90 ⁹ تی غضب اَمی عمرَ کوتاهَ کود و خودمانِ عمرَ خواب و خیالِ مَأنستَأن گوذرانیم. ¹⁰ اَمی عمر هفتاد ساله و اگر قویتر بیبیم هشتاد سال عمر کونیم، ولی همۀ اَمی زندگی دورانِ میَأن، چیزی جُز درد و رنج اَمی نصیب نیبه، و اَمی عمر زود تومامَ به و وَأستی پرواز بوکونیم و بیشیم. ¹¹ کیه کی بدَأنه تی خشمِ شدت چقده؟ کی دَأنه کی چقد وَأستی تی غضبِ جَه ترسِن؟ ¹² اَمرَه یاد بدن کی بدَأنیم اَمی عمرِ اَیام چقدر کوتاهه، تا اَ عمرِ کوتاه میَأن عاقلَ بیم. ¹³ خداوندا وَأگرد، تی خشم تا کِی طول کِشه؟ خودتِ بنده یانَ رَحم بوکون. ¹⁴ صُبحان اَمرَه تی محبتِ جَه سِئرَه کون، تا همۀ اَمی عمرَ شادی بوکونیم و سرود بخَأنیم. ¹⁵ به عوضِ روزایی کی اَمرَه غم و مصیبتَ مبتلا بوکودی و او سالانی کی بدی بیده ایم، هَسَه اَمرَه خوشحال و سربلندَه کون. ¹⁶ تا تی عجیبه کاران تی بنده یانِ رِه آشکارَ بِه، و اوشَأنِ زأکأن تی عظمت و قدرتَ بیدیند. ¹⁷ خداوندا، اَمرَه لطف بوکون و همۀ اَمی کارانِ میَأن اَمرَه برکت بدن، بله، همۀ اَمی کارانِ میَأن اَمرَه برکت بدن.