45 ⁸ تی رختان همه خوش عطره و مُرّ و عود و سلیخه عطرَ دِهه، تی کاخِ دورون کی عاجِ جَه چَأکوده بوبُسته، تارِ صدا ترَه خوشحالَ کونه. ⁹ تی ندیمه یان جی شاهزاده یاند، ملکه تی راستِ طرف به پا ایسَه و طلایِ خالصِ اَمرَه تزئین بوبُسته. ¹⁰ ای دختر جان بیشتَأو و می نصیحتَ گوش بوکون، تی قؤم و تی پئرِ خانه یَ جی خاطر بوبور، ¹¹ تا پادشاه تی جمالَ عاشق بیبه، چره کی اون تی خداونده، پس اونَ عبادت بوکون. ¹² صورِ سرزمینِ مردم ترِه هدیه اَورد و قؤمِ ثروتمندان تی رِضامندی یَ طالب بود. ¹³ پادشاه عروسَه فَأندرید، اون خو کاخِ دورون خو طلایی رختانِ میَأن چی قشنگه. ¹⁴ اونَ اونِ رنگارنگِ رختانِ اَمرَه بورد پادشاه حضور، و اونِ ندیمه یان اونِ دونبال سر شُد پادشاه حضور. ¹⁵ اوشَأن خوشی و شادی اَمرَه اَید پادشاه قصرِ دورون.