¹ Paat ri Yesus inindahu ra ulun ketua imam, guru taurat am pemimpin masyarakat Yahudi yo nanaak ra pangumangan yo inidagu sino sangulun am natanom ra kabun anggur oyoh nambaal ra pagal am lilibungoo noh am yo angkali amaluang ra tana intok pamaluangan ra taun intok nu anggur gumampoi am pamaal poyo ra langkau asawat bonsoi, am pasiwai noh kabun anggur gino ra kula_kula ngaulun am luat noh inakou inuoi ra negeri bokon. ² Am paat nu pangupuan ra kinawa nu anggur, am gili bansukoo nu ulun katangan ra kabun anggur gino ra hamba noh rano muoi ra ulun ansiwa ra kabun nano, nga angalap ra bahoan noh. ³ Am ulun_ulun asiwa ra kabun hino muoi panakub ra hamba giano. am alapo loh bukii, am bansukoo noh paulio am kando inibit noh inuli. ⁴ Am katangan ra kabun hino namasuk sangulun hamba bokon, io yak ulun ansiwa ra kabun hino, nangumbal ra ulu nu hamba gino am pakauyooh no yo. ⁵ Am saup poh katangan ra kabun hino namasuk sangulun poyo hamba noh, am ilo namatoi rio. kono poh gino binaal loh ra hamba bokon, sino inumbal nilo am sino poyo pinatoi nilo. ⁶ Am sangulun yak raino bansukon noh, oyoh gino anak togom noh am inigaan noh, am pupus noh yo namasuk ra anak gino muoi ra ulun ansiwa hiano, ''ilo hina rumuuk am ayuyaan ra anak ku, koro nu rahu noh. ⁷ Am ulun ansiwa ra kabun giano nagagayaan ilo, ''hitu nga raino anak nu katangan ra kabun gitu, onsoi potoyon taka, am itaka ra gili akalap ra tohom noh. ⁸ Paat ra hili takubo nilo anak gino, am anapo rilo patayo, am tapiri loh bangaki nano ra sampilang nu kabun anggur gino. ⁹ Gili Yesus indahu rilo, ''Aun ki binaal nu katangan ra kabun gino?. Yo matong am amatoi ra kawi nu ulun ansiwa giano, am ilo ra gili nanaak ra kabun anggur sino ra ulun ansiwa bokon. ¹⁰ Huang ku napongoh akau noyo nambasa, ra rahu sunuratan danalom nu Alkitab. ''Batu pinatiran nu amamaal ra baloi, binaal ra batu 0nsoi bonsoi. ¹¹ Kono gino nga inuma nu Tuhan, onsoi bonsoi inuma noh!.'' ¹² Ulun mayoo nu Yahudi giano agayum ra ralan nilo anakub ri Yesus, ilo akapandai Yesus apailong ra pangumangan giano. am ilo alaa poyo ra ulun asuang, bi nilo inakou nanatang ri Yesus. ¹³ Gili kula_kula ulun Farisi am ulun Maya_maya ri Herodes binansuk muoi panakub ri Yesus am kula_kula rahuon nilo. ¹⁴ Ilo inatong ri Yesus am rahu kanilo, ''U guru apandayan mai okou sangulun onsoi guang am ika angkinoho ra rahu nu uln bokon. guru okou ika agilong ra babal nu ulun, am guru ambala ra otopot maya ra kasiha nu Allah am ulun, oyoh mindagu. Balai nga akai kono maya ra rahu nu taurat auma ki itaka ambayai ra cukai ra kaisar Roma?. ''bayalan mai yak ki gino, karulo kono am ika panaki.? ¹⁵ Am apandayan noyo ri Yesus langus nu guang nilo alaat, am limbang noh. ''Kulo akau asiga apasala rakon? pailai nga rakon sampila uwong sampila gino. ¹⁶ Am taaki nilo sampila uwong perak gino. am rahu kono ri Yesus, ''Aun ki katangan ra hambar am unggalan sino ra gino? limbang kanilo, ''Kaisar katangan. ¹⁷ Gili rahu poyo ri Yesus rilo, '' kono poh gino taakin mi tohom ri Kaisar am bayalan mi gino ra Kaisar, am aun poh tohom nu Allah am bayalan mi gino ra Allah, ''Am asbob kawi nilo akaringoh ra rahu ri Yesus. ¹⁸ Am kula_kula ulun saduki rano inuoi ri Yesus.(Am ulun giatu amaguang nga ulun matoi ika anduli aayah). ¹⁹ Guru kono nu rahu rilo, ''Musa nanaak ra rahu gitu ramon, kono kusoi nu sangulun danu matoi am kando poyo anak nilo. onsoi pagaka poyo nu kusoi inatoi gino pabaliron angandu ra along nah nabalu gino, gili pagaka nu inatoi gino sino suah noh. ²⁰ Ra pagulu li sino tulu sangaka, am anak kinatuan gino nagandu am yo inatoi am kando anak noh. ²¹ Am pagaka no karuo no nangandu ra ruandu nabalu gino. Am patoi poyo solor nu gili am kando poyo anak nilo, am kono gino poyo pagaka nilo katalu li. ²² Am kawi nilo poyo tulu sangaka nangandu da danu gino, gili