4
1
پس همه وَأستی اَمرَه به چومِ مسیح خادم، و مباشرانی فَأندرد کی خدا اَسرار اوشَأنَ امانت فَأدَه بوبُسته.
2
و مباشر وَأستی اَمین و قابلِ اعتماد بیبه.
3
اما مرِه، شیمی قضاوت یا هر دادگاهِ انسانی دیگری قضاوت اَهمیت نَئره، من حتی خودمِ نظرم مرِه مُهم نییه.
4
چره کی خودمِ میَأن عیبی نیدینم، ولی اَن دلیل نیبه کی من بی گوناهم، بلکی اَن خداونده کی دربارۀ من حُکم کونه.
5
پس دربارۀ هیچی عجله اَمرَه قضاوت نوکونید تا خداوند بَأیه، اون اونچی کی هَسَه تاریکی میَأن جیگا بوخورده یَ روشنایی میَأن ظاهرَ کونه و هر کسِ دیلِ نیّتَه آشکارَ کونه، اونموقع هر کسی کی لیاقت بدَأره خدا اونَ تحسین کونه.
6
ای برَأرأن، اَ چیزانَ دربارۀ خودم و اَپُلس شمرَه رِه مثال بزَم تا شومَأن اَمی جَه یاد بیگیرید و اَ گبِ معنیه بفهمید کی «اونچی کی بینیویشته بوبُسته جَه تجاوز نوکونید»
7
چون کی ترَه بوجُر بوبورد؟ چی دَأری کی خودتِ جَه بیبه و خدا ترَه نبخشه بِه؟ پس اگر ترَه ببخشه بوبُسته، پس چرِه جوری افتخار کونی کی اِنگار خودت بدس بأورده دَأری؟
8
انگار هر چی کی خَأستیدَ بدس بأورده اید! فکر کونید همه چی شمرِه فراهمه! سلطنت کودأن درید اونم بدونِ اَمَأن! ای کاش کی واقعاً هَطو بوبُسته بِه و اَمَأنم شیمی اَمرَه سلطنت بوکوده بیم!
9
چره کی من فکر کونم خدا اَمَأن رسولانَ، اَسیرانِ محکوم به مرگِ مَأنستَأن کی صفِ آخرِ جَه ایسد به نمایش بنَه دَأره، چون همۀ جهان، چی مردم و چی فرشته یان، اَمرَه تماشا کودَأن درد.
10
اَمَأن مسیح وَسی جاهلیم، ولی شومَأن مسیح میَأن دانائید! اَمَأن ضعیفیم، ولی شومَأن قویئید! اَمرَه حقیر دَأند، ولی شمرَه افتخار کوند!
11
اَمَأن تا هَسَه ویشتا و تشنه ایم، اَمی رختان پارَه بوسته دَأرد و کهنه ید، پأیی بوخورده أیم و آواره و سرگردانیم.
12
زحمت کشیم و کار کونیم، و اَمی دسرنجِ جَه اَمی زندگی یَ تأمین کونیم، فُحش ایشتَأویم، ولی دوعایِ خیر کونیم، وختی اَذیت بیم، تحمل کونیم.
13
وختی اَمرَه اِفترا زند، مهربانی اَمرَه نصیحت کونیم، ولی تا هَسَه اَمی اَمرَه آشغال و فیشَأدنی چی مَأنستَأن رفتار بوکودد.
14
اَشَأنَ نینیویسم کی شمرَه شرمنده بوکونم، بلکی خَأیم می عزیزِ زَأکأنِ مَأنستَأن شمرَه نصیحت و راهنمایی بوکونم.
15
چون هر چند هیزار تَه هم مسیح میَأن مُعلم و استاد بدَأرید، ولی پئر زیاد نئرید و فقط من شیمی پئر به حیساب اَیم، چون من انجیلِ پیامَ شمرَه بشارت بدم و اَطو شیمی اتحادَ مسیح مرَه باعث بوبُستم.
16
پس شمرَه التماس کونم می جَه تقلید بوکونید.
17
هَنه وَسی تیموتائوسَ شیمی ورجَه اوسه کودم. اون می عزیزِ زَأکِ و خداوندَه وفادار، اون می راه و اصولَ مسیح میَأن شمرَه یاد دِهِه هوطویی کی خودم هر جا شوم کلیسائانِ میَأن تعلیم دِهم.
18
بعضیان گومان کوند کی من دِ شیمی ورجَه نَأیم، هَنه وَسی مغرور بوبُسته دَأرد.
19
ولی اگر خدا بخَأیه بزودی شیمی ورجَه اَیم، بازن فهمم کی اَ گُستاخان فقط تَأند سر و صدا بوکوند یا واقعاً قدرتم دَأرد.
20
چونکی خدا پادشاهی فقط به حرف نییه، بلکی قدرتِ مرَه یه.
21
کَ ی تَه یَ انتخاب کونید، چوبِ اَمرَه شیمی ورجَه بَأیم، یا مهربانی و روحی ملایمِ اَمرَه؟