20
1
خداوند ترَه روزِ سختی و بلا میَأن اجابت بوکونه، یعقوبِ خدا تی جَه محافظت بوکونه.
2
خداوند خو مقدسِ معبدِ جَه ترَه کمک اوسه کونه و جی صهیونِ کوه ترَه حمایت بوکونه.
3
همۀ تی هدیه یانَ به یاد بأوره و تی سوختنی قربانی یانَ قبول بوکونه.
4
تی دیلِ نأجِه یَ ترَه فَأده و تی نقشه یان به انجام برسه.
5
اَمَأن وختی بیشتَأویم تو پیروزَه بوسته دَأری خوشحالَ بیم و به اَمی خدا نام پیروزی پرچمَ راستَ کونیم. خداوند همۀ تی دوعایانَ مستجاب بوکونه.
6
هَسَه بدَأنستم کی خدا خو مسیحَ یاری رِسَأنه و خو مقدسِ مکانِ جَه اونَ اجابت کونه و خو راستِ دسِ قوّتِ اَمرَه اونَ پیروزَه کونه.
7
8
اوشَأن شکست خورده و کفد، ولی اَمَأن ویریزیم و اطمینانِ اَمرَه به پا ایسیم.
9
ای خداوند، اَمی پادشاهَ پیروزی عطا بوکون و وختی ترَه دخَأنیم و تی جَه کمک خَأئیم اَمرَه اجابت بفرما.