1 Met Farisi ipa lanaru be lodok Yesusa tumtu met ahli Taurat ladok polo Yerusalem. 2 Meipa lem Hun Yesusa ni met lahemai li rotipuli pa mansopa kokan ipa sikama, kukura lasou kokanipa po. 3 Kukara met Farisi tumtua met Yahudi ipa lanan purin lasouhei kokan mpa bon kukura lanin adatpa lasau anbi. 4 Met Yahudi ipa lodok po kamna sia lanan campo sagado losou kokan ipa. Kukna lanin lasan asiapa lasanasi. 5 Bepol ido, met Yahudi tua ahli-ahli Taurat ipa latun Yesusa, leta anin be nim murid tipa labedel adat to abu lanin hahei hanpobe , mewa memkokan sikamunrin ido miy votito? 6 Yesusa nasui tu meipa, Yesaya nasui be anhei be meu ala matuk apa, lakain lane: mei-wo maten ane lamarin lne po gankani ipabi, nyenlo ipa sisaklan ine. 7 Me- ipa lasom inepo, kukura latin sibe galiy macobei 8 Labedel Allah, niasui ipa po, meuula memsau karakir macobei, 9 ido Yesusa nasui tu me-ipa, meuula mamseu Allah nigaliy mansope memsaulatep mankun manin adato bonahana. 10 Kakara, Musa nasuibe mongkone: makalesen manin nanipa tua manin nenipa bepoido metabe namsuw imapa tu inyapa ido labuni be mat. 11 Ido meuula membine, metabe nasui amat imapa tua inyapa, ido leda nyapenan ineapa leopa leta isnebiopa, ido haheiapa. 12 Mansope meuula antane membipo be ninle amat imapa tua inyapa. 13 Letadiapa meuula mamsew Allah kamtat narou antandela manin adato bonahana, ido antare mewa minlemabu tadi aulano. 14 Bepol ido Yesus nagaga aro meipa beito, mansope nasui tu sia. matano ine meubebeito matano hei. 15 Leganapo anapo moebei isne ansumbe bitinine ido lewapa anin kamunbe ihne. 16 Metabe bisa ladok latanohei ine 17 Ilo Yesusa sunbe nou, tantabol meipa, ni murid laturic galiy taban mona. 18 Nasui tu sia bemongkone, meumanto mun purin? Meuula mun leove anapoli ansun be macobei ido ankamun po wapa? 19 Kukura, leulo ansunapa, ansunbe bitipapa, pape ansumbe nyeilopa, bepol ido andok kamun. Ilopmansope, Yesusa mongkone anan inebei ido sihei. 20 Yesusa nasuibe mongkone, leabe andolepo macobei, ido leopo angkamunapa. 21 Kukura leabe anapolo ilo anapo macobei nyemlo, sidok karakir ta siheipo, kamunta lasanbahonom, lakameihei, labunhei. 22 latan barambi labeleapo lin leta simtolompo,latukhei, lamomron nyainigathei, lasuime, lahenkrai, tumtua lataplou. 23 Lewa siheipo wanebeido, sinapo macobei, ido loweineulo anin kamun wapa. 24 Lopa tu Yesusa, naibin nabelo tirus tua sidon iasunbe benaoupa ponai tuan met sana numpo lo naluput pome lape rotiani. 25 Beposa natano Yesusa makai bini gana sumadu aihepo sumpap Yesusa. 26 Bin wapa met Yunani, lahankarini po Siro-Fenisia . Nasiu Yesusa nataje kamapa dok tabol makaibimpa belia. 27 Bepol Yesus nasiu be binpa, makai ipa nyai simatonbon. Kukura mal makai lanin roti be mendokoibe ai are. 28 Ape makai binpa tubulbe mokomine malo Hun aimoto lanan lia makai lanin roti ikamun simdolbe mejaipap. 29 Bepol Yesusa bidon binpa kukura membin lewani ido mewa memtan. Kabio pa titabol nimwepato. 30 Beposa ido bin pa huaibenou be dokinewe pa nane, kukura kabio wana titabolto. 31 Beposa Yesusa andokwei po Tirus nalewat Sidon nabe doi Galilea, ambe Dekapolis. 32 Ido meipalut metoa natanopo apa be Yesusa. Lasuipo Yesusa be baikatopon pa be metpa. 33 Meposa Yesusa nal metua natanopo apa be saibi tabol mewa lamabu apa. Nusun katutipa be talatupa beposa makapi, Iya najama warepa. 34 Bepol Yesusa nakalasa amata mandep, Iya ndu asil pabe amao be nasui, Efata artipaido antapyou. 35 Hapmanto talatupa antapyou saselwa warepa antapi, nasui be anarouw. 36 Yesus nararang meipa lasiube meari ape Iya nalarang kup meipa, ape meipa labidon. 37 meipa latairu lafafayap lasui Iya ninaroleipa be sihei,Iya ido nin -me talatunpa natanohei tu metwapa nasui hei