¹ Usuro imum yare Sa a wiro makiri: Tirusa uguna, "vat uru tizin nu rusa." Urusa ukeuē Jezze Uni boroo, U hemu wuza a soo. ² Inki uye mabasa marusa ire mun, unu ugi nome mamu rusa imumbe sa yawuna urii marusi ba. ³ Inki uyd mazinnu hem inna Asere, masa rusa innu nugeno me. ⁴ Usuro abanga imum yare sa a wiroo makiri: Ti rusa u guna, "makiri unee uge me daki iri mum ini ba, "ukuru buka" Are Asere azoni senke a inde." ⁵ Inki aguna agino me sa atisa makiri marani, nani anyimo Azesere nani unee. Kasi gusi sa aye wa rani agusan we, "makiri sas, sas, unee nani Azesere." Kasi gusi besa "makiri ma rani nan ana ti kura" gbardang. ⁶ Anime ahira aru, Asere a inde ani, acoo unee vat, usuro u me uni a bara vat timumum barki me, ti vengize, Ugomo Asere U inde mani, desa usuro u me uni konde nyani ya cukuno, hartu me cangi, usuro ume uni ti rani." ⁷ A' anime daki konde avi mani m azin u rusa uge me ba. Ine ini ya wuna dati u tuba, aye wa nanzo makiri, wa kuri wa ri igino me kasi i gebe sa, awuza makiri. Iriba iwe ya corno me barki uzati u nikara ni u tonmo. ⁸ Daki imum yare ini i nyinza unu ukaba ahira Asere ba. Daki ta cukuno aburi ba inki ta gan duru ure me nani u ri inki ta re. ⁹ A name wuza seke kati u ceki ushi me u cukuno binyo bi upilliko. ¹⁰ Gusi ingi uye ma ira, de sa mazinu urusa, u re imum yare ahira amakiri. zati u inikara ni turi iriba ma ira we hu unu rusa, u zin are imum yare sa awito makiri, daki wa nya me nikara naru in guna mari imum yare i makiri me ba? ¹¹ Barki u rusa uwe azesere uzina u makiri, uhenu unu zati u nikara ni itonno iriba, desa yeso ma wi barki me' a hu me. ¹² Barki anime, inki wa cara anuhanu anu zati u nikara ni turi iriba, wawuza ni hara ni madini aje Ugomo Asere. ¹³ Inki imum yare idi wu uhanu ma pilliko, indi kuri in ri inama ba, barki kati in hunguko uhenu um urizo.