81
1
خدایی رِه کی اَمی قوّته سرود شادی بخَأنید، یعقوبِ خدا رِه خوشحالی مرَه فریاد بوکونید.
2
سرودَ شروع بوکونید، دفَ بأورید، بربط و چنگ بزنید.
3
عیدِ روزانِ رِه شیپور بزنید، اولِ ماه و موقعی کی ماه کاملَ بِه.
4
چره کی اَ رسمی ایسه اسرائیلِ رِه، و حُکمی ایسه یعقوبِ خدا طرفِ جَه.
5
اَ عیدَ وختی اسرائیلِ مردمَ فَأدَه کی مصرِ جَه بیرون شوئون دوبود. بیگانه صدایی ایشتَأوم کی گویه:
6
سنگینِ بارَه شیمی دوشِ جَه اوسَأدم و شیمی دسَأنَ سبد بوردَأنِ جَه آزادَه کودم.
7
وختی گرفتاری میَأن ایسَه بی مرَه رو بأوردی، و من ترَه نجات بدَم، رعدِ میَأنِ جَه ترَه اجابت بوکودم، و «مِریبَه» چشمه یانِ ورجَه تی ایمانَ امتحان بوکودم.
8
ای می قؤمِ خاص، شمرَه هشدار دهم، ای اسرائیل کاش می گبأنَ گوش بوکونی.
9
خدایِ دیگری یَ پرستش نوکونید و خدایِ بیگانه جولو سُجده نوکونید.
10
من یَهوَه تی خدایم کی ترَه جی مصرِ سرزمین بیرون بأوردم، تی دهَنَ خوب بازَه کون و من اونَ جی برکت پورَه کونم
11
ولی می قؤم می گبانَ نیشتَأوستد و بنی اسرائیل می جَه ایطاعت نوکودد.
12
پس منم اوشَأنَ ترکَ کودم تا خوشَأنِ راهَ بوشود و مطابقِ خوشَأنِ میل زندگی بوکوند.
13
ای کاش می قؤم مرَه گوش بدَه بود و بنی اسرائیل می جَه ایطاعت بوکوده بِه.
14
اونموقع سریع اَشَأنِ دوشمنانَ شکست دَئِم و همۀ اوشَأنِ مخالفانَ مجازات کودم.
15
و اوشَأنی کی خداوندِه جَه نفرت دَأرد ترسِ اَمرَه اونَ تعظیم کودد و تا اَبد مجازات بوستد.
16
و شمرَه بهترین گندمِ مرَه خوراک دَئم و صخره عسلِ اَمرَه سِئرَه کودم.