¹ Neni akune zuhove' gamazi lo-okulo tilo lolengemelove,lingine O'mosomu longolize izi imilo.Neni nene gosele' nembelamive, gohi luhuvo gizo lolengema'kumu. Nanitekumu've amine nemo ndo lamine olengendeleseive. ² E-ehe' evene guloma'mini vovotingu igi nimonani' ne-emu nenegizembo igi minilo.Okondine ndi goloso ikilizave. ³ Leze ukonde huku-une evene' nene O'moso'mi Sikalahu' li'mi elevole toti lolize izo indo Izesu; Kiristo' ei'kumu' gizembo mino lolize izo noune, ⁴ Neni nene okondela initekumu lilizani nene neni'ne ngivile onouve. Indo-o ve'malimo nene ngivilenouve lilinesi nene nenikovo ngivile onouve. ⁵ Gamene 8,nene novivo neni'oko'ne losuvo hukihulindikewo, neni' nene Junda've nouve,Indo-o Benisameni avopilemo ne-e nouve.Neni nene Himbulaizo' ve indo lo-oku minuve Palisaizo've nouve. ⁶ Ne-e O'mosomi gono ndalosa giluvoni neiho,ndo ato ogo O'mosomi evenele zuhoma nene ndo gopo,napo ongende kuve,indo-o lou gamaziu nigilizani nene nenitati monovo goloso nigamilisave. ⁷ Indo' musumbou muki inite lamine nene niguvoni nene haza nite nemine nigokuve, Indo-o Kiristoni emetuvoni' nene lamine' neivo no-o e'metuve. ⁸ Musumbou inite' muki' nene haza nite nemino minikevo nigosa. Izesu' Kiristo' evene namba ne no emetuve. ⁹ Ne evene lisihetove lolo uvoni nene lou gamazi emetuvondoti nomive,o'ove,neni lisihetove lolo'uvoni nene Izesu' Kiristo'ndo' gele elevole ogo emetuvondotive. ¹⁰ Ne-e mu'nene neni nigo gelelove, nani'mine amuzo'mo ndo otendihe, indo ei Izesu' Kiristo' kisi maka gimizo mino, indo-o maka gono ndo vo mino helakisi soto ilive. ¹¹ Aka'maneine nene amine akalotinene ne-esi amingu voholo helo gohi otelesuve. ¹² Ne-e giluvoni' nene ndalovelo giluvoni' inite olihe nigo ndamo,indo olihe gahevelasi vamuve. Neiho gono elevole ogo ndo Izesu' Kiristo'ni nene elevole ogo ndonouve. ¹³ Akuno'ne zuhokizo negelenouvoni' nene, ne monovo nene olihe ndamuve. Neiho ne-e gomu initekumu mo-o gane'molavo alinge ndalo initekumu elevole ogo gono nonduve. ¹⁴ Ne-e elevole' ogo loti'noizuvoni' nene vo-o gomu molo meni da-a kumu' Izesu' Kiristo'niguti. ¹⁵ Leli muki nene mo-o nambo okuni ve-e nene le'o nemine ogo gate gelelone, indo-o lei gate ato initekumu gelo mineloni nene ei O'moso'mo ndo soto mololendeleseive. ¹⁶ Neiho, lei nanite ndokumbe, nene inite ne ndo elevole ogo ndo'minelone. ¹⁷ Akunone zuhove, neni monovo nemine igi mili-i emeti minalo. Indo-o lengi nene ningi lamine igi nigilo, evene vovotingu ma-a nene nimonani nene nei ogo molo uvoni mamine igi mili nizave. ¹⁸ Evene vai nivangu nene nivave ne mo-o gomu lolengemekuvoni' evenema indine gohi ive novezesi nololingimuve. Ne-e evene nene Izesu'Kiristo'ni malipo za-a ndalive ligi gomu lovo imave veve. ¹⁹ Ne evene nene alinge vi golese ilisave.nanite'kumuve' ngei okoni nemo gilindo emetigi indo-o, ngei okoni nene soza omoso,mino ngelemizo ndo gahevela okavo ngovozo hela,misumbou monovo, amine evene nene lili igi nizave. Ne-e evene nene misumbou inite kumu gilivo igi nizave. ²⁰ Neiho leli nene okulumoku evene nouninako nemu nene, Nambote Izesu'Kiristo', okulumo hulo ogo lelemiziline, kumu gizembo noune, ²¹ indo ei amuzo namba tunu Izesu' Kiristo' ogo okonde goloso nene ndo malo' ei okono mamino ndo velepe izelendo, indo muki inite nene ei Izesu' Kiristo gizembo oleseive.