1
Yesus iankou ra intok gino, am inuli ilo kawi ra ulun ubason noh ra pamahunan nano.
2
Paat nu orou tumooh Yesus ambala ra ulun ra baloi intok sambayang nano. Asuang ulun ra intok hino, Am ulun nangkinongoh ra babala ri Yesus, am rahu kanilo. ''Aun ki naku nanglapan noh ra kawi nu gitu, am aun ki pohondo nu kapandayan sino rio tu? am aun ki naku pangalapan noh ra tulai noh.
3
Am ragu kanilo poh, ika ki gitu ulun angangamar ra taun li, am anak ri maria, am pahaka_pahaka ri Yakobus ilo ri Yoses, Yudas am Simon. Pahaka_pahaka noh ruandu ratu sino ritaka ra gitu. am ilo ika asiga angapu rio.
4
Am ragu ri Yesus rilo, ''sangulun nabi insuatan ra kula_kula intok, oyoh yak ra pamahunan tohom, am pahaka_pahaka noh am ilo sansulapan yak.
5
Ra intok hino Yo ika akalap ambaal ra mukzizat ra gino, Yo akalap angalawo ra aruol nu kula_kula ulun arualan am angangkam ra longon rilo.
6
Yesus akaliar rilo, ilo ika mintopot ri rilo. (6_6b)kopongoh hino Yesus inuoi ra kula_kula pamahunn ra libung nu intok hino am ambala ra ulun giano.
7
Am Yesus nagipag ra opor am duo ngalun bansukon no rano, gili amansuk rilo ngaruo_ruo, am taki noh ra kuasa ilo ra apairu ra saitan.
8
Yo namala ra ragu noh, ''paat mi makou ika akau angibit ra atu_atu, suukur yak, ika akau ampalinutu biik am uwong.
9
Amakai akau ra kasut am angibit ka ruo ra babaru yak''.
10
Am rahu poyo ri Yesus, ''uh ra kula_kula intokakau paunsopan am onsoi akau murong ra baloi hino suku akau makou intor ra kota gino.
11
Io yak kono akau akasuku ra intok nu ulun hiano, kono poyo ilo ika apaunsaup ramiun am ika akngkinongoh ra ragu miun, am arambus yak akau ra intok hino am kangkabin mi kaau sinumokot ra kalayam mi rano ra tatandu ra ilo akasala.
12
Am bilu ulun opor am duo ngaulun ubason ri Yesus inakou inuoi nambala ra kawi nu ulun onsoi akau mimpoi ra sala.
13
Ilo napairu ra saitan, am puyayo ra umau Zaitun ra ulun arualan, am napiha aruol rano.
14
Am raja Herodes, ''nakaringoh ra aho giano, am inggalan ri Yesus narayol noyo ra suang nu intok, sino ulun indahu, ''Yohanes omororob nanduli naayah! hino nga puun nano akakuasa ambaal ra mukzizat''.
15
Am ulun bokon mindahu, ''Oyoh hino Elia,'' am sino poyo mindahu, ''Yo Nabi, kono sangulun nabi ra pahulu li'',
16
Am pakaringoh, raja Herodes ra rahu hino am rahunoh, '' kapio_pio noh gitu Yohanes omomororob! kono rahuku, ''Uluh noh tinotok, nga raino Yo nanduli nayah!.
17
Pagulu raja Herodes namasuk ra ulun anakub ri Yohanes, am bugkungi alapo paunsapo ra gili. nga raja Herodes maya ra kasiha ri Herodias angandu ra ruandu gino, kapio_pio poyo ruandu gino andu ri Filipus, pahaka nuh raja Herodes.
18
Am Yohanes napongo indahu ra raja Herodes, ragu kono, ''tuanku okou akasala am nangandu ra andu nu pahaka mu!''.
19
Am gino nga puun ri Herodes alaat ra guang ri Yohanes am guang noh amatoi rio. Oyoh yak ika akalap amatoi am popolo nu raja Herodes.
