I nga bingan panagoi, abang tewoi, abangta nga ngenau me ang petenganangoi map ang oi flale oi. ¹⁵ Abang dangan mam dangan me nga inag mon, mewoi azu malikinan uz i abang nga inag me ingal pa ang palangoi. ¹⁶ sain lilung kitek ta ang gazop nga so nasagoi. Mewoi ge, sain lilung kitek ta aloupa ang nga faun nasagoi. ¹⁷ Mewoi ge megalaum gaz ainta langadilon egin dibol, "Azu dodinta id oi inau egin , "Sain lilung kitek ta lon so anasagoi.'" meg "sain lilung kitek ta aloupa ang nga faun nasagoi, map abangte woi, nga tamag izin ngalawoi." ¹⁸ meg, i faun egin dibol, "Azu dodin ta ibol, sain lilung kitek ta? Am so along i abangtewoi ibol ime." ¹⁹ Jesus i megin inasi, i sodoz gauz mok i woi mewoi ipidin, "Naup ang sabamilon sodoz panag abang nga ngepaiang lak mewoi, 'Sain lilung kitek ta lon ang nga so nasag oi, ge sain lilung kitek ta aloupa ang nga nasagoi'? ²⁰ Malik mok ang ang ngapaiang, gazop ang atap auami ujanoi, ge tannen wain Juan isawoi. Ang lami alan dangan madowoi, ge lami alan me bulip jaumi isawoi. ²¹ Pain i ai duziwoi i gadon izoznen ujan dabpani, abangte woi ai duzek sain itase. Ge sain i suzuwai binig, i ilon faun so isou izoznen oi, abangtewoi i jaun ujan isa i ai duzilak tan e lak. ²² Ang mai lami alan dangan madome, ge nga ang faun ngenasang oi, map ang lami faun mug gauai oi.Aita i ang lami gauai me pasinen tea. ²³ sain me lon ang faun mug nga sodoz so panag oi. Malik mok nga ngapaiang, ge ang mam abang tawoi sodoz apaninga niaglon i ang panagoi. ²⁴ Isag gazomnen, ang nga nialon abangta woi sodoz so anau. Am sodoz anau mok, map ang ngalewoi, pa ang lami gauai mok ien oi. ²⁵ Nga azu e ang oi ngaflale azu fanganlon, ge sain siziz nga faun so azu fangan ngapaiangoi. Tea, nga mam oi bengten ngabol alongoi. ²⁶ Nal melon ang nga niagoi sodoz anauoi, meg nga so ngabol nga angoi. mam izin ngagod oi, ²⁷ tea, Mam i siben ang oi imat, abangtewoi, ang ngawoi amat meg lamilon malik megin nga izin ge ngase. ²⁸ Nga Mam lon ngaseg tan elak ngetase, ge faun, nga tan e ngibinip mam izin ngamul oi. ²⁹ Inan Megalaum egin dibol, "nasi," o gazo bengten mok ubol o faun so azu fangan ubol. ³⁰ Gazo am along o abang dangan oi ulong, mewoi ta tea i iduse o abang ta oi sodoz ipanou oi. fun mewoi am along o Anut izinen ge use. ³¹ Jesus i auadin egin jabi, "Gazo ang ngawoi lamilon malik?" ³² Nasi, sain mug siziz, au, malik mok sain get itase, map ang au daladaloi, nami abang dangan mai, maeg nga sibeg binagpa ngemadowoi. Ge nga sibeg so ngemadowoi, Abangte woi, Mam i nga mai madoime. ³³ Nga azu e dangan ang oi ngabol i ang mazoz panang madowoi nga lon. Tan e lak ang muzuan kubel kubel dangan oi, ge ang atuz gegaun, abangtewoi, nga tan e tiwon get ngenanzi.