¹ Barki timumum sa anyettike, "Ya wuna uri unubu kati ma dari uneh ba." ² Barki timumu ti madini sa ta wuna gbardang, ya wuna uri konde uya vana uruma ma cukono nan uneh ume konde uya uneh ma cukuno nan uruma ume. ³ Konde uya unakura ma nya uneh ume me imum be sa ma nyara, konde uya uneh ma nya uruma, ume me imum sa nyra. ⁴ Uneh ma zo inu bezi in nipum nume ba uruma mani inipum ni uneh ume, ane ani, uruma ma zo unu bezi in nipum nume ba uneh me mani. ⁵ Kati i Karti ace ashi in apum ashi ba, senke inka konde avi ma hem, wuza ani me barki i benki ace in biringara i duku kuri i ugurna, barki kati bibe bi buri bi rangi shi barki uzatu meki ace ashi me. ⁶ In boo shi anime barki kati imum me icorno me, azo ma wuna shi ba. ⁷ Ma nyara konde avi ma cukuno kasi mi, barki ani me konde avi mazi inu aye u rizo ume, uye mazi nu sanda urizo uge uye ugino. ⁸ Ahira anu zati anya nan anu zatu anu ruma, ya wuna uri wa cukuno sarki, kasi uzina um. ⁹ Barki anime inka wa da ke ba wa meki ace awa ba, ya wuna uri wa wuzi anya, iteki un iri wa wuzi anya inu guna wa ceki myei ma aje. ¹⁰ Ahira ana tinya, in nyiza ti tize tige me azo me ba, Ugomo Asere mani "Kati uneh ma ceki uruma ume ba". ¹¹ In ka ma ceki uruma ume me, ca ma cukuno sarki anya nani ma barka nan uruma ume me, ane ani kati uruma, "ma ceki uneh me ba. ¹² Ahira ukasu anu in gusa azo Asere ba inka ure uhena mazin uneh azo unu tarsa Asere ba, Inka ma hem ma cukuno nan me kati ma ceki me ba. ¹³ Inka uneh mazin unu ruma unu zatu tarsa Asere, In ka ma hem ma cukuno nan me, kati ma game uwuza anya nan me ba. ¹⁴ Uruma unu zatu ukuba Asere ma cukuno a inko sas barki uneh ume me, uneh uzatu ukabe Asere ma cukuno a inko barki uruma umeme unu kaba Asere barki ane ba ahana ashime wa cukuno ana madini, barki anime we anu inko wani. ¹⁵ Barki ani inka uroni unu zatu tarsa Asere ma suro, ca a ceki me ma suri, usanda imum igino me, uhenu uruma nan uhenu u eh azo atiri ziza we ini unu mko utize tuwe ba, Asere a titan duru ti cukuno anyimo a masaa. ¹⁶ Ane ni urusa awu uneh, ma madi buri uruma uwe me? Nani aneni huu uruma udi buri uneh uweme? ¹⁷ Ca konde avi ma wuzi Imum besa ugomo Asere a inko me, ane ani Asere atita me, Ine ni ubuka a ko di uya udenge Asere. ¹⁸ Unu mazin nigbari uganiya sa a titi me ukaba Asere? Kati ma wuzi dibe ukunna utize, unu mazo me ini gbari uganiya a titi me ukaba utize? Kati ma nyari nigbari. ¹⁹ Nigbari nan uzatu unigbari azo ine ini anyara ba, Imum Idang me ine ukunna utize nan u inko utize ta Asere. ²⁰ Konde avi ma tunno anyimo utita sa Asere atitime uganiya sa ma kabi tize ta Asere. ²¹ Huu urere mani uganiya sa Asere a titi we? Kati u inki iriba in aneba, inka uzin unu ira upitii kati uwuzi ane ba. ²² Barki desa Asere atiti me uganiya sa mazi urere, ma buru we Asere ane ani desa abura me uhana ukaba Asere, urere Asere mani akwa shi ini kirfi idang barki kati icukuno arere anabu. ²³ A kpi shi in nu kalu kati icukuno arere anuba. ²⁴ Anu henu ukodi ya uganiya sa ko da avi uru ma ra anyimo a titi duru uhana kaba utize ta Asere, ca ti cukono anime. ²⁵ Andesa da wamu wuza anyah ba, inzom un ure ubuku ba in ani me ingusa desa a hira anipum na Asere, icukuno ani me. ²⁶ Barki ani me in hira barki tize ti buru sa ti hana azo inu dadon kino ba, ya wuna uri inu ma cukuno anime. ²⁷ Wa tira vanu eh? Kati unyari ubuka ahira ameme, Da wa tira vanu eh? Kati unyari anya nan vanu eh. ²⁸ Barki anime inka wa wuza anya da wa wuza inium imadini ba, in ka vanu eh unu zata anya ma wuza anya, da ma wuza madini ba, in ka vanu eh unu zata anya ma wuza anya, da ma wuza madini ba, se andesa wa wuza anya wadi ziti sasas uganiya sa wa zin ini vai, in kuri inyari uhara uwe. ²⁹ Barki in boo uhenu uganiya wa aka: ca ande sa wa zin ina neh wazi ticukum kas ande sa wa zin we ba. ³⁰ Ana aso wa cukuno kasi anu zatu aso, anu apuru arum kasi anu zatu apuru arum, anu kpija itimumu kasi anu zatu imum. ³¹ Ande sa wa wuza tanu nan unee kasi ande sa wa ha nan uni ba, barki tamu tu nee ta aye ubinani umara. ³² In nyara in suri anyimo uba bgardang, unu zatu anyai mazi nu basa abanga Asere, ane ni madi kabi me. ³³ Una nya ma basa abanga a timumu tunee, aneni madi hem uneh ume. ³⁴ Iriba imeme ya harzina. Uneh unu zatu anya mazinu basa u timumun ti ugomo Asere, ane ani madi inki nice nume in bibe ba Asere. Uneh una nya mazinu basa abanga unee, aneni madi hem unu ruma umeme. ³⁵ In boo shi anime barki ubasa ushi uni, azo barki in gbari shi ba. Ma buka ani barki imum besa izi anime, kasi usanda utarsa Asere sa muriba mushi ma harzina ba. ³⁶ Inka uye ma basa unuguna imum be sa ya kem kubura kumeme - Inka ma aka tiwe ta nya, ani me ya cukuna - ma wuzi imum be sa ma nyara. Azo madini mani mazinu wuza ba. Ca wa wuzi anya. ³⁷ Barki anime inka ma tonno ini kara iribe, imeme, inka mada siza me ubusara ba, mada kem ma inta nice numeme memmerun, ma kuri ma tira iriba imeme ma wuzi ani me, ma rusi utarsa in kubura kumeme ya wuna uri. ³⁸ Barki anime, sede sa ma wuza anya nan kubura kumeme ya wuna uri, me desa ma zauka uwuza anya ma wuza memmerun. ³⁹ A tiriza uneh barki uruma, u vat ticukum tumeme. Barki anime inka uruma ma wono, ma da ke ma wuzi anya nan desa sa hem nan me, ca ma wuzi anyimo Asere. ⁴⁰ U ira um, madi teki ini riba irum. In kuri in basa izin in bibe ba Asere.