67
1
خدایا اَمرَه رَحم بوکون و برکت بدن و خودتِ رویِ نورَه اَمی رو بتابان.
2
تا همۀ مردم ترَه بشناسد و تی نجات همۀ اُمتانِ رِه آشکارَ بِه.
3
تا همۀ مردم ای خدا تی شُکرَ بجا بأورد و ترَه پرستش بوکوند.
4
اُمتان شادی کوند و سرود خَأند، چره کی تو قؤمَأنَ عادلانه داوری کونی و همۀ جهانِ اُمتانَ هدایت کونی.
5
ای خدا بیبه کی همۀ قؤمَأن ترَه شُکر بوگوید و پرستشبوکوند.
6
اونموقع زمین خو محصولَ فَأده و خدا، اَمی خدا اَمرَه مبارک کونه.
7
خدا اَمرَه برکت دِهِه و همۀ جهانِ مردمان اونَ احترام نهد.