47 ¹ ای قومَأن دست بزنید و شادی بوکونید، آواز شادمانی اَمرَه خدا حضورِ جَه فریاد بوکونید. ² چره کی خداوند قادرِ مُتعاله، اون همۀ جهانِ میَأن پادشاهِ عظیمه. ³ اون باعث بِه همۀ قومَأنَ شکست بدیم و همۀ طایفه یانَ اَمی پا جیر تَأوَأده. ⁴ سرزمینی یَ اَمی سکونتِ رِه اَمرَه میراث فَأده، سرزمینی کی یعقوبِ زَأکأنِ رِه باعثه افتخاره. ⁵ خداوند صدایِ شیپور و شادی میَأن خو تختِ رو بینیشت. ⁶ سرود بخانید، خداوندِه ستایشِ رِه سرود بخانید، سرود بخانید، اَمی پادشاه ستایشِ رِه سرود بخانید. ⁷ چره کی خدا همۀ جهانِ پادشاهه، سرودِ اَمرَه اونَ ستایش بوکونید. ⁸ خدا خو مقدسِ تختِ رو نیشته و همۀ اُمتانِ رو حکومت کونه. ⁹ جهانِ پادشاهان ابراهیمِ خدا قؤمِ اَمرَه جمعَ بود، چره کی اون همۀ لشکرانِ جَه قوی تره اون واقعاً مُتعاله.