68
1
ای خدا ویریز و دوشمنانَ پراکندَه کون، وَأهَأل اوشَأنی کی تی جَه نفرت دَأرد تی درگاهِ جَه فرار بوکوند.
2
دودی مَأنستَأن کی بادِ دورون پراکندَه بِه، شریران خدا حضورِ جَه هلاکَ بود، چوطو کی موم آتش رو آبَ بِه.
3
ولی دوروستکاران خدا حضورِ جَه خوشحال و سر بلندَه بود و شادی جَه فریاد زند.
4
خدا رِه سرود بخَأنید و اونِ نامَ ستایش بوکونید. اونِ رِه کی اَبرانَ سواره راهی بازَه کونید، اونِ نام یَهوَه یه، اونِ حضورِه جَه آواز بلندِه اَمرَه شادی بوکونید.
5
خدایی کی خو خانۀ مقدسِ دورون ساکنه، یتیمانِ پئره و بیوه زنأکانِ فریادرس.
6
خدا بی کسانَ سر و سامان دِهه و اسیرانَ شادمانی مرَه آزادَه کونه. اما کسانی کی فتنه به پا کوندَه بیابانِ جَه آواره کونه.
7
ای خدا وختی کی خودتِ قؤمِ پیشاپیش حرکت کودی و اوشَأنَ بیابانِ میَأن هدایت کودی،
8
زمین بلرزست و آسمان خدا حضورِ جَه بوارست، و خدا حضورِ وَسی، اسرائیلِ خدا وَسی کوهِ سینا به لرزه دکفت.
9
ای خدا تو نعمتانَ بوارانِه ایی و خودتِ قؤمَ قوّت و نیرو ببخشه ایی چونکی خسته و ناتوان بود.
10
تی قؤم سرزمینِ موعوده میَأن سامان بیگفتد و تو ای خدا محتاجانِ نیازَه برآوردَه کودی.
11
خداوند فرمان دِهه و زنانِ زیادی اَ مژده یَ مردمَ رِسَأند.
12
لشکرانِ شاهان فرار کوند و زنَأکان خانه یَأنِ میَأن غنیمتانی کی بدس بأورده دَأردَ خوشَأنِ میَأن قسمت کوند.
13
اوشَأنی کی طویله میَأن خوفتد، هَسَه کبوتری یَ مَأند کی اونِ بال نُقره جَه یه و اونِ پَرأن طلا جَه.
14
قادرِ مُطلق پادشاهانَ پراکندَه کود، برفِ دانه یانِ مَأنستَأن کی صَلمُونِ کوهِ رو پراکنده بِه و آبَ بِه.
15
ای خدا کوه، ای کوهِ با عظمتِ باشان، ای کوهی کی بلند قلّه یان دَأری.
16
ای بلندِ قله یان، ای باشانِ قله یان، چره کوهی یَ کی خدا خو خانه رِه انتخاب بوکوده حسرتِ اَمرَه فأندرید؟ تا اَبد خداوند در اویَ ساکن بِه.
17
خداوند هزاران هزار اَرابه اَمرَه جی کوهِ سینا بوشو دَأره صَهیون کی اونِ مقدسِ جایگاهه.
18
بازن به عالم بوجُر صعود بوکود و ایتَه عده یَ خو مرَه به اَسیری بوبورد. آدمیانِ جَه، حتی کسانی جَه کی زمانی یاغی بود هدیه فَأگیفته دَأره، یَهوَه خدا اوشَأنِ میَأن ساکن بِه.
32
ای جهانِ سرزمینان، خدا رِه سرود بخَأنید، خداوندِه رِه سرود بخَأنید.
33
اونِ رِه کی آسمانانِ ازلی رو سواره.
34
اویِ جَه اونِ پور قوّت آواز به گوش رِسِه.
35
خدا قدرتَ اعلام بوکونید، اونِ قوّت آسمانانِ میَأن دیده بِه و اونِ جلال قؤمِ اسرائیلِ رو نَهه.36 ای خدا، خودتِ قُدسِ دورون چی مهیبی، اسرائیلِ خدا خو قؤمَ قدرت و عظمت فَأده. مُتبارک بیبه خدا.