¹ Ne'mine oneivo nene naku'ne uvo'nemote zuho neni nene mulune lengema-a nouvoni ' nene lengi nene neni nolizene' indo lengi nene inite lamine ma-a ndaloni' nene lengikuti' ndaloni ogave, ne-emu' nene lengi nene mo-o evene namba O'moso'mi amuzo nambau kavo minilo. ² Indo gei Londiai kisi Sinitike kisi lengi nene lutine gatine mili hamo igi O'moso'mi anau minilizo. ³ Mo-o lamineve,lingi nesi hamo gono nda-a unive nene alungo mene hize, ele ingindilo, inginesi O'mosomi'gono ndunigu' geni,geni nambalo dokune, indo Kelemenile indo makato hamo' gono da-a' unive gulivete minevo,minevo Buku mo-o minave. ⁴ Evene' nambamu longolive izimilo ngohi nololingimuve' longolize izimilo. ⁵ Monovotine lamine nene evevne ngelembizi,kevo,O'moso'si makato nizave li-i nigilizave. ⁶ Inite mamu gelamozo, inite vai kumu nene,Omoso' lavo lo'emezo,indo 'O'moso opo'nivo lominezo. O'moso hulomikanivo ge-e gelo molonane inite,kumu nene O'moso'movo nigo geleminelive. ⁷ O'moso'mi muluno, zou, hongu, evene,liti mandu inesi ivile oneine'mamo hitelengedelive. Ei' Izesu' Kiristo nguti. ⁸ Gamazi lo osulo lolosa ti'lo noluve" inite lamine' neza-anehe,inite gulive nambo nezaloti nda'nehe,inite'lamine neza'nehe, inite'ma nigavo gulive nambada-a inite ma,neivoma ne-e vemukovo gili minilo. ⁹ Inite lamine'nema vovotingu'mino ogo molo lengelembizuvoni'ne monovo malo emeti nizavo O'moso'mi zou, hongu, lengi'kisi minelive. ¹⁰ Indise nene O'moso,evene' nambamu' nolize no-o izemuve. Lingi nene hize ele' ondelone li-i lutingu gilimini'keni neiha aka ma-a ngolosamivo ha-a mini indise mene ngolosi gumu' nene O'mosomu mulu'neu lamine gelemuve. ¹¹ Ne-e nene inite' kumu ma-a vise' uvelo malolengemamuve, inite nominekisi mo-o nolizevo izo-o mina-a uvonako, inite'ne nehe nomihe, mo-o laminekovo mina-a' nouve. ¹² Neze nene mo-o evene' inite' neivo minani' ne'mino mino indo inite nomivo minani ne-emino mino, indo nosonite na-a aka soto,ihe indo-o gana mina-a aka soto ihe, inite' nigo nuhe,namuhe, ¹³ O'moso amuzo nema-a neine amuzoloti' inite' muki ha-a ogo molo mina nouve. ¹⁴ Lingi nene neni' geni'nesi makato gehenido mina' noune. ¹⁵ Lingi Hilipi aleve mo-o nigi gilinizave, mono gono api' ogo ndo,ndo vo-o mino Mesendonia musumbo hulo novuvo nene,mono' malitesi nene inite' ngima-a ani'mamini ne-e ma nimamave. Lengikovo nene nima-a nave. ¹⁶ Ne-e Tesalonika musumbou gono ndo minuvo gamene nene mo-o lengikovo inite' nambalo gamene vai' ni-ima nanima ne-e neive. ¹⁷ Neni nene inite' vai lengi'tati ndalosa uvomba,asi ne'mine monovo igi mili ikevo O'moso'mo lingi ndolamine ' olengendo inite' lengemeline nigelove losa luve. ¹⁸ Inite nima-a nanine mo-o vai gehepeve ndo'kuve ,inite nambalo Epapolodutisi musumbola nouvo hulinindani ma-a nene O'moso la guno gizimavo onuvo lamine oga-a ine'mamine' ivosa nimikeve. ¹⁹ O'moso'ne'mo lingi gili mili inilizani' initeta nene gozo vai lolengendelive.Ezeia-ati heneni lamine' lengemelive,Izesu' Kiristo' gulivelo. ²⁰ O'moso meteho nene gamene,gamene gulive namba ndalive. Lamineve. ²¹ Izesu' Kiristo' gulivelo lingi ne-e gele,elevole inizavemu nene longoponi noluve ,le-e mela-a naku'ne zuho makato nunive netesi lengi kumu longopo'ni gamazi hulave. ²² Evene' O'mosolo' gili elevole avetesi indo Sisa' numungu gono ndavetesi lengi kumu longopo'ni gamazi hulave. ²³ Evene' namba, Izesu' Kiristo' ei zou, hungu, nasahili' ne'mo lengi' Sikalahu' tinda mine mendelo minelive.