¹ Yesus inindahu poyo apana'ai kah! kula_kula ulun sino ra hitu ika matoi nu ka poyo ilo akailong haling ra Amangu'un, Amihang am aka kuasa mayo bonsoi. ² Livos onom orou Yesus ngibit ri Petrus, Yakobus, am Yohanes linumuur inakou inuoi ra olot Asawat. Paat nilo nahilong, inunggah baal ri Yesus. ³ Kain no naunga, Apulak namipiat, siung nu ulun nu tana tu kando namupu ra kono hino pulak no. ⁴ Ketalu_talu nu ulun ubason hiano naikailong ri Elia am Musa nahayam ri Yesus. ⁵ Petrus namala ri Yesus ''Guru, onsoi solor akai ra hitu akai amonsoi ra talu tauf, saumi riun guru, saumi ri Musa, am saumi ri Elia. ⁶ Petrus ka apandai kapio aun ayamon no, iso am rangan_rangan na angkala. ⁷ Pulali_lali haun namalivung rilo, hino ilo nakringoh ra rahu intor ra saang nu huan mindahu!. hitu ngah anakku iningaanku. ringohon mie iso. ⁸ llaie nilo sampilang_pilang kando ulun, ulun rangan niloYesus yak nailong lo. ⁹ Paat nilo nambulusung intor ra olot, Yesus namopol risilo '' ika ahulit akau ra aun yak ka ulun am ra nailong muyun. nu ka po anak nu ulun ka poyo linumuat intor ra pataian. ¹⁰ Kawie nilo inaya ra rahu no am angimu'un, Amahuang aun ki kuon ra lumua'at intor ra pataian hino. ¹¹ Ilo aki bala ri Yesus ''kulo guru taurat mindahu Elia matong Ampangulu?. ¹² Yesus linumimbang ''Elia matong ampangulu muoi, Ama lair Amului ra kawie _kawie no Am randalom nu kitab binatikan, iso hino Anak nu ulun asuang karualan no am iso pono umbolo'on?. ¹³ Auh mindahu ramuyun; Elia inatong noyo,am ulun hiano angi lolobou rio maya yak ra kasiga nu pinyawo'oh io ukum hino kapio nangodo ra batikan nu kitab ra baal no. ''rondo ulun iumpos inaning Ala'at linawa ri Yesus. ¹⁴ Paat nilo anduli ra ubason_ubason bokon ilo, nakailong ra ulun asuang ra hino. kula_kula Aga'ulun guru Taurat Angkalit ra ubason_ubason ri Yesus. ¹⁵ Buoi nilo yak nakailong ri Yesus ilo nasobob am ilo nasimul inambot ri Yesus. ¹⁶ Yesus Akibala ra ubason_ubason no. ''Aun ki pangkalitan mie ri ilo?. ¹⁷ Sangulun ra ulun giano kinumamit, '' Guru, inubit ku lalaing ku ra ubason_ubason nu guru. iso na ubo, inumpos nu inaning ala'at. ¹⁸ Paat nu inaning Ala'at sinumangit no, inan no lilinapasan no am kabang nu aka puta. ripon no ku muritip yak inan kinumikiu Akita'ak Auh ra ubason_ubason nu guru Apantawoi ra inaning ala'at hino, ilo kawi ka akalaap maal ra hino. ¹⁹ Yesus nambala ra silo. ''ui akou ulun ra mintopot kula po buoi ku tumungu ramuyun, am murong ramuyun?. kula po buoi ku maliwi, ramuyun ubiton mie lalaing gino ra soro. ²⁰ Suang nilo nangubit ra lalaing hino ri Yesus. pakailong yak inaning ala'at hino ri Yesus, lalaing hino namukat am naba, pahilung_lungkir ra tana, kabang no pono aka puta. ²¹ Yesus nakibala ra ama nu lalaing hino '' kula no buoi no kono dai'no. Ama nu lalaing hio kinumamit, intor ra iso lumo'ot li poyo. ²² Aulai no nga ininaning ala'at hitu amatoi am anapir riso ra siang am apa ufo ra apui. A'asi'e mu akai am insupin mu akai, nu alap mu po akai angisup. ²³ Kamit ri Yesus A'alap ku poyo?. Aun rahu on mu? '' ulun mintopot ra Amangun yak Aka vaal ra ka_Tulaian!'' ²⁴ Napasi ama nu lalaing hino napulof, auh mintopot, ka koson no, nata'ang intopot ku, Auh mingkotoh ra intopot ku. ²⁵ Yesus na gilong ra ulun inatong na ginsok gino nga yo namansuk