58 ¹ ای حاکمان، واقعاً شومَأن عدالتِ اَمرَه حُکم کونید؟ ای قاضیَأن آیا انصافِ اَمرَه داوری کونید؟ ² اَطو نیه، شومَأن شیمی دیلِ میَأن فکرای پلید دَأرید و شیمی دسان زمین رو ظلم کونه. ³ شریران خوشَأنِ مارِ شکمِ جَه منحرفد، جی هون روزی کی بودونیا اَید دوروغ گوید و گومراهَ بود. ⁴ اَشَأن زهری دَأرد لانتی زهرِ مَأنستَأن، افعی مَأنستَأن کی خو گوشَ دوَده ⁵ تا جادوگرانِ آوازَ نیشتَأوه، هر چقدرم جادوگران مهارتِ اَمرَه جادو بوکوند. ⁶ ای خدا اَشَأنِ دندانانَ اَشَأنِ دهنِ میَأن بیشکن. ای خداوند اَ شیرانِ دندانانَ خوردَه کون. ⁷ بدَه آبی مَأنستَأن کی خوشکِ زمینِ رو فیوه، نیست و نابودَه بود، بدَه وختی تیر تَأودَأد اوشَأنِ تیر به هدر بیشه. ⁸ بدَه رابِ مَأنستَأن کی گیلِ میَأن فرو شِه محوَ بود و زَأکی مَأنستَأن کی مُرده بودونیا اَیه آفتابِ رنگَ نیدیند. ⁹ خداوند پیشتر جی اونی کی تیان، خیس و خارِ آتشِ جَه گرم دکفه، همۀ اوشَأنَ، تر و خوشک جی میَأن بوره. ¹⁰ عادلان وختی بیدیند کی شریران خوشَأنِ گوناه جزایَ دِئِن درد خوشحالی کوند، و خوشَأنِ پایَ اوشَأنِ خونِ دورون شورد. ¹¹ آخر سر همۀ مردم گوید: راستی کی دوروستکاران پاداش فَأگیرد، واقعاً خدایی ایسَه کی جهانِ میَأن داوری کونه.