¹ Inka uye anyimo ashi me mazin in matara nan uye, ca madusa ani kubu ahira unu inko itize tini kubu tu zatu kadure, sa unu guna a hana ahira anu tarsa Asere? ² Shi ida rusa shiba, anu tarsa Asere wani wadi wuzi unee u inko u tize? Inka she wani idi wuzi unee u inko itize, se ibuki kadure ka uni izatu iriri? ³ Ida ta shiba haru wani tidi wuzi ibe ya Asere u inko utize tini kubu? Nani u inko utize tini kubu katuma ki ivai? ⁴ Inka iwuza u iso utize tini kubu katuma ka kani nan ko di uya uwui, nyani ni ya wuna ko di uya uwui, nyani ni ya wuna ihazan unu sanda ubasa utize tigino aje ande sa wa zome anu udenge Asere ba? ⁵ Ma buka ani me bati in kunna me eh. Uye mazo me unu rusa abanga a nyimo ashime sa mada ki ma barka tize anyimo ani henu? ⁶ Kasi ane ani izi, unu tarsa Asere ma ha unu nu tarsa Asere ani kubu, aje adesa mazo me unu tarsa Asere ba! ⁷ Ti cukum tu zatu urunta anyimo anu tarsa Asere ya bezi uguna ya mu sizike shi. Nyani ya wuna uda nata we utame uwe ba? Nyani ya wuna udi hem ateki we ba? ⁸ Ana me ya wuza aye imumu izenzen ya kuru ya yomko we, we wana henu ushi wani! ⁹ Itashi ba anu zatu kadure wa wada kem uribe Asesere ba? Kati ihem ina na mocoba. Nan anu madini, nan anu zatu tarsa Asere, nan ana madini, nan anu tarsa ahana eh, namu cara a hana aruma. ¹⁰ Nan akari, nan anu inta pash nan ana bi siza nan anu tizogo, nan akari - uye anyimo awe me mada ribe anyimo Asesera ba. ¹¹ Ane ani aye anyimo ashi me wa zi, anu a kpico we, awito shi ahira Asere, a kurzo uturi ishi me reb aje Asere anyimo aniza ni Ugomo Asere Yeso unu bura, a hira abibe ba Asere aru. ¹² Vat timumu tum tini, "Azo konde nyani ini ika tuma ba. Vat timumum tum tini" Ada hem me ire imum iteki nikara num ba. ¹³ "Imum yare barki apuru ani, apuru barki imum yare ini" barki ani Asere adi kari we vat. Da awuna nipum barki madini ba barki ani me, nipum barki Asere ani, Asere adi nya nipum timum. ¹⁴ Asere a hira ugomo Asere, madi hirzan duru unikara numeme. ¹⁵ Ita shiba apum ashi me ti hihira ta Asere tini? Ida ke Iziki ta hihira ta Asere in pati na unee umadi? Uwuza ufai! ¹⁶ Nani itashi ba vat desa ma toozo na uneh umadi, ma cukuno nipum ni inde nan me? ¹⁷ Ane ani tize ka Asere ta buka, "We wa re me wa cukuno bi nama bi inde". Barki ani me desa a pati nan Ugomo Asere ma cukuno bibe bi inde na me. ¹⁹ Ita shi ba apum ashi me udenge u bibe bi riri, bi ge sa bi ciki anyimo ashime, be sa ya kem ahira Asere? Ita shi unu guna shi azo ace ashi ani ba? ²⁰ A kwa shi ini kirfi gbardang barka ani me, nonzo ni Asere in napum ashi me.