¹ Juda nadin pasa ngalek saen me idu, Jesus i mug ilong siben inan alan nauk saen me idu. I gazop tan e ibinip taman izinen faun mug imuloi, i inan tamolpain tan elak me ilon gauz pinidin, ileg imatlak saen melak itase. ² Tamol salan Satan i get kankan salan me Simon nanun nian Judas Iskariot me inan kankan lon inau Jesus gazop iblani woi, ³ Jesus i get ilong, taman i abang dangan niman lon inau, i siben ilong i Anut izinen ge ise, faun mug imulpa Anut izinen ilawoi. ⁴ Jesus anang janeknen ibinig imas ge inan Klos melaen me pasimeg, i taul ta luanlak ipau. ⁵ Ge i naz Walig tabiz ta ilonnen iduleg inan megelaum gaz niadin flani taul luan lak melon megelaum gaz niadin isuas. ⁶ I Simon Petrus izinen iseg Petrus egin ipai, "Ujanzen , o nga nieg flaniwoi ? ⁷ Ge Jesus Petrus auan jabig egin ipai, abangte nga gazo ngenau ngame o so ulong oi, tea me o aloupa ulongoi." ⁸ Petrus ipai ibol o nga nieg so flani tap, oina nia me didnen inan Kingdom lon so ienoi. ⁹ Saimon Petrus ipai, "Tamol Uja o nga nieg mon so flanimon, O nga nimag gateg mai flani." ¹⁰ Jesus i megin Petrus ipai, "Tamol iget disuglak i faun so disugoi, ge niadinmon defelaniwoi. Ang get ikok lak, ge ang dangan mok so ikok. ¹¹ Ge Jesus i get ilong, gazop Judas i Jesus blani nen me, mewoi ge ibol ang dangan so ikok . ¹² Jesus niadin flani ibini alouge, inan Klos melaen me inuleg faun mug inan aben lon matal, ge i sedazek ta ipinidin, ¹³ Ang nga niag ablani ame Gazek Mangau, Ujanzen, me malik, nga gazek mangau meg nga Ujanzen. ¹⁴ Ang abol nga angnami Ujanzen meg gazek mangau megin abol, megin tap uzat nga ngenaulak me angmai megin anau woi. Tamolpain ta nadin niadin aflani. ¹⁵ Aitoi metelain nga ang gepetenganang lak, megin mok ta mai apetengana. ¹⁶ Malik mok nga ang ngepaiang, uzat tamol i gaten so nenazi ime tea, uzat tamol ile lak mai, i tamol ite naugile lak me so nenazi ime ¹⁷ Ge ang abang e inan fun along tap, ang azu e uzi apani, ang segauz lami gauai. ¹⁸ Nga azu e ang dangan oi so ngabol, nga ngalong tamol it gaz ngepiliana lak, nga azu e ngenaup, Anut inan azu me malik itasa woi, azu me megin ienime, tamol ite nga mai Sepalang aniame, me i ngainag agez. ¹⁹ Gazo e nga abang mewoi ngepaiang, aloupa itasawoi, anglami lon malik me, Nga sibeg ngemadongame. ²⁰ Malik mok nga angngepaiang, nga tamol ta ngenaup isop angangale tap, me ang ngaingiliag lak, ge angnga ingiliag tap, me, ang nga so ingiliag ang tomol it nga nuagge nga selak me angale. ²¹ Saen Jesus azu me ibol ge, i ilon muzuan meg, ibol bengten itase, Malik nga ang ngepaiang, ta ang lengami lon gazop nga agez nemadin lak noagoi. ²² Meglaum gaz sebadin nug nasinasi meg ladin gauz mok muzuan i tamol itoi mok ibolime. ²³ Megelaum ta Jesus i woi gauzmok imat ime, me Jesus mai pinipinig demetal. ²⁴ Simon Pita i niman lon nau ipani. Megelaum me Jesus sedaze woi tamol domten mewoi ibol. ²⁵ Megelaum Jesus izinen matal lak me bini idug ileg Jesus sedaze, Ujanzen, tamol me ite? ²⁶ Jesus i azu auan megin jabig ibol, Nga sepalang boi ta ngengalep tuz lon ngenaup ngepani woi, Tamol me Judas Simon Iskariot nanun. ²⁷ Jesus sepalang ipanig alouge, Salan taman Satan i Judas bubenlon idule meg Jesus i megin ipai, abangteta nauwoi me pasak nau. ²⁸ Tamol ta tebol lak so ilong, Abangte woi Jesus azu me ibol. ²⁹ Megelaum gaz aenta dibol Jesus i anang idad oi ipai, me ubou ujan inan angang, O alan gaz dipinidin nen, Judas i gangmalan badam dangan me i sansan tizini ime. ³⁰ Judas sepalang ingaleg alouge, pasak mok imais ge bengten idu, ge fatu me get mafuz. ³¹ Judas imais ge ile ibinimeg, Jesus ibol, gazo e tamol ai bingan ingale meg Anut inun Ailon bingan ngale. ³² Anut inan bingan me nanun Ailon bengten inaup itasawoi melon inan Ai mai bingan ngalewoi. ³³ Ang Ai kamogaz, nga saen kitek ta mon ang maip temadowoi, Ang gazop bezenagoi, Azu fun taimon me Juda gaz ngipidin lak, Aben domten ngalangame me ang alanen so iduse, Azu taimon Juda gaz ngipindin lak me nga ang ngepaiang. ³⁴ Nga kibiaing faun ta ngapang me megin, Ang sebami woi amat lak megin malik, malik ta woi mai amat. Nga ang oi ngamat lak megin, Ang mai ta woi amat. ³⁵ Kagin melon mon tamolpain ta dilongoi, malik ang ngainag megelaum gaz mok. Saen ang tata woi malik amat map. ³⁶ Simon Petrus ipai, "Ujanzen o domten ulawoi? Ge Jesus i auan jabig egin ipai, Aben domten nga ngala ngame, O uzag nen so iduse, Ge aloupa o gazop nga uzagoi. ³⁷ Petrus megin azu auan jabi, "Ujanzen dodin lakoi nga gazo e nguzonen tea? Nga o woi ngamat pasinen ngalong. ³⁸ Jesus i ipai, ibol O gazop ngawoi umatnen iduse? Malik mok nga o ngepau kekazek so ibob tol map o nga woi kakez tolgenoi, map saen tolgen uboloi o nga so ulong.