am inatoi yak ilo sario am kando anak nilo kawi, am pupus nali inatoi yak bagu danu gino. ²³ Paat nu orou kayaahan ra ulun inatoi ra gili, aun ki ra gili, agandu ra danu gino? nga tulu sangaka giano nangandu yak ra danu gino. ²⁴ Am limbang ri Yesus rilo, ''nasalan mi namahuang! nga ika kua akau napandai ra gino?. Akau ika akarati ra Alkitab am kuasa nu Allah noh. ²⁵ Paat nu ulun inatoi anduli ayaah, ilo pono am ahando yak ra kinabalo nu Malaikat ra Syurga, ilo ika bagu agandu. ²⁶ Am intor ra baal nu ulun matoi am pandulio kayaaho, ika poyo ki akaau namasa ra danalom nu itab ri Musa li ra paat nu nasakot noh am apui nalaang?. Uh ra danalom nu rahu gino napongo natulisan nu mangun yo indahu ri Musa, auh nga mangun sambaan ri abraham ishak am Yakub. ²⁷ Am noyo gino mangun nu ulun ayaah, sala ka Allah nu ulun matoi nasalaan mi namahuang!'' ²⁸ Paat ra gino sino sangulun guru taurat am nakaringoh ra ilo ahahayaam. yo nkailong ri Yesus am limbangoo noh rahu nu ulun Saduki am rahu Onsoi. gili yoh indahu ri Yesus, ''Aun ki panusuban minguluura kawi nu panusuban giano?. ²⁹ Am limbang ri Yesus, ''gitu nga panusuban kasa, onsoi akau angkinongoh, u ulun nu Israel!, Saumi yak Tuhan mangun yo gino mangun Esa taka. ³⁰ Onsoi akau masi ra Tuhan mangun mi, am angkoos huang mi, am angkoos bayah mi am angkoos mi am kawi nu kotoh mi. ³¹ Am panusuban karuo, yo gino ''onsoi akau masi ra kawi nu ulun angilar ra akau asiano ra inan mi am kando noh panusuban bokon intar ra karuo_ruo panusuban gitu''. ³² Guru taurat gino indahu ri Yesus ''onsoi guru!. akintopot ra ragu muno guru; am sumi yak Tuhan yo gino Allah am kando noh Allah mangun intor rio. ³³ Nga onsoi taka yak maya ra mangun am angkoos ra huang, am angkoos pinawoo, am kawi poyo nu kotoh taka, am yo poyo masi ra kawi nu ulun kono iso masi ra inan tohom noh kabata. maya ra karuo_ruo panusuban gitu intar ra itaka anaak ri kium ra maan solobo am takin taka bokon ra Allah. ³⁴ Am kinongoho ri Yesus am onsoi noh pinamalimbang nu guru Taurat, am rahu ri Yesus rio, ''Akau angimuun mamaar asauk ra ulun tinongoi nu Allah''. pongo nu gili am kando ka sangulun asioog amalimbang ra rahu ri Yesus. ³⁵ Paat ri Yesus ambala ra ulun ra baloi intok sambayang gino. rahu kono, ''Aun oson nu guru taurat giano mindagu ra raja kayahan nirandi nu Allah gino sua ri Daud li?. ³⁶ Sino po kua rahu ri Daud maya ra bansuk nu Roh nu mangun, rahu kono. mangun napongoh inindahu ra Tuhan ku; rahu kono, anturung ko ra solor ra pamirisku suku auh tumunduk ra ulun alaat rano ra kindangon nu kalayam mu. ³⁷ Am kono poyo sabiton ra kayahaan hino ra Tuhan am aun ki koson noh sabiton ra sua ri Daud yak?. ³⁸ Paat ri Yesus ambala rilo, yo indahu ''huangon mi guru taurat . ilo asiga lakou_lakou am nambabaru ra jubah asawt, am asiga ilo yak ansukon nu ulun paat nilo sino ra pasar. ³⁹ Ilo asiga anturung ra intok onsoi ra baloi intok sambayang am paat loh aginakan ra agilu. ⁴⁰ Ilo anglolobou ra danu nabalu am ampangaau poyo ra baloi nu danu, nabalu rano. am ilo agaolo_olo sambayang. Apasawat ra sambayang rilo, ilo gino akalap ra ukuman agaat bonsoi!. ⁴¹ Panturung Yesus ra maar nu pati pamulian ra uwong ra baloi nu Tuhan, gili oyoh Amuayayah ra pakuan nu ulun asuang giano amului ra uwong ra luang nu pati gino. Asuang ulun akaya rano anaak ra uwong asuang. ⁴² Am suku nu sangulun danu nabalu am kando atu_atu. Inatong am nanamos ra duo ngapila uwong tambaga nga logoh noh sangusin yak. ⁴³ Am ipagi ri Yesus ulun ubason noh giano am rahu kono, ''Huangon mi onsoi_onsoi rahu kutu, danu nabalu kando atu_atu gitu nanaak ra taak mayoo noh intor ra taak nu ulun bokon. ⁴⁴ Am kawi nu ulun bokon nanamos ra usin sawah nu kakayaan rilo, am ruandu nabalu gino am gamano yo kando atu_atu, yoh anaak ra atu_atu rio, am yo poyo anaak ra kawi nu sino rio.