20
raja Herodes angkala ri Yohanes am raja Herodes akapandai ri Yohanes oyo, ulun onsoi am tinakan nu Allah, Am raja Herodes agalung ri yohanes raja Herodes asiga angkiningoh ra raguon ri Yohanes yo ra gili angkiningoh ra ragu onsoi gino.
21
Buoi_buoi noh Herodes nakalap nambaal ra orou naganakan ra raja Herodes. raja Herodes naguma ra akaan maayo ra kawinu ulun_ulun maayo am pamarintah am tuan_tuan nu daira Galelia.
22
Paat nu orou maayo gino, anak ralaa ri Herodias ''nangalang ra tingkuangon nilo. am alang no gino apakonsoi ra pinyawo nu raja Herodes am tambului noh. am raja Herodes mindahu ra ralaa gino, '' Aun kasiga muu? taakin ku yak riun!.
23
raja Herodes naparandi ra ralaa gino, am nampator ragu kono nu raja Herodes, '' ama mu naparandi aun yak kitakon mu, takin ku yak riun gamano noh pana sampiruo ra intor ra tinongoi kutu!.
24
Am ralaa gino insaloong am nagayam ra ina noh, ''Aun ki onsoi kitakon ku?. am kamit kono nu ina noh, ''kitakon muu ulu ri Yohanes omororob''.
25
Ralaa gino nanduli inisaloong inuoi ra raja Herodes am inindahu, ''gitu yak kitakon kutu am ulu ri Yohanes omororob noh maan tampaki ra tampak nu talam am taaki rakon raino.
26
Paat nu raja Herodes nakaringoh ra kitaak no gino, am raja Herodes asusa pinyawo, am raja Herodes ika abuuli iso ika anaak ra kinitaak noh gino, iso napongoh inindahu am nampator ra tingkuangon nu ulun asuang ra tambului giano.
27
Am raja Herodes namasuk ra ulun asikar angalap ra ulu ri Yohanes omororob, asikar giano inakou ra istana , bi loh inakou ra gil nanotok ra ulu ri Yohanes omororob.
28
Am buli loh ulu ra tslom, am ibito loh ra istana, am taaki loh ra ralaa gino. Alapo nu ralaa gino taaki ulu ri Yohanes ra ina noh.
29
Pakaringoh ulun inaya ri Yohanes ra baal gino, ilo nangalap ra bangkai ri Yohanes am namolobong.
30
Rasul_rasul binasuk ri Yesus nanduli ri Yesus, am ilo namala rio ra kawi nu baal inuma nilo karuo am inubos nilo.
31
Paat nu ulun inatong am inakou ra intok gino asuang ulun sumusukan ri Yesus am ulun ubason loh kano bagu nakakaan, am Yesus indagu ra ulun ubason loh, ''ikomi muoi ra intok kalilingoyon kando ra noh am hili akau okotooh.
32
Am uran ilo ra paraau am inakou inuoi ra intakon kalilingoyon kando ra ulun noh.
33
Paat ra gino asuang ulun akailong dilo nangiruan ra intok gino am akakauling dilo. am ulun intor ra kota gino nasimul iniguulu inakou ra tunon am ilo akainguulu ri Yesus am ulun rangon noh, hili ilo akasuku ra intok gino.
34
Paat ri Yesus tinumur ra paraau, oyoh nakailong asuang ulun ra gino am oyoh akasi ra ulun asuang hiano nga ilo angilar ra kono domba kando gembala am yo pono angimun ambala ra ulun hiano ra kula_kula rahuon.
35
Am maar noyo kua kamai, am bi nu ulun ubason ri Yesus giano inuoi indagu ri Yesus rahu kanilo am noyo kua am intok gitu pana am kando ulun amahun.
36
Onsoi banskuon mu paulio ulun giatu, hili ilo muoi angalir ra inakano nilo ra pamahunan libung nu gitu.''
