¹ Ang lami so muzuan mon, ang Anut oi lamilon malik, map ang nga woi mai lamilon malik. ² Nga inag mam inan ablon ilon me, Galung Kuzum mok ianime, ge megin tea tap, Nga gazop ngepaiangoi, nga ngalangame ang nami galung mai ngikibinewoi. ³ Nga ngepaiangoi ang nami galung ngikibinep ien map, faun ngamulpa ang nguduzangoi. Aben domten ngemadongame, me ang maip melak temadowoi. ⁴ Ang dal along nga ngalangamelak me." ⁵ Tomas i Jesus i pai, Ujanzen, o domten ulaume? Me am so along, "Am gazop dal dodin mon alongoi?" ⁶ Jesus i megin ipai, nga sibeg nga azu malik, nga sibeg mon basnen fun, tamolta i mam izinen ilawoitap, i get nga izignen isop. ⁷ Ge ang ngawoi alongpe, ang ngainag mam oi mai alongpe. Ang gazo iwoi get along ang maig anasi. ⁸ Filip Jesus ipai, "Ujanzen," mam petengenamap am anasip megin map, am lama gauaioi. ⁹ Jesus i ipai, Filip nga saen melaen o mai temade, ge o nga woi so ulong a? Tamol ite nga nasag, me i mam get inasi. Aitoi o egin ubol, O mam petenganama mam? ¹⁰ Ge o ilolon so malik, me nga mam lon meg mam i ngalon? Tea azu nga ang sansan ngepaiang ngame. Nga inag kankan lon so ngabol ngame.Tea, mam ingalon madoime azu ibol ime ¹¹ ang ngawoi lamilon malik, me nga mam lon ngemado ngame, meg mam i ngalon madoime, tea tap, uzat nga ngenau ngamelak me lamilon malik. ¹² Malik mok, nga angngepaiang, tamol itai i nga woi ilon lon malik map, i mai nga uzat ngenaugame me inau woi, me i uzat ujanzen mok inauwoi. Aitoi nga mam izinen ngalawoi. ¹³ Abangte ang nga niag lon sodoz anau map, me nga ngenaup itasap me mam i aikamo lon bingan ingalewoi. ¹⁴ Ang abang ta nga niag lon abol map me ngenau woi. ¹⁵ Ang malik nga woi lami ibol tap, azu buk lon azu ienime me uziapani. ¹⁶ Nga gazop mam ngogodoanip i dinek ta ang panangoi, me i sansan ang maiap amadowoi, i gazop stemanangoi. ¹⁷ Me uz azu malik inan, tamolpain tan e inan, i dengalenen so iduse, aitoi i denasinen so iduse, o i woi dilong. Ge ang i woi along, i ang mai amadome me ang ilonnen madoime. ¹⁸ Nga so ngibinang pa ang se amadowoi, nga ngamulpa ang ngingiliang oi. ¹⁹ Kitek ta maip tamolpain tannen nga so denasagoi, ge ang gazop anasag oi. Abangte woi, nga bas ngemadongme mewoi ang mai bas oi. ²⁰ Saen melon pa ang alongoi nga mam lon ngemado ngame, ang ngalon amado ame, nga anglon ngamadongame. ²¹ Tamol i ngainag kibeang jabi gauai ge i uzi pani ime, tamol me i nga woi gauz mok imatime. Ge tamol i nga woi ilon ibol tap, nga inag mam i woi ilon ibolime nga i woi ilog ibol pa, dal nge petenganiwoi. ²² Judas (i so Iskariot) me Jesus azu ipai, Ujanzen o dodin lakoi o sibe am petenganama woi, ge tannen tamolpain me tea?" ²³ Jesus i auan megin jabig ipai, tamol ta nga woi ibol tap i ngainag azu uzi pani woi, nga inag mam mai i woi ibol oi nga mam mai asop imai amadowoi. ²⁴ Tamol i nga woi ilon so ibol map i nga azu me so uzi paniwoi, Azu ang along ame me so ngainag azu, tea me mam inan. Mam i nga nuag ge ngase. ²⁵ Nga ang mai temade meg, azu me dangan ngabol ge ang along. ²⁶ Me auan Uzgun i tamol ang dinangoi, mam i nga niag lon inaup iduwoi. I gazop ang kibeng panag oi, abang abang dangan ngo ngepiang lak me gazop ibol itasa woi. ²⁷ Nga, ngainag ilog mazoz me ang ziminen ngibini, nga ang ngepanang, tannen inan tamol egin so ngepanag. Mewoi ang lami so muzuanmon, Ang so azezmon. ²⁸ Nga azu e ngepanang lak me ang get along, me megin, saen itase lak me uzi, nga ngi bininag ge ngalangame, ge faun ngamulpa ang ziminen ang nga woi lami ibol tap jumi isa, aitoi nga mam izinen ngalong ame. Mam i imugsen mok ge imadoime, nga nanazag. ²⁹ Abang me so itase meg, nga get ngapajang. Ge aloupa itase map ang get po abol. ³⁰ Nga ang mai azu gauz so tikibiaioi, me aitoi, gaten tan e inan me isoime. I tiwon tea nga tanagpa ngaduwoi. ³¹ Ge tamolpain tan e inan me dilong oi nga mam oiilog ibol, abang abang nga ngenaungamelak me mam i ibol meg ngenau ngame aria amaispa aben e tibini.