¹ "Nga sibeg wain fun ningon, meg nga Tamag i wain fun inan um." ² I ya zain ngalak ningon so inouime lak me pasiime, i ya zain i gustap kibinep faun pa i ningon gauz inou oi. ³ Ang get nuag faun, fun me ang azu along nga ang oi ngeflalelak. ⁴ Ang nga lak sabate, map nga ang lak sabate woi. Ya zain i siben ningon so inouoi sain i wain ya lak so sabate tap. fun taimon megin, ang ningomi gauz oi sain ngalak sabate lakoi. ⁵ Nga wain ya egin, ang wain ya zain egin. tamol ta i nga lak sabate map nga i lak tap, i ningon ujan mok inauoi. ge ang nga lak so sabate tap, ang abang gauai ta so anouoi. ⁶ Tamol ta i nga lak so sabate tap i gazop ya zain makaz egin ditaniwoi, i ditanip ya lon idulap inanap bini mok oi. ⁷ Ang nga lon sabate map nga inag azu anglon dangan tap, mewoi ang abang oi lami ibol tap sodoz anau map ang ngalewoi. ⁸ kagin e lon pa nga taman bingan ngalewoi. Ang ningon i gauz oi meg inag megalaum oi. ⁹ Mam i ngawoi imat megin nga ang oi. Mewoi ge ang nga inag ilog bubeg me ilon amado. ¹⁰ Ge ang nga inag Kibeing uzitap, nga inag ilog bubeg ilon madowoi megin nga mam inan kibeing nguzilakoi nga inan ilon buben lon ngemadongame. ¹¹ Nga azu e ang oi ngabol me inag ilog bubeg ang mai ienoi map ang jumi ujan mok oi. ¹² E me ngainag kibeing, ang ainta oi amat , megin nga ang oi ngamat lak. ¹³ Tamol ta ilon buben ujan ta woi inan bas tizan oi so biniwoi. ¹⁴ Ang nga tiza gaz amadowoi, tap ang abang dangan nga ngabol lak me uziwoi. ¹⁵ Nga faun ang uzatai so ngablanangoi, abangte woi, uzatai i so ilong inan tamol ujan abangte inouime. Nga tizag gaz ngepaing, abangtewoi, nga abang dangan mam izinen nga long lak me ngapaiang. ¹⁶ Ang so nga planag, ge nga ang ngeplanang alap ningon anaup itasa, ningon me ien oi. Mewoi ang abang tai woi sodoz mam pani nga niag lon, i ang panang oi. ¹⁷ azu e nga ang ngepanang, me egin ang tamolpain aenta woi amatoi. ¹⁸ Ge tan inan wain ang oi agez, ang egin along, malan i nga oi dinou, alouge angoi. ¹⁹ Ge ang tan e inan tamolpain egin mado tap, i ang oi ladin ibol oi, map ang i nadin kagin anau oi. ge angso tan e inan, mewoi nga ang ngeplanang ang tan e ilon adu auoi, me fun oi gazop i ang o mai agez. ²⁰ Azunga ngipaianglak lami iso, "Uzatai i inan gaten so inanazi, 'ge i ngawoi denau salan, megin ang o mai denauoi, ge i ngainag azu dilong tap i ang nami azu mai dilong oi. ²¹ I abang e dangan ang oi dinauoi nga neag oi fun me i iwoi so dilong it nga nouag ge ngase. ²² Ge nga ngasop so ngipidin tap, i aupasek tea oi,mewoigazo i dal ta tea nadin aupasek dimangani woi. ²³ Mewoi tamol ta i ngawoi agez tap i nga inag mam oi mai agez. ²⁴ Ge nga i langadin lon uzatai ta so inou lak me iganoup, gazop i aupasek tea woi, ge gazo i denasig i nga mam mai oi agez. ²⁵ Kagin e azu i degazelak me lon itase nadin kibaing lon gazo e bengten itase. ²⁶ Sain dinek isoime, mam izinen nga nganoup ang ziminen. I azu malik inan Uz . I mam izinen ge ise, i nga inag uzat oi ibol itasawoi. ²⁷ Ang mai inag uzat oi abol itasaoi tamolpain ainta mai, abang tiwoi, ang mai imug ge temade.