¹ Indo gamazi ma ndo ele'vole olengedo hulo Izesu'Kiristo' anau mina kumu nehe, indo ei umo heleminine' monovou minakumu nehe indo Sikalahu'toti loema-a' nehe ,indo lengi mulundigu nene zou hongu indo'evene mulumo gelengeda' monovo engiku noline' nene, ² ne,mo nene nesi mulune ndi'lamine' ilisave, indo lutine gatine vo-hamo' ominivo nelo nene inite' ma-ndo soto oloneli'nene gili-minilisave. ³ Lingine inite'ma igi mili ilisama gei hamolike gulive nda'kumu amilo ove. Lingine lutine gatine ndi'mi limi mini evene' mamu'gilavo ndize minivosa igi mili ilo. ⁴ Lingine lengi kumu' gilavo ndizamilive, evene maliti genimukisi gili mini hize-ele' ingindilo. ⁵ Evene maliti monovosi indo lingi monovosi vohamo ominelive, Izesu' Kiristo' monovolo nemino. ⁶ Izesu'Kiristo' nene mo O'moso'mininela neni nene O'moso ngindini nouve lo magelamive. ⁷ Ei'nene gulive namba nene ndo'mo lemo musumbou aleve ne'mine lolo ogo mo, mine'mo lemo gonouve ne'minosa minineve. ⁸ Ei've've ndo'mo lemo mino O'moso melehi gamazilo' e'meto mino vo-o malipo zalo ndi ndzi bilikevo hiline've. ⁹ Nemu nene O'moso meleho nene gipelemi' gulive ndo oto gulive namba imine'. Ne gulive nene evene' mukiliti gulive,inesi hulo veleto' minine gulive imineve. ¹⁰ O'moso meleho ne'mine ine nene Izesu've gulivelo' nene evene' okulumoku'nizahe indo musumbolo nizahe indo musumbo lulou' nizahe, mukito nene ombuvo'ine hizimilisave. ¹¹ O'moso ne'mine ine' nene evene embe muki embe, tati' no' ine atoatokisi nizave netesi Izesu' Kiristo' nimu nene evene'nambave li O'moso melehi gulive nene ndi otilizave. ¹² Ne-emu' nene neni'zuho gehepeve-ve, lengi nene gamazi luvondo' emeta-a nani nene nenikisi minelonindo'kovo e'metamisa nezesi minamolone' gamenesi nene ha emetivo' minilo. O'moso'mo ndo tine' mololendani aleve noune li-i lengehelele izeminivosa elevole' igisa e'metilo. ¹³ Nanite'kumuve asi've O'moso'mo lengi mulundingu gono ndo, indo gono lengemo, indo longolize izi, ma-a kumukisi asive ndo ote-lengendelive. ¹⁴ Nemu' nene lingine inite' igi mili nima-a mulundingu goloso giligimami indo lovo lolize , hizamilo. ¹⁵ Ne'mine ilizadimo nene legikuko goloso monovo nomine' mini lisihe' monovolo mini evene goloso neti ve'nido nene livi labana' ne'mini nizavo nigilizave. ¹⁶ O'moso'mi gamazi velesi neine' gamazi nene digili'li dimini e'meti nizavo Izesu' kirisito arine' gamenelo nene nolize izo mino negono duvoni'ma nene vohaza amive lo nigelesuve. ¹⁷ Ido' neve'nesi nouvoni' nene legi' gele-ele'vole' tine do ele'vole olegedelesa volodo' vanise hize lepa aka magoloseline'. ¹⁸ Nene mo mukito' lolize izelesune. ¹⁹ Ti'iha neni gele elevole Izesu' Kirisito'do ei'ne'mo Timotio'ni imiselavo ogo legikisi nizavo ne'mo nene legi monovo lamine' igi mili nave lavo gelelodi'mo nesi do amuzo moloni delive. ²⁰ Nanite' kumu've, evene'ma ezegidini ne'mineve evene' kumu' gilimina'ave. ²¹ Nanite' kumu've , evene' ma nene engi gono' inemu gilavo namba ogavo ido Izesu' Kiristo gonomu' nene gilavo gomo omina' neive. ²² Ti'iha ligi nene mo eze monovo've ogo molo monine' nene moniginizave , eze monovo nene izipe gomolite gamazi gilida' ani' ne' mino geledave, Timotio' kisi makato' mono' gono dusingu niga nuve. ²³ Neni' gonouko nige vevese lamine' okosa, inite' lamine' omine line' nene mo Timotio'ni geto imiselekuvo mogeto aloseive. ²⁴ Ido nesi gele ele'vole onouvoni' nene gamene gomo ma nomino nesi mo alosuve. ²⁵ Ne-gele nouvoni' nene Epafaradatusi'ni imisele legita olohe logelenuve, nanimu've eze nene neni' naku'ne minosa ido gono makato da usive mino ido lovou' va'avemaminosa monosa mono' gamazi dova' neive. ²⁶ Nanite' kumu've, ezesi nene mo legi'kisi minelonelo mulunou lamine' geleneive. ²⁷ Legi' nene ezemu' sikinite' gizedaveli gilani'mamu nene, molamine've ezene mo sikinite' gizedani'nene mo helato' mininela O'moso'mo mulumo gelendo indo neni kumukisi mulumo gelendave geni geni muki damilinelo. ²⁸ Nemu' nene mulu'neu nabalo' gelenouvoni' nene molegita imiselekuvo vavo ligi nigi logolize nizavo, nesi nolizeizelove. ²⁹ Ligine Epafaradatusini nene muludine imisa logolize izisa dalo, ne'mineve dalisama O'moso'mi zou hongu legito minivo dilegita ilizave. ³⁰ Izesu Kirisito gono dadoti' nene mo eito' mo hela soto' inela, a'minemu gelamo ukono hulo gonou ogo gono lamine' ogo hize ele' onido, ligi embe malokisi dosa ogo hize, ele' onidave.