ra inaning ala'at no. Yo minagu inaning nambingung am nau'bo dako'on namansuk giun sumiliwan intor ra lalaing hitu, am ka'a bagu oko mupus, anduli dio'o. ²⁶ Inaning ala'at gino nampaluof am lalaing gino na ngi singka'ar am iso sinumaliwan intor ra lalaing hino. lalaing gino pelisis ra bangkai siung ulun, mindahu ''lalaing gino inatoi noyo!. ²⁷ Vie ri Yesus tongoyo longon no am insupi lalaing gino linumuaat lalaing hino inimpilik vahu. ²⁸ Ka livos hino Yesus inumpos ra randalom nu baloi. paat kando ulun ra hino bahu ubason_ubason ri Yesus nakibala? kinum ulo akai ka nakairu inaning ala'at hino?. ²⁹ Kamit ri Yesus, ''kando akairu bokon, kapo sembayang yak''. ³⁰ Yesus am ubason_ubason no nangidu da intok gino am apalating da lokouyon lo inaya da galelia. Yesus apus ra ulun akapandai aun intok no. ³¹ Io gino apatilu ra ubason_ubason no. oyo inidagu ''a anak nu ulun iso gino nakin da ulun mayo da pamihangan, da gino bagu, oyo potoiyon, livos talu odou yo anduli linumuat'''. ³² Ilo gino ka'apana'ai atu pinatilu gino, ka ilo angkalala akibala ri Yesus. ³³ Pakasuku ilo ra Kapernaum, umpos ilo ra baloi, ki balaie ri Yesus ubason_ubason no ''Aun ki nangkakamitan mie da'itu. ³⁴ Ilo kunumamit, hotong nilo makou ilo nangkamit aun ki nayo bonsoi. ³⁵ Yesus nantudungi, yo nagipa opor am duo ulun ubason no mindagu yo risilo, ''Aun Asiga Ampangulu, oyo no pamanga'an am ansauk ra impu da siung nu ulun. ³⁶ Paat gino oyo nagipa ra do'no lalaing am namasuk gio inimpilik ra tingkuangon nilo Yesus nanvikom da lalaing gino am inidagu rilo. ³⁷ ''Auh po nangapu ra lalaing kono ra hitu, oyo gino Angapu dakon. am yak angambot dakon, sala ka dakon yak Apuon, oyo gino Angapu da Amangu'un nangitor dakon'' ³⁸ Yohanes namala ri Yesus ''Guru akai nagilong da dono'o ulun napairu ra inaning ala'at na'navit ra inggalan nu Guru. Akai namapol di'o yo gino ulun ka naka umpos ra kulup taka. ³⁹ Yesus mindagu ri silo, ''Paie popolo ilo kando nga ulun na nanguma ra pu sosololon ra danalom inggalan ku, nu apakala'at, poyo dakon. ⁴⁰ Aun poh ka mangit ri taka, yo gino minsu'up ri taka. ⁴¹ Panamin mie! Aun yak Anutui ra inumon, Akau gino ubason ri Yesus, monong_monongAngapu ra baya onsoi. ⁴² Auh yak ka'ulun aka fului ra pinyawo nu sangulun ra ubason ku suku iso ka mintopot dakon, onsoi solor vatu kisaran bongkoson ra lioh no am babali ra luaf. ⁴³ Kono po longon mu intok mu Akasala, totokon yak longon gino. onsoi na bayah mu ra longon sampilang yak intor da nu Apui vakal_vakal antayun. ⁴⁴ Ra hino ulor pono ka apana'ai matoi am Apui ika Apa'nai Alasa. ⁴⁵ Kalayam mu po intok mu Akasala, totokon yak kalayam gino, onsoi no bayah mu, ra kalayam sangimpa intor da sino kalayam nga duo'o, oko gino mumpos ra intok nu apui vakal_vakal Antiayun. ⁴⁶ Ra hino ulor pono ka apana'ai matoi, apui ika apana'ai Alasa. ⁴⁷ Mato mu poh intok mu akasala, bugalo yak mato hino i onsoi ra oko akajajaf ra linuang bagu nu Amangu'un, ra dono'o mato yak. intor da oko duo da mato Apaumpos giun da Apui Antiayun. ⁴⁸ Ra hino ulor pono ka apana'ai matoi Apui ika Apana'ai Alasa. ⁴⁹ Itaka ulun tinukiron baguin ra apui, kono ra anaak pupuson bahuin ra masin. ⁵⁰ Masin no onsoi kono po masin gino Apolo, ka bagu aka Asin. kono gino akau tumulu ra masin am bayah onsoi.''