37
Io yak limbang ri Yesus rahu kono ''paakanon mi yak ilo'' ragu nu ulun rangan noh rono rio, ''Aumaki akai muoi, pangalir ra ruti ruo ngatus usin perak lo goo noh, hili taakin pamakani rilo?.''
38
Am ragu ri Yesus rilo makau akaau ilai kula suang nu ruti sino ramiun'' lakou ilo pagilong, am rahu kolo ''limo yak kua ngapila ruti am rua ngainan papaitu.''
39
Am Yesus inidagu ra ulun ubason noh, am amansuk ra kawi nu ulun ra gino am anturung asimpung ra tana tinuaan ra sanit akasul.
40
Am panturung ulun asuang giano nantunggu am sino no suang nu aatus ngaulun nantunguu, am sino no poyo limo nga opor ngaulun.
41
Am alapo ri Yesus limo ngapila ruti am duo ngainan papait am pantingaa ra limbowon am sambayang mindagu atalimo onsoi ra mangun, kopongoh gino, tutubingo noh ruti am patayaro ra ulun rangan_rangannoh rano ra ulun asuang giano, am kono gino poyo pinakuan noh ra papait, tinakan noh ra suang nu ulun.
42
Sario nu ulun giano nangkan am suku nasuug.
43
Am kapongoh ilo naginakanam kukumo, nu ulun rangan ri Yesus sawaah gino. am kapanau poh opor am ruo ngabakul noh.
44
Suang nu ulun kusoi nangkan ra ruti gino limo nga ribu ulun.
45
Pongo nu gino bansuko ri Yesus ulun ubason noh rano, inuran ra parau noh am minggulu noh ilo ra lipag ra liagu mayo muoi ra betsaida, am tima noh amansuk apauli ra ulun asuang.
46
Paat ri Yesus nakailong ra ulun asuang inakou Yesus inuoi nakilayoh ra lambuur am inuoi sambayang ra tampak inuluh.
47
Paat nu londom, parau binayaan nu ulun ubason ri Yesus sino noyo, uh ra tanganu liagu maayo gino, am Yesus yak ra gili saumi sino ra asak li.
48
Paat ri Yesus nakailong ra ulun rangan_rangan noh ilo giano asusa angkabil ra parau, am libut noh sumunsulang rilo. am lolot nu jaam katalu am jaam ka onom ra suaab. Yesus inakou ra limouu nu siang am inapit rilo am Yesus ininguulu rilo.
49
am pakailong ulun ubason ri Yesus rano, e Yesus inakou ra limouu nu suang ''gampuan'' ilo nampaloong.
50
ILo nakalaa paat loh nakailong ri Yesus, Am Yesus naparambuus indagu rilo, ''Paingkotohon muyun guang mil auh e Yesus ika angkala ka!.
51
Am uran ri Yesus ra parau nilo am lawo bagu nu libut, am ulun ragan _ragan noh rano nakaliar bonsoi.
52
Nga ilo ika poyo akal ati intor ra baal nu limo ngapila ruti gino, ilo ika akalati ra gino.
53
Pangoloob ilo ra liagu inaayo gino, asak ilo ra intok sabiton ra genesaret, am rukugi parau nilo noh.
54
Paat rilo inasaak noh ulun, asuang hiano akakaulih ri Yesus.
55
Am pasimul ilo ra tunnon gino kula_kula intok ilo akapanai ri Yesus ilo nagibit ra ulun_ulun arualan am nambolong ra dasawat nu ayaam am muoi ri Yesus.
56
Atu yak kuoyoon ri Yesus, onsoi ra pamahunan, am kota am intok bokon ulun nu pamahunan giano nagibit ra suang nu ulun arualan lumulur ra tunon intok nu ulun lumulur. am ilo akitak ri Yesus gili ulun arualan giano angangkam ra popor nu babaru nana am kawi nu ulun arualan nangangkam ra popor nu babaru ri Yesus am ilo po napiga.